مصر موتورز مجتمع السيارات - بطاريات السيارات و النصب على العالم

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - بطاريات السيارات و النصب على العالم (https://www.masrmotors.com/vb/showthread.php?t=120659)

رد: بطاريات السيارات و النصب على العالم

انا عندى حاجه بسيطة بستخدمها لما البطارية تفصل عندى كنت عاملها من شوية خرده عشان مقعدش ازق فى العربية و كده

ببساطة عبارة عن اربع بطاريات ليثيوم مجموعهم 14 فولت من بتوع الاب توب و بنك مكثفات ليه قطبية و دايود

الاربع بطاريات مجموعين على بعض توالى المكثفات مجموعة توازى

الارضى مشترك بينهم كلهم

موجب البطاريات خارج لوحده بدون ما يوصل على موجب المكثفات و ده عشان شحن البطارية ميرحش بسرعة و كمان المكثفات ليها حسبة لوحدها

موجب المكثفات راكب عليه دايود عشان يخلى التيار يخرج من المكثفات لبطارية العربية و ميرجعش يشحن تانى من بطارية العربية عشان متنفجرش

التشغيل بتاعه كالتالى

لما البطارية تفصل بتوصل الارضى فى اى حته و توصل طرف الدايود على موجب البطارية بتاعة العربية

حد يدور من جوه الكونتاكت و انت تلمس و تسيب موجب البطاريات قبل الدايود على موجب المكثافات

هيحصل تأخير حوالى ثانية او ثانية و نص لكن العربية هتدور و توفر على نفسك مجهود انك تزقها و الجو ده

ممكن يتعملها زرارين فى التابلوه و احد يشغل المكثافت و البطاريات و انت بتدور يقوم يوفر وجود شخص اضافى و واحد تانى يوصل البطارية بدون المكثافات عشان تتشحن من بطارية العربية لما تكون الظروف سامحة بكده

فى كل الاحوال مينفعش تسيب المكثفات موصولة بعد ما العربية تدور عشان متخربش ريجليتور الدينامو

و طبعا ده مينفعش يكون بديل للبطارية هيا بتساعد بطارية العربية الاساسية عشان تجيب الاسبارك بتاعة الاجنيشن و تحمل الباقى على الدينامو لو الدينامو مش مظبوط يبقى ده ملهوش لزمة و مينفعش تشيل اى حمل للعربية غير انها تخدم البداء بس بدل ما تزق و تبهدل نفسك

http://www.masr1.com/di-R7TG.jpg

http://www.masr1.com/di-SNML.jpg

رد: بطاريات السيارات و النصب على العالم

اقتباس:

المشاركة الأصلية كتبت بواسطة atgps (المشاركة 928252)

موضوع غريب شوية ومحتاج بحث
لأن هناك عوامل آخرى غير الفولت لادارة المارش
أهم عامل هو CCA وهو اختصار Cold Cranking Amperes وهو التيار اللازم لادارة المحرك لمدة معينة من الوقت فى درجة حرارة معينة بدون أن يحدث هبوط فى الفولت وده بيكون حوالى من 300 الى 500 أمبير، فمثلا لايمكن أن تبدأ تشغيل محرك سيارة ببطارية 12 فولت 4 أمبير وال CCA بتاعها 30 أمبير مثلا
طيب هل Ultracapacitor يمكنه اعطاء الآمبير الازم لادارة المحرك؟
على فكرة احتمال يكون الكلام ده صحيح فعلا، فالاسانسير الموجود فى البيت عندى يمكنه العمل حتى لو انقطع التيار الكهربائى وقد قمت بقطع التيار عنه على سبيل التجربة وبالفعل وجدته يعمل حتى يصل الى وجهته ثم ينقطع التيار عنه، فاحتمال أن يكون بيستخدم نفس الطريقة، على العموم ساسأل على طريقة عملة.

