مصر موتورز مجتمع السيارات - اي حد عنده استفسار او اسئلة عن سروجي السيارات

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - اي حد عنده استفسار او اسئلة عن سروجي السيارات (https://www.masrmotors.com/vb/showthread.php?t=124091)

رد: اي حد عنده استفسار او اسئلة عن سروجي السيارات

اقتباس:

المشاركة الأصلية كتبت بواسطة سروجي الاسكندريه (المشاركة 948990)

حضرتك طبعا فاهم ان صوابعك مش زي بعض وبالذات السقف لازم الفني ال شغال فيها يبقي فاهم ان لازم نوع اللزق ال بيلزق بيه بيكون كويس لذلك احنا بنستخدم خامات لزق الماني عشان يكون شديد ده اولا ثانيا لازم نوع القماش او الجلد يكون بيقبل اللزق لان في انواع بتكون زفره مش بتقبل لزق ثالثا اختيار مكان الفني التمام ويكون في ضمان علي الاقل سنة ضدد عيوب الصناعه وبالذات السقف اكثر من اي حاجه وانصحك في اختيار خامه السقف سواء كان جلد او قماش عليك فقط اختيار اللون وسيب الخامه للفني عشان اي عيوب ترجعله ومش يقولك انت ال صممت علي نوع الخامه ولكنه مش سبب المفروض انه ينصحك ولو صممت علي رائيك يبقي اي خطاء يرجعلك انت ويارب اكون قدرت افيدك

فهمت قصدك يا استاذ طارق الله ينور عليك هو فعلاً موكيت السقف كان متسخ جداً وغالباً ده السبب ان اللزق مكانش بيثبت ولما كنت بروحلهم كانو بيثبتوه وبعد كام يوم يتكرر الموضوع تانى وناس فتتلى ان الاحسن انى كنت اشيل الموكيت مش يتلزق عليه !

رد: اي حد عنده استفسار او اسئلة عن سروجي السيارات

اقتباس:

حضرتك اولا من كلامك واضح ان الكرسي ملعوب فيه بسبب وجود كارينا فى الكرسي والكارينه دي لا تستخدم مطلقا في فرش السيارات لان الكرينا بتاعت الانتريهات والصالونات المنازل اما موضوع انها تبقي في كرس سياره فاكيد اما انك استرخصت فى تنجيد الكرسي لما جيت تنجده او سؤء الفني ثانيا بما ان الكرسي ملعوب في ف مش هقدر احددلك مقاس المفتاح ال هتفك بيه عمتا انت هتشوف مقاس المفتاح واما تيجي تفك هترجع الكرس للخلف وتبدا تفك من الامام والعكس بعد اما تفك من الامام هتفك من الخلق وكده اتفك الكرسي انما انك تسد الفتحه فهو عمرك ما هتعرف تسدها لان الكرينا عباره عن قش فمهما هتعمل هتنزل كارينا لو حابب تزوده فعلا ممكن تججيب فرخ سفنج 5 سم وتزود بيه انضف وافضل واسف اني طولت عليك

أولاً بجد بجد بأدعيلك ربنا يوسع رزقك و يعزك و يباركلك
ثانياً العربيه مستعمله و أنا شاريها على كده, بس كنت عاوز أعرف المفروض التنجيد يكون بإيه؟
سفنج و شدة مطاط أو كاوتش و سوست
و لو عاوز أعمل الكرسى ده صح لأن اللادا ربنا ما يوريك, جابتلى العصعوص بدرى, العفشه بتاعتها بتسلم على كل حصوايه فى الطريق و لو مطب و لا نقرة تأخدها بالحضن و يطلع لحد دماغك.
عاوز أعمله صح, المفروض أقول للصنايعى يعمل إيه علشان يحس إنى فاهم و تكلفته بالتقريب لو سمحت.
أنا قصدى الكرسى بتاعى أنا بس و على نفس الكسوة بتاعته.

رد: اي حد عنده استفسار او اسئلة عن سروجي السيارات

اقتباس:

المشاركة الأصلية كتبت بواسطة zing0 (المشاركة 949308)

حضرتك هو لو السوست بايظة ممكن يغيرها ويحطلك قالب سفنج جديد افضل بيتباع تقريبا بيعمل 80 جنيه
وهو هياخد مش اكتر من 100 جنيه بالكتير يوم اما نقول اتكلف وهو تعب اوي فيه

رد: اي حد عنده استفسار او اسئلة عن سروجي السيارات

دي صور بعض انواع وخامات الجلود

صورة جلد الماني

http://im31.gulfup.com/YMuSc.jpg

صورة جلد امريكي

http://im31.gulfup.com/q7pxz.jpg

صورة جلد تايلاندي

http://im31.gulfup.com/eOvT4.jpg

رد: اي حد عنده استفسار او اسئلة عن سروجي السيارات

متابع مع حضرتك
لان العربية عندى نفسى اعملها

لانوس و لو عايز جلد صناعى المانى مثلا او حاجة كويسة و يبقى درجة لون واحدة بيج مثلا غامق
التكلفة ممكن كام عشان احوش

و تخلص فى وقت اد ايه تقريبا لان سيدى بشر بعيد عنى

و تحياتى لحضرتك و منورنا

رد: اي حد عنده استفسار او اسئلة عن سروجي السيارات

السلام عليكم
موضوع رائع ان شاء الله
لو سمحت عندي عربية نيو اكسنت وفيه مسند لليد جنب السواق
المسند دا ارتفاعه قل من يومين فلما بقيت اسند عليه لازم انزل ايدي لتحت شوية مبقاش مريح
ياتري ايه المشكلة وهل ممكن احلها بنفسي
بيقولوا ممكن يكون فيه مسمار فك شوية هل دا صح ولا غلط
لو روحت لسروجي يتحل الموضوع بسرعة ولا هياخد وقت ويضطر يفك الكرسي هو المسند جاي مع العربية
وشكرا جدا