|
رد: البيت كان هيتحرق لولا ستر ربنا
الحمد لله ... قدر و لطف .... و انا بحييك على حسن التصرف ....
الطبيعى جدا ان لو فيه نار ... الواحد بيرش عليها مياه ... و بالنسبة لحرائق الزيت ... دى بتكون سبب فى ازدياد الحريق بشكل كبير لو حضرتك تستطيع ... ممكن تعلق طفاية الحريق فى مكان ظاهر ... بس اهم حاجة ... الزوجة توافق زوجتى على سبيل المثال مش موافقة على هذا بحجة المنظر العام للبيت ... ربنا يهديهم بالنسبة للطفاية .... لو الطفاية من شركة بافاريا ... حضرتك بترجعها لهم و هم بيقوموا بالتأكد منها و اعادة ملوها ... على ما اتذكر ... ليهم مقر فى اخر شارع الجمهورية لو مش بافاريا ... ممكن حضرتك توديها لأى محل ( محترم ) بيبيع طفايات حريق و هو ممكن يعيد ملوها ... و دول كتير فى اخر شارع الجمهورية و الشوارع المتفرعة منه على فكرة ... فيه ناس كانت بتملى الطفايات بالدقيق !!!! و صدق او لا تصدق ... الدقيق كان بيطفى الحرائق بنسبة معقولة جدا حضرتك لفت نظرى جدا لموضوع البطانية !!! ان شاء الله اشترى واحدة لما انزل وسط البلد ربنا يعافينا و يرحمنا |
رد: البيت كان هيتحرق لولا ستر ربنا
الحمد لله
الطفايه الكبيره غالبا بتعتمد على ضغط الغاز وبحتاج صيانه سنوى الصغيره بيبقي تفاعل كيماوى وبحتاج صيانه على فترات متباعده بس اعتقد الصيانه مش مكلفة وشركة بفاريا متخصصين وسمعتهم كويسه عيبهم انهم مش بيشتغلوا للانواع التانيه حسب ما اعرف و الله اعلم وفى شركات تانيه بيعملوا صيانه لاى نوع وبيدوا لك ضمان سنة ابدأ ب بفاريا |
رد: البيت كان هيتحرق لولا ستر ربنا
الف سلامة يا ابو نورا
قدر الله وما شاء فعل |
رد: البيت كان هيتحرق لولا ستر ربنا
اعز اصحاب واخوة واخوات شكراً ليكم على سؤالكم وربنا يسلمكم جميعاً و متحرمش من سؤالكم يارب
|
رد: البيت كان هيتحرق لولا ستر ربنا
شوية نصائح 1 اول حاجة تقفل الغاز او الانبوبة 2 لازم يكون عندك طفايه حريق سليمة فى البيت ومتشاله فى مكان سهل ومعروف لكل البيت لو معندكش ممكن تلاقى نفسك مضطر تاخد عيالك وتطلع تجرى او تفتكس محاولات بقى بالميه والبطاطين وكدة الطفايه تمنها ممكن يكون 200 جنية مثلاً بس يوم ما هتحتاجها هتوفر بسببها عشرات الاف فمعلش لازم يكون عندك واحدة فى البيت وفى العربيه 3 اهم حاجة ربنا يلهمك الثبات وتفكر صح ايه اللى مولع بالظبط خشب ولا ورق ولا زيت ولا بلاستيك ولا كهرباء والحريق ماسك فى ايه وفى اتجاه يمسك فى ايه تانى لو فيه حاجة خطيرة ممكن يمسك فيها او طبعاً بنى ادمين قريبين لازم كل ده يبعد قبل حتى ما تبداء تطفى لو كهرباء افصل الخط وتاكد انك معزول عن الارض لو زيت او مواد كيماوية استخدم بطانية ويفضل تكون مبلولة اى حاجة غير دول سهله 4 مهما كان الدخان كثيف متحاولش تفتح شباك لان الهواء ممكن يزود النار وممكن يغير اتجاهها بسرعة جداً 5 بعد ما تطفى النار تاكد ان مفيش حاجة على وشك الاشتعال تانى وبعدها ممكن تفتح للهواء او تخرج من المكان وده فيديو توضيحى ربنا يكفينا جميعاً شر النار دنيا واخرة http://www.youtube.com/watch?v=PyffeOKxeZ8 |
رد: البيت كان هيتحرق لولا ستر ربنا
نصيحة من زميلنا NicEgypt Web
بالنسبة لطفاية الحريق شركة بفاريا فى جسر السويس هيعاد ملئها وهتلاقي العداد بتاعها او المؤشر راح على الاخضر بعد الملئ ولو محتاج اي صيانة بيتم صيانتها هناك انا شاري طفاية للبيت وواحدة للعربية من هناك وبملي هناك .. صلاحية الطفاية تقريبا 3 سنين بعد كدة لازم يعاد ملئها عندهم |
رد: البيت كان هيتحرق لولا ستر ربنا
قدر الله و ماشاء فعل و ربنا يسترها علينا و الف سلامة
|
| الساعة الآن 09:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017