رد: مشكلة في شاهين الإنجكشن
 

فعلا انا مؤيد جدا انه حساس الكرنك
لان اولا الماتور عندك بالطول و فى نص العربية و دا يخلى حساس الكرنك و الترس هدف مثالى لمطب فى نص العربية

هو المفروض الترس بتاعة ورا طمبورة الكاتينة اللى راكبة على الكرنك يعنى و الله اعلم حيبقى عندك قدام تحت لان الفتيس عندك ورا
و الحساس بيبقى عبارة عن لاقط مغناطيسى و راكب على قاعدة و قريب جدا من سنان الترس
حتلاقى حاجة اكيد حصلت
يا القاعدة اتلوحت يا الترس حصله حاجة يا الضفيرة يا الفيشة بتاعته ........... راجع على كل دا

رد: مشكلة في شاهين الإنجكشن
 

باشمهندس أحمد على
أنا كنت في غاية التشوق لكي أسمع رد سيادتكم في مشكلة سيارتي الشاهين التي أخذت خبطة من أسفلها .
لك جزيل الشكر .
سأكشف غدا بإذن الله على حساس الكرنك . وسوف أتواصل مع سيادتكم .
ولو تعرف يا باشمهندس ميكانيكي فاهم في الحقن الأنجيكشن فبرجاء أن تدلني عليه , وياليت أن يكون قريبا من منطقة المنيل . وشكرا .

رد: مشكلة في شاهين الإنجكشن
 

يا باشا العفو و عشان اكون حقانى انا لما شفت وصف المشكلة كنت ناوى اكتب حساس الكرنك بس لقيت الاستاذ محمد و الاستاذ هشام الجزار سبقونى فانا بس باكد الاحتمال دا
و يشرفنى تقدير حضرتك الطيب
بس و الله للاسف انا من الاسكندرية معرفش حد فى المنيل

رد: مشكلة في شاهين الإنجكشن
 

طيب ما توصفله حد فى منيل اسكندرية
ويمكن نيجى معاه نتغدى على حسابك ......

رد: مشكلة في شاهين الإنجكشن
 

أنا شاكر لكل من حاول مساعدتي في مشكلة السيارة الشاهين الإنجكشن التي أصبح محركها متلت ويضرب مدافع والسيارة بتنتش وتترج , وتبطل بمجرد رفع قدمي عن دواسة البنزين . وذلك بعد أن أخذت مطب إجتهدت أن آخذه من منتصفها ببطء .
للأسف كشفت بنفسي على حساس الكرنك ظاهريا , ووجدت أسفله كمرة تحميه من الصدمات من تحته , ووجدت سلوكه سليمة .
فبم تنصحونني أن أفعل حتى أسير في الإصلاح بخطوات سليمة ؟
وجزاكم الله كل خير على مساعدتي وإهتمامكم بمشكلتي .

رد: مشكلة في شاهين الإنجكشن
 

طيب ما توصفله حد فى منيل اسكندرية
ويمكن نيجى معاه نتغدى على حسابك ......

شرفوني وإتغدوا على حسابي أنا يا باشا , بس يا ريت السيارة تتصلح .

رد: مشكلة في شاهين الإنجكشن
 

حساس الشكمان يا أستاز بخيت