رد: عربية جولف 3 موتورها فيه صوت خشونة
 

محتاجة حد خبير
بس و انت بتحكى كدا جه فى بالى ان يمكن و الله اعلم عشان فيه اسطوانة بتبقى فى شوط الانضغاط ( صمامات مقفولة ) و زيها طالعة بتطرد ( صمام عادم مفتوح ) و واحدة نازلة شوط حريق ( صمامات مقفولة ) و زيها نازلة شوط شفط ( صمام مدخل مفتوح )
و انت كمان اكيد فاكك بوجيه رقم 1
فيمكن التوليفة ديى فى لحظة معينة بتدى عدم انتظام فى تقل العجلة ( العزم المطلوب لادارة الكرنك )

رد: عربية جولف 3 موتورها فيه صوت خشونة
 

لو تسمحو انضم ليكم ..... كنت عاوز اقول حاجة صغيرة بس
لو جبت وش استيراد من باب ظبط الشغل انك تودية لبتاع اوشاش
يعمل نضافة كاملة للوش من فتحات الدخول والخروج ويعمل رودية ولازم يغير جلد الصباب لان المواتير دى بقالة كتير مش بيدور وممكن يكون جلد الصباب شقق

رد: عربية جولف 3 موتورها فيه صوت خشونة
 

الخبرة خبرة برضه يا استاذ محمد

رد: عربية جولف 3 موتورها فيه صوت خشونة
 

الخراط قشط من الوش كام ملى ؟

كده البستون بيخبط فى الصباب و الخشونة اللى عند البستون اللى بتروح بعد ما تكلم اللفه فده معناها ان في صباب اتعوج و هو نازل و طالع

لازم تعوض فرق اللى اتقشط من الموش بجوان اضافى و هتروح لحد فى الحرفيين يفك الوش و يظبط الصباب المعووج

مواتير الفولكس بالذات بتكون متماثلة يعنى تلاقى الموتور 80 ملى بستون 80 ملى شوط و تلاقى الفرق الاضافى اللى بيظبط اداء الموتور ان ال 80 دية تزيد 4 من 10 ملى و الشوط يزيد 3من 10 ملى ده من اسرار محركات الشركة دية و عشان كده لازم تفهم بالظبط من الخراط هو شال كام و تعوضه


لو الماديات ممكن تساعدك بوس الوش ده بعد كده ودعه و روح اخبطه فى دماغ الميكانيكى و هات وش جديد نضيف روح لحد ينضفهولك و ركبه لأن ده ميكانيكى يستاهل ضرب النار عشان قفل بدون ما يحسب الشوط هيكون ازاى

رد: عربية جولف 3 موتورها فيه صوت خشونة
 

الف شكر ليكو يا رجالة هو فعلا ميكانيكى الله يسامحه حتى جوانات المانيفول و فرن الشكمان ماغيرهومش وحط سيلكون كتير وانا ماكنتش فاهم . انشاء الله يوم الخميس هودى العربية ل يحيى فى الحرفين دا ميكانيكى محترم وفاهم كويس جولفات بس المهم ايه اللى المفروض يتعمل عشان اكشف على الموتور صح طبعا بعد مانفتحه واشوف محتاج اية و امتى اقول اصلح فيه وامتى اقول اغير واجيب بلوكه ب وش ؟

رد: عربية جولف 3 موتورها فيه صوت خشونة