مصر موتورز مجتمع السيارات - تعديل شكل الطارة التقليدى فى ال a516

شكراً لكل الردود الجميلة
و يا رب دائماً أقدر أفيدكم على قد ما أقدر
بالنسبة للفكرة أنا شفتها على الyoutube من فترة عن طريقة عمل طوق جلد حوالين الطارة و بعد كده بيخيطه يدوياً
و بعدين شفت على صفحه فى الفيس بوك واحد أسمه الجعفرى بيعمل فرش عربيات جميل و كمان الطاره بيعملوها خياطه يدوى لكن التكلفة طبعاً فى حدود من 200 إلى 250 جنية
بقيت محتار جبت تلبيسه للدركسيون من برة جلد لكن من الداخل بيكون فيها كوتش زى كوتش العربيات فلما الشمس تضرب فيه تلاقى الريحة كوتش محروق
فقررت أخوض التجربه بمساعدة أحد الصنيعية الأصدقاء (سروجى) وهو كان أول مرة يعمل الفكرة دى
أستعنا بالله و بدأنا
أشترينا جلد بحوالى 20 جنيه
فكينا الطارة ب 10 جنيه
و أشترينا ماركه الأسبرانزا ب 10 جنيه
و أستيكر ب 5 جنيه
و حته سفنج و شويه كولا علشان اللزق طبعاً
و أجرة الراجل السروجى حسب التقدير
أما بالنسبة للخياطة اليدوية فأحنا أستبدلناها بالأمير اللزق و الحقيقة الأمير بيلزق كويس جداً
الموضوع فى الحقيقة ممتع فى أنك تعمل حاجة بأيدك و تشوف نتيجتها و لا تيأس من تكرار المحاولة
و أتمنى للجميع يتمتع بالتجربة زى ما أنا أستمتعت :fun_36_3_9[1]: