|
رد: نايل موتورز الحرامى المسروق
اقتباس:
حبيبى يا أيمن ربنا يخليك ويحفظك بجد انت من أكتر الناس المحترمين اللى قابلتهم فى حياتى ونتا عارف انى مبعرفش أجامل ونعم الأخ والصديق اللى يسد وقت ما تحتاجه مبيتأخرش ربنا يرزقك ويوفقك للى فيه الخير بإذن الله وتحياتى لأبونورا الأستاز المحترم وائل مجدى صلاح اللى بعتبره أخ ليا وتحياتى لكل الزملاء المحترمين |
رد: نايل موتورز الحرامى المسروق
اقتباس:
تحياتى لحضرتك يا أستاز محمد ياريت تخليى صديقك اللى هناك ينضم لنا الموضوع مش قصة إشراف وبس حضرتك من أعمدة المنتدى وأكيد صديق حضرتك مكسب لينا برضو |
رد: نايل موتورز الحرامى المسروق
فيه ناس ممكن تفتكر من الموضوع ده انى ضد نايل موتورز كمنتدى بالعكس انا بحب نايل موتورز وبحب كونتكت كارز وبحب منتديات كتير عربيه ولو حد شاف تطبيق البحث بتاعها هيلاقيه بيبحث فى مصرموتورز ومنتديات عربيه كتير
واللى يعرفنى من زمان هيعرف انى كنت من اوائل الناس اللى اعلنت عن اسبيرانزا كلوب مع ان عندنا منتدى للاسبيرانزا والصينى عموماً ومن انشط المنتديات احنا بلد كبيرة وجمهور السيارات كبير وممكن كلنا نشتغل ونتنافس فى افادة الناس وكل واحد فينا يبقاله اسلوبه ولونه وطعمة عادى جداً وبالحديث عن تكنووان مثلاً اول لما جم يعملو اعلانات كلمونى الاول وانا كلمت نايل وربطهم ببعض علشان يعملو اعلانات هناك وغيرهم ايجى سبيد صاحبى وحبيبى وبنتواصل كتير وبنتقابل فى المعارض كتير وبينا كل احترام موقع الوكيل صحابى وبيبعتولى اخبار على الميل انشرها وبيبعتولى دعوات للافينتات لتغطيتها لو حد يفتكر منتدى فتيس صحابة صحابى برضو وحضر بعضهم واحدة من مقابلتنا قبل كدة الحمد لله ده اسلوبنا من زمان ومش هنغيره واللى عايز يفتح منتدى سيارات بكرة انا يشرفنى اساعدة فى الاستضافه والتصميم والتسويق وكل حاجة الواحد بيزعل بس من الاساليب القذرة انا لسه بحكيلكم قصه سرقة نايل موتورز واللى بالرغم من كونها سرقة مكتملة الاركان كانت ممكن تبقى عادى ومتزعلنيش انا ولا هانى ولا حد لكن مكتفاش بالسرقه ومسح تاريخنا والف قصه تانية على اعتبار انها قصه تاسيس الموقع ومش خانا وسرقنا احنا بس اللى كنا فى يوم من الايام اصحابه ده خان الكل علشان المؤسسين يصفصفوا من سبعة لشخص واحد فقط ومش بس سرق نايل وخلاص لما جيت اعمل مصرموتورز زق عليا ناس وشغل محاضر ووساخة يروحولى الشغل بادعاء ان انى عامل مصر موتورز على سيرفر الشركة اللى كنت ماسكها ساعتها وحلنى بقى علشان تثبت العكس كان فاكر انه لما يعمل كدة انا بقى هتفرغ لانى ادور على شغل تانى ومعرفش اصرف على المنتدى ويقع على كدة لكن اللى حصل العكس اهتميت بيه اكتر واثبت للعالم بالمعنى الحرفى من اول كيا وهيونداى فى كوريا لحد هنا فى مصر اننا موقع سيارات محترم يعرف هو ليه هيونداى لما جت تعمل تعريف بعربياتها الاخيرة (السوناتا والالنترا والار بى ) اختارت مصر موتورز مختارتش نايل مع انه زى ما بيقول عندة محتوى اكبر واعضاء اكتر !! عمره ما هيعرف الموضوع مش منتدى احسن من منتدى وهيفضل نايل واحد من انجازاتى اللى بعتز بيها وبتمنالها البقاء وعمرى ما اتمناله يقع هو او كونتكت او اى موقع تانى بيفيد الناس وفيه مجهود ناس ميقدروش غير اللى فاهم يعنى ايه مجهود الحكاية يا سادة فى الناس اللى بتسرق المجهود واللى السرقه