رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

المشكله يا باشمهندس ان الاستاذ مصطفي مش هو اللي عاوز يشتري
دا واحد داخل بس يقول الكلمتين بتوعه
انا عموما حسكت
بس مستني تأكيد كلامه انه يجيبلي كل (ردودي) المتحامل علي الابيزا فيها
لان مش من النوع اللي انكر كلمه قولتها و ان كنت قولت اي كلمه فيها تحامل علي الابيزا يا ريت
يجيبها قدام الناس كلها و يكدبني و انا راضي
بس في حاله لو ما جابش هو عارف الوضع حيبقي عامل ازاي..........

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

انا مقلتلوش حاجة علشان يزعل يا استاذ احمد بس المفروض بدام مشرف يوضح للناس ليه بفضل عربية عن عربية مثلا علشان قطع غيارها ارخص علشان سوقها احسن علشان ثباتها افضل كده يعنى زى اى حد بيفهم وبيفهم حد مش انا حر فى رايي ومش عارف ايه اللى بيقوله ده

خلاص يا سيدى انت حر فى رايك صح خليه لنفسك بقى ptmnlo123per145

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

مش حضرتك اللي حتعرفني التزماتي كمشرف تكون ايه و رأيك تحتفظ بيه لنفسك لما تبقي مشرف ان شاء الله ابقي نفذه:)

ما اعتقدش ان العضو صاحب الموضوع سأل الافضل ليه و لماذا
و ما اعتقدش انه جاب حضرتك محامي عنه او مترجم للموضوع علشان تتدخل فيه
لما العضو يسأل حبقي اقوله بلاش تقوم بدور المحامي
و يا ريت تبقي قد كلمتك و تجيب كل (ردودي ) اللي بتقول ان المتحامل فيها علي الابيزا
ولا حضرتك بتهرب من كلامك و مش عارف تجيب كل الردود اللي بشتم في الابيزا فيها؟؟

يا ريت توضح معني الكلمه اللي بالاحمر دي ايه بالضبط


رغم ان كلامك فيه شخصنه واضحه و تهكم واضح علي شخصي لكني مش حعمل شكوي فيك و حكتفي بالتقييم السلبي فقط
و كلامك اللي بتقوله يا ريت حضرتك تنفذه علي نفسك قبل ما تتجني علي الناس و تتهمهم بتهم من غير وجه حق.

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

يا استاذ حازم لما تكون متحيز فى رد زى اتنين زى عشرين وردين فى يوم واحد مش قليل مش لازم اجيبلك ميت رد يعنى ولا هى مقاوحة وخلاص

انا بقول لحضرتك مع الاحترام الكامل لشخصك لما تفاضل بين عربية والتانية تقول اسباب واضحة ومقنعة وحضرتك بتفاضل من غير اسباب اساسا وبتقول ده رايك فكده خلاص عرفت انه راى شخصى وبالتالى ميلزمنيش اهتم بيه

وموضوع انى برد فى مشاركة الاخ صاحب الموضوع فمش معناه محامى ولا حاجة انا برد عن نفسى وبسأل عن لمعلوماتى واعتقد اى موضوع فى المنتدى بيبقى للناس كلها مش لصاحب الموضوع والمشرف اللى بيرد عليه وبس والا الناس تسال على الخاص وبلاها مواضيع خالص

اعتقد من الامانة تعترف انك غلطت فى انك ترشح وتفاضل من مزاجك بدون شرح او مببرات زى ما غلطت وفضلت الكورسا على الابيزا وزى ما عمال تغالط وتقاوح دلوقتى ومش عايز تعترف باخطائك وماسك فى كلمه كل ردودك او اى كلمة وخلاص بره اعتراضى الاساسى على ردودك ودلوقتى اسلوبك كمان

فخلاص يا استاذ حازم الرسالة وصلت وانا كنت عايز اعرف بس الاستاذ المشرف الخبير بيقيم ازاى واتطمنت انك بتقيم بمزاجكك وعال العال تشكر يا ريس وياريت اذا شوفتنى بسال اى سؤال متردش عليه ووفر ارائك الشخصيه المزاجيه لنفسك احسن

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

يا جماعه استهدوا بالله كده

احنا في رمضان

لو الموضوع ده هيخليكوا تتضايقوا , امسحوه

واحب اشكر حازم خضر على اجابته على الاسئلة وربنا يجازيك كل خير ان شاء الله ... :)

يا حازم انا قدامي واحده جوليت وموديل 97 , واخويا اللي شافها مش انا لاني خارج مصر حاليا


تقريبا سعر موديل 97 يعمل كام علشان اكون عارف , لانه طلب سعر خرافي بالنسبة لموديلات تانيه

وهل الميكانيكة بيفهموا فيها

اصلي خايف تعطل وقتي من حيث العطلة والكلام ده بفرض النظر انها حالتها كويسة من عفشة وكله ان شاء الله

اللي اقصد اقوله كي لا اكون مناقض لكلامي , انها لا تكون صديقة للميكانيكي ...

