مصر موتورز مجتمع السيارات
صفحة 2 من 3 1 2 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سيارات حواء (https://www.masrmotors.com/vb/forumdisplay.php?f=181)
-   -   الحقووووونى نسيت السواقة (https://www.masrmotors.com/vb/showthread.php?t=128561)

nktis 31-05-2014 09:54 PM
رد: الحقووووونى
 
اقتباس:
وخلي دائما مخك يرتب الخطوات قبل ما تبدائي تسوقي
اهم نقطه , تهدأي خالص و تسمي الله و تاخدي نفس عميق و براحه متستعجليش تدوسي دبرياج و تشوفي العربيه مموره و لا واخده غيار و لو واخده غيار تموريها , و تدوري العربيه و ترفعي رجلك من علي الدبرياج و سيبيها دقيقه كدا تسخن و تكوني رتبتي خطواتك اللي جايه .؟.
تنزلي فرامل اليد مع تونيسه فرامل الرجل لان العربيه ممكن تكون راكنه في منطقه مش معتدله و تمشي منك و دوسي دبرياج و ارفعي رجلك من علي الفرامل و دوسي براحه بنزين و سنه بسنه و دي اكتر خطوه كل اللي بيتعلموا جديد و انا كنت واحد منهم ترفعي رجلك من علي الدبرياج .
مشيت العربيه ودنك مع صوت الماتور و تغيري بنفس الطريقه اللي فاتت بس اسهل من الغيار الاولاني لان العربيه مش هتنط و تبطل منك زي مع الاولاني و بالتوفيق ان شاء الله .

Eng/salwa 14-06-2014 10:14 PM
رد: الحقووووونى
 
السلام عليكم
لا داعى للندم لانك اشتريتى خلاص
قدر الله وما شاء فعل
ربنا ييسر لكى يارب
ويعطيكى خيرها ويكفيكى شرها
ولا داعى للتوتر كلنا كنا كده فى بداية التعلم
ربنا يوفقك
:w6w200504111340266d

محمد بن مدني 20-06-2014 01:07 AM
رد: الحقووووونى
 
عشان العربية متبطلش منك اعرف دواسة الدبرياج بتفصل فين بالضبط
ومفيش مشكلة لو حملتي بنزين زيادة لغاية متعرفي توفقي الاتنين مع بعض
ومتركبيش حد جمبك يزعقلك خدي حد من سنك وميتكلمش خالص
و128 حلوة انا شايف انها مناسبه
لازم تركبي مريات للعربية مضبوطة جدا وفرامل كويسة وفرامل اليد كمان
وانتظار وانوار
وسيبك من الكسوة والكاسيت متشغليش كاسيت خالص عشان تركزي
بس اهم حاجة متجريش بالعربية
وحكاية التبيطيل لان والدك وترك وانتي اتعصبتي

abokoko 20-06-2014 12:38 PM
رد: الحقووووونى
 
كلنا كنا بنغلط فى باديه تعلم السواقه
ومفيش حاجه اسمها غبي وذكى لكن فى ناس قابيلتها للتعلم اسرع من ناس تانيه

لكن فى النهايه كله بيتعلم

هدوء
ثم مراجعه خطوات بدأ الحركة
وتذكر الدبرياش والفرامل فى حاله اى لخبطه

بالتوفيق

هانى ظريف منصور 20-06-2014 12:49 PM
رد: الحقووووونى
 
ربنا معاكى واهم حاجه التركيز وهدوء الاعصاب وهتبقى بعد كدة وحش سواقه وبالتوفيق

Om Marem 28-08-2014 08:17 PM
رد: الحقووووونى نسيت السواقة
 
يا حبيبتى فى حد ينزل يتعلم مع باباة دول اسباب فشل الستات فى السواقه هما والازواج ههههههههه
بيبقوا متعصبين ومتوترين جدا اسالينى انا نزلت مع بابا دخلت فى عربيه ههههه
انزلى مع حد تانى تتمرنى معاة ممكن واحدة صاحبتك وال 128 حلوة فى التعليم عشان تستحمل الخبطات والمطبات انا معايا 128 مبهدلاها ههههههههه
ربنا معاكى

نبيل عبدالرحمن 28-08-2014 09:22 PM
رد: الحقووووونى نسيت السواقة
 
كويس إن معاكى عربيه 128 تتعلمى عليها وتبهدليها وتخبطيها زى ما إنتى عاوزه وتصليحها بملاليم ولما تتقنى السواقه تمام صلحى الـ 128 وبيعيها وهاتكسبى فيها إن شاء الله وبعدين إشترى عربيه تانية إمكانياتها أحسن ، ما إنتى خلاص بقيتى سواقه ماهره ومش ها تبوظى حاجه فى عربيتك الجديده


الساعة الآن 12:57 AM.
صفحة 2 من 3 1 2 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017