والوقيعة والخباثه عندها اسلوب حياة للاسف هو مش هيستريح الا لما يشوف مصر موتورز واقع خالص حاولو قبل كدة كتير باختراقات وقله ادب كتير والحمد لله تجاوزناها وبرضو شيلتهم من دماغى خالص وكملت لكن اللى جد انى اكتشفت انهم مستمرين فى الاساليب الخبيثه ولسه من يومين واحد من اعضائنا المحترمين بعتلى على الفيس تفاصيل محادثة مع واحد منهم داخل باسم هنا فى مصرموتورز يشوه فى المنتدى ويدعوه للانتقال لهناك طيب لو ده حد محترم هيبعت يقوله حتى شرفنا فى موقعنا كذا كذا وخلاص لكن هو كان حريص فى كل رساله يصور مصر موتورز بشكل سىء ويمجد فى نايل .. زى ما قولت بالظبط اساليب تؤكد انحطاط فكرى منقطع النظير بصراحة التفاصيل هرفعها تباعاً ان شاء الله وكل كلمة اتكتبت وهتتكتب اشهد الله بانها الحق والصدق ومش كلام مرسل كل حاجة بالشاهد والدليل |
رد: نايل موتورز الحرامى المسروق
ده فيما يخص واقعة سرقة الاعضاء (ان صح التعبير) لسه امبارح والواقعة ديه مش الاولى طبعاً ديه مستمرة دائماً ومن اساليب الحرامى المعروفه
طبعاً هو ميعرفش انى عمرى ما بمانع ان حد يكون مشترك فى المنتديين سواء كان مشرف او عضو عادى بالعكس بنصح المشرفين والاعضاء انهم يشتركو فى كل المنتديات العربيه والاجنبية وكتير بحط فى ردودى اقتباسات من منتديات عربيه واجنبية انا نفسى بتابع الكل ازى هبقى ضد ده للناس ! لكن الوقفه هنا على الاسلوب وزى ما قولت قبل كدة لنفترض جدلاً انى هعمل حاجة زى كدة احتراماً لنفسى قبل الشخص اللى هكلمة حتى هبعت اقوله احنا عندنا منتدى اسمة مصر موتورز ويشرفنا انضمامك ليه وبس .. لكن ما تخفيه الصدور يظهر فى اسلوب الدعوة http://www.masr1.com/di-UC9K.png http://www.masr1.com/di-GJP3.jpg الصور الاصلية موجودة على صفحتى على الفيس للى عايز يخش يشوفها وزميلنا الفاضل رامى صفوت موجود ممكن تتاكدو منه من الواقعة بنفسكو |
رد: نايل موتورز الحرامى المسروق
رابط المشاركة الاصلية على صفحتى على الفيس
https://www.facebook.com/photo.php?f...4852222&type=1 وزى ما قولت وزى مانتو شايفين قد ايه كان حريص باسلوب خبيث يدعى علينا اننا منتدى اعضائه مبيفهموش حاجة فى العربيات وياعينى صعبان عليه وجودة هنا بينما هناك فيه ناس بتفهم !! طب انا مع كل سفاله وقذاره ادارة نايل مقدرش اتمنى للمنتدى ككل غير النجاح علشان مجهود الناس اللى فيه من مواضيع ومشاركات ومقدرش ابداً اشوه او اسيء لاعضائه انت عايز تدعو عضو عندك مفيش مشكلة لكن ليه تسيء ليه ولاعضاءه باسلوب خبيث وقذر كدة !!! |
رد: نايل موتورز الحرامى المسروق
وائل بيه بعد التحية على الموضوع اللى فهمنى كتير عن القصة ... كنت باضايق قوى لما الاقى الموقع بيقع وكنت بتعكنن ... بس بجد بجد كلام الاعضاء المعتاد عن الجو الاسرى والتكاتف مش مجرد كلام ... والموضوع ده مش موجود اصلا فى منتدى تانى عموما مش بس منتديات العربيات ... وفى رأيى ان القصة كلها تتلخص فى ان الجماعة المؤسسين مشكورين جميعا (معرفش منهم غير ابو نورا) كان هدفهم الاول تعميم الفايدة قبل الاستفادة المادية وعلى اغلب الظن ايضا ان الكلام ده لم يتوفر فى المنافسين ... عموما اطيب الامنيات لكل اعضاء المنتدى بسنة سعيدة عليهم ان شاء الله ... وكلمتى للمنتدى نفسه : يا جبل ما يهزك ريح |
رد: نايل موتورز الحرامى المسروق