وهل هي واسعه من الداخل ومريحة ام لا


وياريت تكلمني عنها شويه , انته عارف اول عربية للواحد والفبول والارتياح النفسي عامل كبير اوي

ورمضان كريم عليكوا جميعا يا ناس يا عسل ... :)

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

حصل خير ورمضان كريم يا جماعة بس كنت عايز اعرف حاجة يا استاذ حازم ان حضرتك قولت الابيزا تقيلة في سواقتها وحتحس انك بتعمل مجهود الكلام دا مثلا علي الابيزا 1994 تحديدا لان مفيهاش بور ولا علي 98 و99 كمان اللي فيها بور

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

هو فين التحيز في ردي الا لو اعتبرت اني بقول علي مجموعه العربيات السته او السبعه كويسه دا تحيز و اني بفضل عربيه فيهم بدون ما اشتم في عربيه تانيه دجا تحيز برضه
يا ريت حضرتك تقولي مفهومك ايه للتحيز ؟؟؟؟؟؟؟؟؟
و بعدين ردودي الاتنين مكنش فيهم التحيز بالمعني المتعارف عليه للتحيز.
و بعدين لما حضرتك تتكلم عن ردودي بصيغه الجمع ما ينفعش تجيب رد او اتنين غير واضح فيهم التحيز و تبني كل مشاركاتي علي اساسهم لانك لما اتكلمت بتقول متحيز في كل ردودك .


و هو الاحترامك للشخص يخليك تتكلم عليه و تقول ..... زى اى حد بيفهم ؟؟!!!!
ياااااه هو الاحترام بقي كده اليومين دول
يا سيدي لو الاحترام بالمنظر دا يبقي انا مش محترم و ملعون ابو دا احترام اللي يخليني اشتم الانسان و ارجع اقوله انا بحترمك


لو هامك اوي صاحب الموضوع كنت اتناقشت بالراحه و قولت اسبابك في تفضيل اي ماركه عن الاخري مش لازم المشرف هو اللي يقولها علي فكره ممكن اي عضو بيفهم علي رأيك يقولها يا |.... محترم

اولا كلامك غير مقبول و غير مقبول منك تتكلم معايا بالاسلوب دا و استعمال مثل تلك الالفاظ
ايه تغالط و تقاوح و الكلام دا
يا استاذ مصطفي الاسلوب دا تتعامل بيه مع صاحبك في الشارع واحد ما تعرفوش لازم تتكلم معاه بكل ادب علشان هو كمان يحترمك
فالافاظ دي غير مقبوله بالمره
و غيركده مافيش خطأ ارتكبته
لو حنتكلم عن التحيز يبقي حضرتك المتحيز للابيزا مش انا المتحيز للكورسا يا ....محترم

اهو انت عرفت يا ريت تورينا بقي العضو المحترم اللي زي حضرتك بيقيم السيارات ازاي.
وليك عليا لو لقيت اسمك علي موضوع مش حدخله اطلافا مش علشان انت طلبت مني كده لاء
علشان ما اهزقش نفسي مع عضو محترم زي حضرتك.



كلمه اخيره يا ريت حضرتك ترد علي كلامك ليا في المشاركه اللي فاتت و طلبت منك التوضيح
اقتباس:
<table width="100%" border="0" cellpadding="6" cellspacing="0"> <tbody><tr> <td class="alt2" style="border: 1px inset ;"> علشان سوقها احسن علشان ثباتها افضل كده يعنى زى اى حد بيفهم </td> </tr> </tbody></table>
يا ريت توضح معني الكلمه اللي بالاحمر دي ايه بالضبط


اقتباس:
<table width="100%" border="0" cellpadding="6" cellspacing="0"> <tbody><tr> <td class="alt2" style="border: 1px inset ;"> خلاص يا سيدى انت حر فى رايك صح خليه لنفسك بقى http://www.masrmotors.com/vb/images/...7E2%5B2%5D.GIF </td> </tr> </tbody></table>
رغم ان كلامك فيه شخصنه واضحه و تهكم واضح علي شخصي لكني مش حعمل شكوي فيك و حكتفي بالتقييم السلبي فقط
و كلامك اللي بتقوله يا ريت حضرتك تنفذه علي نفسك قبل ما تتجني علي الناس و تتهمهم بتهم من غير وجه حق.