رد: إلى خبراء أوبل (عندى كارثة )
 

أستاذ أحمد على أشكرك على أهتمامك وردك على الموضوع ولكن خوفى مش بس الموتور الجديد يكون فيه حاجة أنا بقيت خايف يكون فيه عيوب أنظمة الأمان أو الفرامل أو أى شىء آخر وافضل كل شوية رايح جاى على التوكيل وبالمناسبة أنا نسيت أقول أنهم وعدونى بأنهم مع الموتور الجديد هيمدوا الضمان سنة إضافية + 20000كم ليصبح الضمان 4 سنوات أو 120000كم أيهما أقرب وديه الحقيقة حاجة كويسة طمنتنى بعض الشىء ولكن هل تبديل الموتور ممكن يأثر على السيارة من حيث الأداء أو التقفيل مايكونش زى الألمانى هى دى أكتر حاجة قلقانى

رد: إلى خبراء أوبل (عندى كارثة )
 

تسلم لذوق حضرتك
تركيب ماتور جديد ملوش علاقة بالتقفيل بمعنى ان علاقة الماتور بالعربية ما هى الا قواعد و فيش و وصلات سوائل لكن الماتور نفسه متقفل فى المانيا و العربية كمان و شيل ماتور و حط ماتور زيه زيى اى قطعة غيار انا معاك ان الموضوع major maintenance بس دا شغل كله من الكتاب و اتباع اجرائات الجودة
و هما مصلحتهم ان الشغل ميبقاش فيه غلطة
و انا و الله كنت بفكر فى حكاية الضمان ان المفروض يطول و حضرتك اكدت ان دا اللى حصل
و دا ياكد انهم واثقين من شغلهم و واثقين ان العيب مستحيل يظهر تانى او غيره او بسبب الشغل لان هما فى الاول و الاخر يهمهم ميرموش فلوسهم و سمعتهم فى الارض

رد: إلى خبراء أوبل (عندى كارثة )
 

ملحوظة هامة جدا جدا
اتاكد ان الموتور بتاعك لم يتم اصلاحة وتركيبة مره اخري علي انه جديد
انا لم اتعامل مع التوكيل بتاع اوبل من قبل لكن تفائلوا خيرا تجدوه ان شاء الله
بس الواضح انه توكيل كويس اداك عربية تمشي بيها حالك ودي خطوة جيدة من التوكيل

رد: إلى خبراء أوبل (عندى كارثة )
 

أستاذ أحمد على ربنا يطمن قلبك زى ماطمنتنى لأنى كنت بفكر بجدية أنى أبيع العربية بعد ماستلمها من التوكيل مع أنى عشقتها فى الفترة القصيرة دى بس خلاص أنا هاتوكل على الله واستمر بيها وربنا يسهل وترجع زى الأول وبكرر شكرى لك وللأخوة الأفاضل فى المنتدى على تعاونكم معى .. شكرا جزيلا

رد: إلى خبراء أوبل (عندى كارثة )
 

العضو العزيز romeoalmansour اشكرك على أهتمامك وطبعا لازم يكون الموتور جديد لأنهم بيسلموا الأفراج الجمركى لوحدة المرور التابع لها السيارة ويتم تغيير رقم الموتور فى الرخصة وهما أكدولى أنهم هايبعتوا معايا مندوب لوحدة المرور لتسهيل الإجراءات وتغيير الرخصة بالرقم الجديد للموتور

رد: إلى خبراء أوبل (عندى كارثة )
 

رد: إلى خبراء أوبل (عندى كارثة )
 

انا اساسا كنت بفكر اقرص على نفسى و اجيبها لانها بصراحة اجمل عربية فى مصر