استاذ ابو نورا و باقي اعضاء المنتدى
انا العضو اللي بعت و كلمت استاذ رامي صفوت اللي كنت بنصحه ب نايل موتورز انا مش من الاداره للعلم انا عضو عادي بدرجه برونزي يعني مش مشرف حتى عشان تخميناتك ماتزيدش بصوا بقى يا ساده انا مسجل هناك من 2009 و هنا من 2010 و كنت منقطع عن المشاركات هنا و هناك كنت ادخل استفيد و بس و اللي شجعني على الدخول و المشاركه اني ادخل هنا الاقي الدنيا لسه واقفه على حالها ادخل هناك الاقي دنيا رايحه وجايه و نشاط ملحوظ فعشان كده بعد ما بدأت اشارك هنا و رفعت عضوتي لدرجه نشيط بدأت اقلل من دخولي هنا لصالح هناك موضوع ا/رامي صفوت ده بدأ من فتره رده في موضوع شد انتباهي تابعت موضوعاته تقريبا كلها لاقيته مميز في تفكيره و نشاطه و طموحه في التعديلات فاحبيت اضمه لاسره المنتدى التاني وده مش عيب ياساده اني اضمه لاسره تانيه عادي حبيت افيده و افيد بيه باقي الناس لكن بعد تفكير قولت لأ ليحسب الموضوع مش تمام ونسيته و نسيت موضوعه لكن بعد فتره جه قدامي تاني قولت لأ انا حقوله و دماغه حتكون اكبر من كده و للاسف لأ لكن انا تعليق على رامي بيه انه لما رفع برنت سكرين للمحادثات سقط منه رسالتين احب افكره بيهم [img]http://nileup.com/up/uploads/**********_13886833681.pn g[/img] [img]http://nileup.com/up/uploads/**********_13886833682.pn g[/img] الواضح لما استاذ رامي سمع نايل موتورز اضايق لكن لو منتدى تاني كان عادى ولا كان بيجيب رجلي؟؟!!! الموضوع اكبر من كده ياساده الدنيا واسعه وكبيره والعلام مش مقتصر هنا في المنتدى وبس... على كده يبقى كل واحد يركز على مصدر واحد للمعلومه و لو بص لغير المصدر ده تبقى خيانه على كده!! لا المعرفه مقتصره على حد و لا حد يقدر يحجرها على حد لاهنا ولا هناك أ/ ابو نورا و أ/ رامي اشكركم على ذوقكم البالغ انا لا خبيث ولا سافل و لا قذر وانا مدخلتش عملت اعلان لنايل موتورز على العام وكلامك ساعتها ممكن يتقبل بدون طبعا الفاظك الروعه و لكني دخلت لعضو بالخاص حبيت اقوله على منتدى تاني وبالنسبه للاساءه لباقي الاعضاء انا ماسأتش لحد انا كنت بعيب على المنتدى انه ممل و نشاطه قليل والاعضاء نشاطهم قليل و ده مش عيب اني اقول كده امال يعني ايه مقارنه ومفاضله بين اي سلعتين بالعكس يا اداره لما يدخل واحد زيي و يقول على الخاص لواحد زي العضو رامي يبقى كده فيه خلل عندي ادور عليه واحاول اصلحه او اطوره عشان اكتر من نشاط الناس وبالتالي اجذب مزيد من الاعضاء يا ساده لو المنتدى بينجح بينجح من الاداره و قبلهم الاعضاء و لو يفشل بيفشل بالاداره والاعضاء و بالنسبه لوضوع المحادثات اللي بين استاذ ابو نورا و استاذ رامي انه ممكن يعملوا معايا الجلاشه ولا يحظروني احب اقولكم الجلاشه اللي من النوع ده متفرقش معايا لانك متقدرش انك تحظر حد او تلغي عضويته لانه مشترك بمنتدى تاني او حتى قال لعضو اخر على الخاص على منتدى تاني ولو اتحظرت عادي حعمل عضويه جديده وادخل لان المنتدى ده مش ملاكي استاذ رامي صفوت انا كلمتك على الخاص و كويس ان ده رد فعلك عشان انت مكنتش حتعرف تمشي معانا هناك وللي فاكر اني مثلا مكسوف او خجلان .. اخجل من ايه مفيش حاجه غلط حصلت و لو اتعاد الموقف كنت حكرره تاني لكن مع عضو غير أ/رامي |
| الساعة الآن 11:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017