|
رد: دبرياج اللوجان بقا تقيل اوى .. ايه رايكوا ؟؟
معظم الدبرياج اللى بيكون على واير بيبقى عليه طبقة فبر جوا الظرف والزيت بيساعد على تآكل الواير خصوصا لو فى الظرف
وبيساعد على الإحتكاك وبيجمع الرايش ف الظرف ومع الوقت بيقطع اما السيليكون مش بيتفاعل مع الحديد او الفبر وبيساعد على تليين الظرف وبيتعمل كإجراء وقائى كل فترة والله المستعان |
رد: دبرياج اللوجان بقا تقيل اوى .. ايه رايكوا ؟؟
السلام عليكم اكيد انا اقصد حاجه وانت تقصد حاجه تاني اخي هشام السلك بيتحرك داخل الجراب والسيليكون ماده لاصقه لو وضعت السيليكون داخل الجراب السلك مش هيتحرك وهيلزق انما الزيت يخفف الأحتكاك وغالبا ما يكون سبب التقل ان فيه رايش خارج من الواير فالزيت يقلل الأحتكاك بين الرايش والجراب والله اعلى واعلم والله المستعان |
رد: دبرياج اللوجان بقا تقيل اوى .. ايه رايكوا ؟؟
أنا غير ت السلك في التوكيل والديبرياش خف ورجع ثقل تاني بس أنا حاسس إن فيه حاجة في لسك الديبرياج
|
رد: دبرياج اللوجان بقا تقيل اوى .. ايه رايكوا ؟؟
هات اسطوانة وديسك تركى مش فاكر سعرهم بالظبط فى حدود 300 انعم من الاصلى بجد وعن تجربة بس لازم صنايعى شاطر عشان يظبطلك السلك
|
رد: دبرياج اللوجان بقا تقيل اوى .. ايه رايكوا ؟؟
الكابل بتاع الدبرياج ماشي جوه جراب ...والجراب ده مليان زيت ..وفي آخر الجراب من ناحية الفتيس في زي أويل سيل عشان الزيت ده ما يطلعش ..ومن ناحية الدواسة في نفس الموضوع تقريبا ..مش متأكد بصراحه من ناحية الدواسة في نفس الموضوع ولا الموضوع بيعتمد إن الكابل ناحية الدواسه مرفوع لفوق وبالتالي الزيت مش هيطلع من الناحيه دي..ده الوضع عندي في الألتو ..حكاية بقى تعريق الكابل بالشحم أو الزيت دي أنا مش فاهمها ..الكلام ده كنا بنعمله أيام ال 128 عشان الكابل يبقى سهل الحركه ويديك إحساس إن الدبرياج خفيف ..لكن عموما ..المشكلة مش في الكابل قد ما هي في طقم الدبرياج نفسه ..اللي هو الديسك يعني
|
| الساعة الآن 02:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017