رد: اشتريت تويوتا كورولا 1994 اتوماتيك أرجو الافاده
 

* تم تصليح طقة الفرامل :
البنز اللي ماسك المكبس اللي بيقفل علي الفرامل كان قافش
وناشف جدا والمياكانيكي فكه وشحمه

* تم تصليح صرخة الدركسيون (الباور)
سير الباور كان مترخي وخرطوم الباور اللي موصل للطلمبه كان مقطوع ومفرغ كل الزيت اللي فيه لحد مبقاش فيه باور نهائي
اشتريت خرطوم باورد جديد ب 15ج
+ عليو زيت باور موبيل احمر كيلو ب 35ج
+ مصنعيه 30
(لانه كشفلي علي حاجات كتير في العربيه زي زيت الماكينه
وزيت الفتيس وزوده بالزيت اللي باقي من زيت الباور
وكان في صفارة في الشكمان ضيعها )

* صوت الصرصرة راح والرعشه راحت بعد تظبيت الباور

الخلاصه :
ماتصلحشي عربيتك في ورشه ميكانيكيه الا اذا كنت عايز تخرب عربيتك
ويتنصب عليك ويتعمل عليك حفلة 9
روح مركز خدمة موثوق فيه لان الناس دي فاهمة كويسه وعندهم معدات متطورة عن الورشه كتير

ملاحظات بسيطه :
1- ليه لما بجيب الفتيس علي ال P والعربيه دايره
صوت الماكينه بيقي عالي كأني جايب دواسه البنزين علي الاخر
2- البطاريه بتفضي بسرعه لو نسيت النور الصغير شغال مثلا لمده قصيره

** متشكر جدا لكل واحد ساعدني برايه هنا
وربنا يكيفينا شر الطريق

رد: اشتريت تويوتا كورولا 1994 اتوماتيك أرجو الافاده
 

خلى حد يراجع على كهربا العربية ليكون فى حاجة بتهرب
هل برضه لو جبت الفتيس على ال N بيحصل نفس الحكاية ؟
هل عندك عداد rpm ؟ و لو فيه بيقرى كام لما تجيب على ال P ؟ و هل بيوطى تانى لوحدة و لا بيفضل عالى ؟

رد: اشتريت تويوتا كورولا 1994 اتوماتيك أرجو الافاده
 

ايوة بتحصل نفس الحكايه لو جبت الفتيس علي ال N
لكن ما كنتشي بتحصل قبل كده
كنت لما بجيب الفتيس علي الN أو P صوت العربيه بيختفي تماما والموتور يبقي هادي قوي
لا ماعنديش عداد أر بي أم

ده الاغرب أن الموتور بيبقي صوته أهدي وأفضل بكتير وهوه علي D

رد: اشتريت تويوتا كورولا 1994 اتوماتيك أرجو الافاده
 

كدا فيها حاجة مش مظبوطة
انا معرفش الموديل دا فيه صمام ايدل و لا اتوماتيك شوك بس كدا هو معلق و الله اعلم
هل فيه اى لمبات تحذيرية فى التابلوه زيى مثلا CHECK ؟
و لازم تعملها لانك كدا حتحمل على الفتيس كتير و انت واقف حتضطر تبقى على ال D كتير و دا مش طبيعى
حتى الصبح و انت بتسخن حتبقى جايب على ال D برضه ؟

رد: اشتريت تويوتا كورولا 1994 اتوماتيك أرجو الافاده
 

* مافيش اي لمبات تحذيريه في التابلوه
* روحت لمركز الخدمه تاني النهارده وقالي ده شغل كهربا مش ميكانيكا
وذكرتله الكلمتين اللي انت قولت عليهم
"صمام ايدل و لا اتوماتيك شوك"
طلع ان معندوش اي خلفيه عنهم ومارضاش يفتي وقال مايعرفش
فهل ده فعلا شغل كهربا مش ميكانيكا

===================

نقطه مهمه جدا :-

أول يوم روحت فيه المركز المهندس ماكنش هناك لكن صبي الميكانيكي هوه اللي اشتغل في العربيه
وكان فيه خرطوم صغير تحت الكرابراتير بينفس هوه جامد جدا
سألته ايه ده ماردش عليا وراح جاب مسمار وسد بيه الخرطوم ده
مين غير مايرد علي كلامي نهائي كأني جرافيك أو فوتوشوب :crazyW14:
أنا صورتلك الخرطوم ده 3 صور عشان تشوفه كويس

http://s30.postimg.org/hjswmmj29/IMG...426_113006.jpg

http://s30.postimg.org/elvxsxbep/IMG...426_113020.jpg

http://s30.postimg.org/pdti80qv5/IMG...426_113031.jpg

هل اللي عمله ده فيه خطر علي العربيه ؟
ازاي احل مشكله صوت العربيه العالي الموجود في ال N وال P
اللي ماكنش موجود قبل كده واللي مش طبيعي علي الاتوماتيك ؟
وشكرا

رد: اشتريت تويوتا كورولا 1994 اتوماتيك أرجو الافاده
 

هو من الواضح ان الخرطوم كان كدا قبل ما تروحلهم و هو اضطر يسده
بس الصح اكيد ان الخرطوم كان واصل لحاجة
هل قبل ما يسد الخرطوم كان برضه الماتور عالى كدا ؟
و لا ملوش علاقة ؟

انا لما دققت فى الصور لقيت الخرطوم فرع من ماسورة او خرطوم اكبر واصل للتابلوه
و فى جنب الخرطوم وصلة تانية سايبة و لا ايه ديى ؟

على العموم الموضوع كله فى ايد الميكانيكى بس هو الميكانيكى دا محترم انه قال ميعرفش
ان شاء الله حد يدلك على متخصص كورولا
حضرتك منين ؟

رد: اشتريت تويوتا كورولا 1994 اتوماتيك أرجو الافاده
 

بعد أيام معاناة مع قرف البطاريه تم تغييرها والحمد لله
خد مني القديمه 40 أمبير وأداني واحده جديده 60 أمبير تركي ودفعت فرق 330جنيه
مشكلة الصوت العالي اللي علي ال N أو ال P
بسبب ان الميكانيكي خللي العربيه عالية
لانها كانت بتبطل لما الدركسيون بييجي علي اقصي اليمين او اقصي الشمال
حاولت اوطيها لكن للاسف بتبطل لما اكسر الدركسيون علي اي جهه
ممكن حد يقوللي ايه السبب ياشباب ؟

* في رجه جامده في العربيه لما بجيب الفتيس علي وضع R
* في صوت صرصرة لما اجي ادوس بنزين جامد وبتظهر والعجل ماشي مش واقف
يعني لو نورت العصايه ودوست بنزين مافيش صوت نهائي
* صورة المسمار اللي فوق اللي متركب علي الخرطوم طلع بتاع التكييف
هاروح لواحد متخصص تكييف واصلحه باذن الله

وشكرا