رد: حد جرب اللوجان
 

طيب
أنا فى الفترة القادمة سوف أقوم بشراء سيارة ذات سبعة كراسى لدواعى عائلية و بصراحة أنا عاجبانى قوى اللوجان و أولادى برضة عاجباهم جداً لكن فية ناس كتير بتخوفنى من الرينو عامة و بتقولى أجيب تويوتا أفانزا أحسن أية رأيكم يا مستخدمى الرينو

رد: حد جرب اللوجان
 

الفاضية مش متوفرة برة التوكيل بس كمبيوتر الرحلات مش موجود غير في الفول لوبشن

رد: حد جرب اللوجان
 

أنا معايا لوجان سيارة ممتازة جدا نعومة وثبات ممتازين - عملية وقوية كبدن وماتور - اقتصادية فى استهلاك البنزين - اعتمادية -عزل الاصوات فوق الممتاز - واسعة بطريقة غير عادية وشنطة عملاقة ممكن ينام فيها اثنين جنب بعض شكل جميل من وجه نظرى لان ديه اذواق
- أما حكاية خوف الناس من الرينو فهو مش راجع لعيب فى العربيات بالعكس العربيات الرينو طوال عمرها معروف انها بتعمل عربيات ممتازة من اول رينو القديم زى رينو 5 انما الخوف من عربيات رينو هو خوف من اسعار قطع الغيار لكن أوكد لك أن اللوجان وضع مختلف تماما فاسعار قطع الغيار ترتبط بانتشار العربية والعربية عليها ضرب نار فى التوكيل والاستلام بعد 6 شهور احيانا وبره وفى المعارض بتتباع زيادة عن سعر الوكيل الفين وثلاثة الاف يعنى من الاخر هيكون ليها انتشار رهيب وبالتالى اسعار قطع الغيار حتبقى رخيصة جدا اما عن اسعار قطع الغيار الاصلية فى التوكيل فهى اسعار معقوله قوى كسعر توكيل وتقريبا نفس اسعار قطع غيار اللانوس بالتوكيل
اتوكل على الله اللوجان ويس

رد: حد جرب اللوجان
 

أنا أخويا أشترى لوجان من 3 أسابيع تقريبا الفاضية وهي على فكرة متوفرة في المعارض برة التوكيل هو اشتراها من السقا موتورز اللي في مصر الجديدة بجوار المريلاند ب 56500 يعني اغلى 500 من السعر المعلن يعني كويسه:waving:
بس من عيوبها ان مفتاح الباب شكله قديم والشنطه مبتفتحش من جوه التحكم في السنتر والزجاج الكهربائي مش لذيذ بس رأي ان شكلها من جوة وبرة أفضل من مثيلاتها الأقتصادية زي اللانوس والنيو أكسنت والفيرنا والفيرنا فيفا وكفاية انها عالية عن الأرض من كل ماثيلاتها وكمان تصميم التابلوه مقبول وناعمة جدا في الطرق المصرية ومقاس اطاراتها 15 انش وكفايه يا جماعه أنها أوربيةptmnlo123per122
وبالنسبة لموضوع قطع الغيار انا شايف انه هيبقى مش مشكله لأن العربية بتنتشر بسرعة جدا يعني اول حملتها الأعلانية كانت في رمضان والحجز عليها كتييير اوي يعني خلاصة الكلام انها ان شاء الله هتنتشر زي اللانوس والفيرنا يعني باختصار هتلاقي قطع غيارها في السوبر ماركت اللي تحت البيت وكمان هتلاقي الصنايعية المصريين أحترفوا فكها واصلاحها بس ده برضو هياخد وقت لان العربية برضو لسه جديده واسم رينو مش صغير
يعني راي الشخصي اللوجان احسن بكتيير
:HAPPY_~211::HAPPY_~211:: HAPPY_~211::HAPPY_~211:

رد: حد جرب اللوجان
 

معلش يا باشمهندس .. بس ازاى انتوا اشتريتوا الفاضية
وعايز الشنطة تفتح من جوه ومش عاجبك السنتر والزجاج الكهربائى
هى فيها الحاجات دى أصلاً؟

رد: حد جرب اللوجان
 

وأنا كمان معايا اللوجان من 3 أسابيع وعملت بيها 1500 كيلو حتى الآن ولا توجد أى ملاحظات سلبية حتى الآن.

العربية مريحة ، بتاخد المطبات ممتاز، عالية عن الأرض ، مافيش حاجة اسمها تحك فى مطب حتى لو محملة 5 أفراد، التكييف عال العال، سحبها كويس ، عايزة تجرى ، استهلاك بنزين معقول جداً.

هو بس الواحد كان نفسه يكون فيها أوبشن انك لما تقفل السنتر ، أى ازاز مفتوح يقفل (وحدات رفع يعنى) بس دى مش موجودة ..
بالإضافة إلى أن السى دى بلاير ، أوديو بس ، ولا يدعم الـ MP3 وان كان بينزل كده وكده وانت وحظك ، بس أنا كان حظى فى أوديو فقط.

يعنى كلها ملاحظات أوبشن وكماليات يمكن تعديلها ، لكن العربية كعربية ، عشرة على عشرة.

رد: حد جرب اللوجان
 

اللوجان جبتها وكنت فاكر اني اشوف حاجة خرافة بصراحة الفرامل وحشة جدا والعفشة عادية
والشنطة والتانك زيي زمان بيتفتحو من برة حاجة تكسف مع الاسف امام بتوع البنزين