مصر موتورز مجتمع السيارات - اتبنوني وحبوني معاكم اختكم جديدة في السواقة

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - اتبنوني وحبوني معاكم اختكم جديدة في السواقة (https://www.masrmotors.com/vb/showthread.php?t=121001)

رد: اتبنوني وحبوني معاكم اختكم جديدة في السواقة

اقتباس:

المشاركة الأصلية كتبت بواسطة Eng/salwa (المشاركة 929849)

السلام عليكم ورحمة الله وبركاته

اهلا بيكى اختنا الكريمة أم روجى

اتركى السيارة فترة بدون رش الى ان تتقنى السواقه ان شاء الله
وعلى فكرة فيه هنا موضوع كان اسمه (تعلم السواقه وانت فى مكانك ) للأخت نوارة الله يبارك لها ممتاز وفيه فيديو لتعليم السواقه

القلق فى الاول طبيعى كلنا كنا كده فى بداية السواقه
ربنا يوفقك وهتكونى ممتازة لا تتوترى واهدأى وانتى بتسوقى

مرحبا بكى فى منتدانا المحترم:THUMBS~220:

انا بقالي يومين مبرشتة في المنتدي شفت لحضرتك مشاركات وموضوعات افادتني كتير وشجعتني وحسستني ان فيه امل ان شاء الله اني اتجرا وطبعا تحية خاصة مني ليكي باعجابي الشديد بمشاركاتك

رد: اتبنوني وحبوني معاكم اختكم جديدة في السواقة

اقتباس:

المشاركة الأصلية كتبت بواسطة احمد على 1999 (المشاركة 929759)

طبعا تعلم السواقة مهم و خاصة تعلم الركن لحفظ الابعاد جيدا

بس ياما ناس سويقة و عملوا حوادث
فنصيحة مع التعلم و بعده ............ التزام الاذكار
دعاء الخروج من المنزل
دعاء الركوب
و فى 3 ادعية حافظة موجودين فى اذكار الصباح و المساء
عن تجربة دول لما بيتقالوا بايمان مفيش حاجة بتحصل
و لما تركنى تستوديعها الله
مع الاخذ بالاسباب من اختيار ركنة مش ملطش و تأمين العربية ضد السرقة

معلش كل اللى ردوا مش من القسم اصل القسم معليهوش اقبال كبير

انا خفت اسالكم بصراحة ع العام ما صدقت لاقيت قسم للبنات
اصل شفتكم متحاملين ع الستات وخفت اخد كام كلمة في جنابي بدل ما تديني ثقة تدمرني
ومتشكرة جدا لرد حضرتك

رد: اتبنوني وحبوني معاكم اختكم جديدة في السواقة

بصى يا أم روجى
أول حاجه لازم يكون عندك ثقة فى نفسك كبيرة وإنك مش أقل من أى واحده بتسوق عربيتها وبتجرى بيها بين العربيات زى القرد ، وطبعاً ده ما جاش إلا بالتمرين وبالتدريج ، وعلى فكرة كلنا كده سواء رجاله أو ستات ، المهم يكون عندك الرغبة فى التعلم ، وبلاش حكاية إنك تكتبى ورقه وتعلقيها فى العربية لإنك كده بتلفتى النظر لكى وممكن واحد رخم يعاكسك ولا يعمل حركة تزود إرتباكك
ثانياً عمليه الحكات سيبيها زى ماقلك بعض الزملاء لغاية ما تجيدى السواقه تمام وبعد كده رشيها ومش ها تتكلف كتير
وتمنياتى وتمنيات أسرة منتدى مصر موتورز لك بالسلامه ، وأهلاً بيكى فى المنتدى

رد: اتبنوني وحبوني معاكم اختكم جديدة في السواقة

لو حسيتى انك مرتبكه و انتى سايقه فى اى وقت !!,,,اول حاجه شغلى الانتظار..و حاولى تانى ,,و مع الوقت و الممارسه الارتباك هيروووووووووووووووح ,,,,,,,,,,,تحياتى

رد: اتبنوني وحبوني معاكم اختكم جديدة في السواقة

الاول امشى بالعربيه كتير في مناطق فاضية شوية
وبعد كده خلاص هتتعودى علي المشى عادي ومتحطيش في دماغك اي حاجه
او اي حد

رد: اتبنوني وحبوني معاكم اختكم جديدة في السواقة

اختي الفاضلة
الموضوع ابسط بكثير ببساطة التكرار يعلم دائما وابدا الشطار القيادة باماكن غير مزدحمة ثم القيادة فى مواعيد مختلفة وربنا معاكي ان شاء الله