|
رد: نداء استغاثة لخبراء الريجاتا
طيب معلش ممكن نجرب حاجة تانية قبل فك الكربراتير
انا بصراحة شاكك فى طلمبة البنزين وشكى مبنى على ان الطلمبة بتشبع الموتور بنزين فى السرعات البطيئة ولما السرعة بتزيد(بديها التالت) الموتور مش بيشبع بنزين وبيخلص الشوية اللى متحوشين فى العوامة بتعتة فانا شاكك ان طلمبة البنزين هى شغالة لكن مش بكامل طاقتها الحل فى حل سهل اوى غير انك تغيرها ربنى يقدرنى واعرف اشرحهولك لو فكيت الطلمبة هتلاقيها شغالة على دراع حركتة ترددية وبياخد الحركة بتعتة من كامة الدراع دة ومع الشغل والعمر الافتراضى بيتاكل وبكدة مش بيضغط على رق الطلمبةضغطة كاملة يبقى كدة حصل قصر فى طول الدراع (الزغاد ) طب لو ادنالة بنطة لحام نحاس وجلخناها وخليناها نعمة اكيد الدراع هايرجع لنفس الطول الاصلى بتاعة هى بنطة لحام نحاس واحدة فقط لا غير يا رب اكون قدرت اوصلك الفكرة ولو غلبت خالص .....بص شيل الجوان اورق اللى تحت طلمبة البنزين كتجربة فقط لو اشتغلت كويس اما انك تعمل العملية الجراحية اللى فوق دى او انك تجيب طلمبة جديدة ومتابع معاك انا والمهندس احمد بامر الله |
رد: نداء استغاثة لخبراء الريجاتا
يسلمولى المهندسين الجدعان . هجرب اللى بتقوله وارد عليكم :0369B3~177:
|
رد: نداء استغاثة لخبراء الريجاتا
متابع معاكم
الله ينور يا mr astra يا معلمنا و والله يا استاذ ريجاتا لو اقدر اجيلك سينا كنت جيتلك كفاية ذوقك |
رد: نداء استغاثة لخبراء الريجاتا
:14369D~149:انا سعيد لاهتمامكم الكبير بمساعدتى ... بس الوضع مش ولا بد الحسرة مليانى لما اشوف العربية واقفة قدام البيت ومش شغالة واظن المشكلة بسيطة بس عاوزة صنيعى ودا مش موجود انا بفكر اشدها على الاسماعيلية ... بالنسبة لطرمبة الزيت انا لقيتها خارجية ايه الحل ظ على فكرة العربية مش شغالة دلوقتى خالص اهو كانت بتجيب اول وتانى وتقف دلوقتى مش شغالة ؟
|
رد: نداء استغاثة لخبراء الريجاتا
السلام عليكم
انا من مغاغه المنيا ومعايا ريجاتا 85 وعايز اشدها شده تمام .تنصحوني اروح فين اقرب مكان ليا وجزاكم الله كل خير |
| الساعة الآن 10:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017