رد: أصوات تزييق من الدركسيون... LADA
 

معذره ولكن
ال لادا كلها تزييق
بس لا تنزعج
مكونات عفشة ال لادا كتير ومتشابك
ال كل بيخاف من البيض
وده اول شيئ بيجيي على البال
لكن فى مقصات وجلب راكبه على المقصات وفى مساعدين راكبين وسط السوست وجلد من تحت ومن فوق

ولى تجربة هنا فى المنتدى
كنت على وشك انى اغير مقصات ( غيرت بالفعل واحد سفلي )
وغيرت بالفعل قنطرة ( كان فيها شرخ بسيط من اعلى ولم يكن هو السبب )
وفى النهايه اتضح ان الصوت من الجلده التى اعلى السوست جزأ من الحافه تآاكل وهو من الجهه الغير ظاهره وحسب المطب او الطلعه من يحصل طقه او تزيق حديد فى حديد وممكن مسمعش اى صوت

الجلده ب 10 جنيه

بس لم تظهر الا لما فكينا العفشه
وكنت وقتها اشتريت القنطرة فقلت له غير القديمه ما دام اشترينا واحده جديده
واعتبرت نفسي جددت العفشة

عموما البيض مهم جدا
لكن مش هو الوحيد اللى ممكن يسبب طقه

رد: أصوات تزييق من الدركسيون... LADA
 

غيرت بيضتين و برضو الصوت موجود
و طلع الصوت زى مقال abokoko ربنا يبارك له
كاوتش الميزان, غيرت الإثنين و الصوت راح الحمد لله

راح خالص لمدة 15 يوم بالضبط و رجع تانى !!!!
مش فاهم فيه ايه؟

رد: أصوات تزييق من الدركسيون... LADA
 

حاليا الطقه مع الدركسيون فقط شمال او يمين
ولا و انت ماشي عموما


جه على بالى المناول المصري بيكون له قطعتين بلاستيك ب5 جنيه
بيعملوا بوش خفيف فى الدركسيون
الافضل حضرتك تغيرهم بمناول على رولمان بلي هيكون فى حدود ال60 جنيه
بس تركب له بنز تشحيم ب2 او 3 جنيه
هيفرق بسيط لكن هتستريح من مشكله البلاستكه بتاعة المناول

هحضرتك اشترى سولار فى اى جركن زيت قديم ب5 جنيه
وروح البنزينه خليه يرش العفشة بالسولار من تحت ويستنى شويه
وبعد كده يغسلك العربيه من اسفل علشان يشيل السولار
ثم شحم العربيه (مثلث الفلنشه والمناول والبيض ان كان بمشاحم ويحط شحم على جزئيات الكردان )

الاصوات هتبان معاك مصدرها
ده ان استمرت
لانها ممكن تروح مع الغسيل