مصر موتورز مجتمع السيارات - محتاااار اوى بين بروتون جين 2 وبيجو 301 واوبترا الشكل الجديد !!!!

صفحة 2 من 3

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - محتاااار اوى بين بروتون جين 2 وبيجو 301 واوبترا الشكل الجديد !!!! (https://www.masrmotors.com/vb/showthread.php?t=127999)

magdy_c_c

14-05-2014 03:36 AM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

وبعدين بص يا باشا الاختلاف كله فى العربية دى مجرد شك ان بيجو بتاخد أجزاء من مصانعها فى الصين توديها تتجمع فى أسبانيا و بعدين ترجع تبيعها تانى لنا ، و حتى لو ده صحيح 100 فى الـ 100 معظم العربيات الـ VW و الـ SEAT باردو بتتجمع فى أسبانيا و مش معروف هل كل المكونات بتاع العربيات دى صينى و لا ألمانى و لا ايه و لكن فى النهاية عربيات محترمة جدا و بتوزع لكل أنحاء العالم كفاية اسمها ، و بعدين حضرتك الأوبترا الجديدة هى فى الأساس صينى 100 فى الـ 100 و بتتباع فى الصين تحت اسم SAIC الجين تو عربية محترمة جدا ً جدا ً و توكيل زبالة جدا ً جدا ً جدا ً البيجو كفاية اسمه قطع غيار الـ 301 على فكرة بقت موجودة فى كل مكان و أرخص من الكورى كمان و التوكيل نفسه بتاع البيجو الى حد ما محترم ( زيه زى كل التوكيلات فى مصر ) يعنى من أحسن الوحشين

magdy_c_c

14-05-2014 03:50 AM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

اقتباس:

المشاركة الأصلية كتبت بواسطة Amrr (المشاركة 965227)

يعنى ال301 البيزلاين مش الهاى لاين احسن عربية فى فئتها؟

انا بتكلم على اقل فئة فيها مش الهاي

طبعا ً يا باشا عربية محترمة بـ 110 ألف و فيها معظم مواصفات الأمان كتجهيز أساسى ، عربية عفشة محترمة و ثبات عالى جدا أبعادها و شكلها جذاب صاج قوى تابلوه شيك عالية عن الأرض قطع غيار متوفرة فى التوكيل و دلوقتى برة التوكيل كمان صيانات سهلة
العربية بقت منتشرة جدا ً و ده هيخلى مراكز صيانة كتيرة يشتغلوا فيها و للأمانة بقى كل مشكلة العربية دى فى حاجتين التكييف مش بكفاءة اليابانى و ده طبيعى جدا ً ( و لو مش مصدق اركب كامرى و اركب مرسيدس S500 و شوف التكييف فى الاتنين ) دايما اليابانى يكسب فى التكييف ، الحاجة التانية ان العربية دى لازم تغير لها تيل الفرامل على 20000 كيلو غير كده ماشاء الله عليها

Amrr	14-05-2014 09:52 AM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

طب قارنلي معلش بينها وبين الجين 2 من حيث النقاط اللى كاتبها فوق كده و زود عليهم الصاج و الأعتمادية

ahmedelsahhar

14-05-2014 10:20 AM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

انا مع جميع المشاركات الى بتؤيد 301 عربيه محترمه ومع زميلى فى العمل وبيشكر فيها جدا

محمد اشرف

14-05-2014 12:27 PM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

اقتباس:

المشاركة الأصلية كتبت بواسطة Amrr (المشاركة 965224)

بس انا بقارن بين ال301 البيزلاين مش هاى لاين لأن البيزلاين فى سعر الجين 2 والأوبترا

مش مشكله كله حلو الهاى لاين دى للى عايز كماليات زياده شويه زى التكيف التاتش والتابلوه الابانوس والجنوط الاسبور والحجات دى اما البيز لاين فيها كل اوبشنز اى عربيه عاديه فامش هتفرق

محمد اشرف

14-05-2014 12:28 PM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

اقتباس:

المشاركة الأصلية كتبت بواسطة magdy_c_c (المشاركة 965226)

برافو عليك يا محمد و انا باضم صوتى لصوتك و باقول للأخ اللى طالب المقارنة الـ 301 هى أفضل سيارة فى فئتها و هى فعلا صفقة رابحة جدا ً مقابل سعرها ، و على فكرة مافيش أى حد بيشتكى منها على الاطلاق بل بالعكس الكل بييشكر فيها أما بخصوص الموضوع أعلن ندمى الشديد على شراء المسماه 301 - مصر موتورز مجتمع السيارات
دى حالة فردية و الكلام ده قبل التليين أو حتى ما يعمل بالسيارة الـ 1000 ك الأولى ، كل اللى بعد صيانة الألف و الألفين استهلاك البنزين عندهم قليل جدا و بعدين الراجل بيقول و هو طالع من المعرض شغل التكييف وجده مروحة فى حد بيشغل تكييف عربية زيرو قبل الألف ك الأولى ؟
و بعدين هى وجهات نظر ، و ياريت الأخ يعمل استخارة و ربنا يقدم له الخير ان شاء الله

:fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]:

محمد اشرف

14-05-2014 12:31 PM

رد: محتاااار اوى بين بروتون جين 2 وبيجو 301 واوبترا الشكل الجديد !!!!

اقتباس:

المشاركة الأصلية كتبت بواسطة magdy_c_c (المشاركة 965229)

كلام تماااااااااااااام
:01F6EB~150:
وفعلا لا يوجد حتى الان تكيف يعلوا على اليابانى
وفعلا عندنا فى اسكندريه انتشرت جدا البيجو

الساعة الآن 01:22 PM.

صفحة 2 من 3

عرض 7 مشاركات من هذا الموضوع لكل صفحة