المكثف من صناعة شركة ماكسويل بيصنعوا الالترا و ده بيبقى عازل صلب الحالة كل مكثف من الي في الفيديو الزرق دول بيدي 350 فاراد و الفولت الاقصى ليه 2.7 و عشان تعرف كمية الامبير الي هتنتج من مكثف واحد هتضرب الفاراد في الفولت يطلعلك الامبير في الثانية و هيكون لو الفولت 2 و الفاراد 350 ب 700 امبير في الثانية لمكثف واحد اضرب في 7 يديك 4900 امبير في الثانية فتخيل انت بقى و المكثفات بتشتغل من 40 سلزيوس تحت الصفر لحد اكتر من 65 فوق الصفر و لك ان تتخيل قوة المكثفات
بالنسبة للمكثفات الي انت مصورها مع البطاريات جبتها منين و بكام و هل موجود المكثفات الالترا ديه في مصر ولا لازم تتجاب من بره ؟؟
و شكرا على ردك

رد: بطاريات السيارات و النصب على العالم

ايه ده عندنا خلايا شمسية بتتباع عادي كده انا افتكرت ان الهيئة الي بتعمل بس و طبعا للمشاريع الكبيرة عامة متشكر لردك جدا atgps و شكرا على اللينك الشيق

رد: بطاريات السيارات و النصب على العالم

المشكلة فى ال module هو السعر
سعره 598 دولار للموديول ال 16 فولت

http://www.tecategroup.com/ultracapa...OD%2016%20Volt

أما سعر المكثف فقط فهو 10.75 دولار للواحد

http://www.tecategroup.com/store/ind...oducts_id=1221

رد: بطاريات السيارات و النصب على العالم

اقتباس:

المشاركة الأصلية كتبت بواسطة atgps (المشاركة 928482)

http://www.maxwell.com/products/ultr...images/esm.jpg

http://www.maxwell.com/products/ultr...s/assembly.jpg

http://www.maxwell.com/products/ultr...atterybank.jpg

http://www.youtube.com/watch?v=S-Gq4zTUU3Y

اقتباس:

المشاركة الأصلية كتبت بواسطة atgps (المشاركة 928483)

اعتقد ان هذه هي الفكرة المهجنة بطاريات مع مكثف عشان التشغيل و التوقيف الفوري الي موجود في عربيات معينة لكن كالعادة بطارية هتبوظ هتبوظ هو بس بيسمح بال CCA بيبقى عالي و التفريغ بتاع المكثفات العالي جدا فبيديك كل القوة الي تحتاجها مادامت البطاريات بتشحن المكثفات و بكده تدي تشغيل و تدوير سريع و طبعا المكثفات هتعيش لفترة طويلة احنا بقى مش عايزين بطاريات اصلا

و شكرا جدا لردك و تعبك في كتابة الرد atgps

رد: بطاريات السيارات و النصب على العالم

اقتباس:

المشاركة الأصلية كتبت بواسطة dragon xp (المشاركة 928488)

يبقى الحل هو المكثفات منفردة بس سعرها كده حيبقى أكثر من 400 جنيه ده سعرها من المصدر مش هنا، وعمر المكثفات حوالى 15 سنة أو أكثر مع أن هم كاتبين 10 سنوات فى الصفحة بتاعتهم.
طيب حيبقى كده حل كويس ولا الاتجاه الى الفكرة المهجنة وبالتأكيد سيكون عمر البطارية أكثر بهذه الطريقة
ملحوظة : أنا لسه مغير بطارية سيارة زوجتى بعد 8 سنوات وهى بطارية السيارة الأصلية (بطارية كالسيوم) والمانية الصنع.
وكل البطاريات اللى بغيرها بتكون على الأقل بعد 4 سنوات!!! يعنى بفكرة الهجين ممكن أضاعف عمرها ولا ايه رأيك؟
وعلى فكرة الشركات فى أوروبا بتدى ضمان للبطارية 4 أو 5 سنوات مش زى الشركات التعبانة اللى عندنا لأنهم واثقين بأن عمر البطارية يزيد عن ذلك.
وهناك خطأ الكثير بيقعوا فيه هو تركيب أى بطارية لأى سيارة فمثلا وجدت ناس مركبين بطارية كالسيوم مكان بطارية عادية أو العكس.
وشكرا على موضوعك الشيق