رد: مشكله في دايو لانوس 2000
 

الاقرب و الله اعلم الرشاشات
لانك بتقول لما بتجرب حركة الدواسة بتجيب نتيجة
جرب اشترى عبوة منظف رشاشات injector cleaner المهم صناعة امريكى made in USA مغرقة السوق على فكرة فى البنزينات العالية و محلات الاكسسوارات
و اتبع التعليمات المكتوبة اللى غالبا بتبقى اضافة العبوة على تانك مليان و ساعات بتبقى اضافة العبوة على تانك مليان جزئيا و بعدين التفويل ......... المهم بيبقى مكتوب
ممكن تجيب نتيجة بعد فترة مشى و ممكن لا ساعتها تروح لمركز صيانة "تنظيف التراسونيك" و كشف على الرشاشات و فى الاخر ممكن يتم تغيير الرشاشات

بالنسبة للحساس حضرتك مخدتش بالك من كلامى
انا اقصد اقول ان الحساس نفسه و فيشته و ضفيرته و البن بتاعه فى الكنترول مش حتعرف بالنظر تحدد اذا كان فى حاجة بايظة و لا لأ ............ الطريقة الوحيدة هى لمبة الاعطال اللى هى ال check اللى لونها اصفر لو منورة يبقى لازم تعمل سكان لقرائة كود الخطأ
الا بقى لو اللمبة ديى مش شغالة دا موضوع تانى يبقى عميانى تعمل سكان ( المفروض الطبيعى مع فتح الكونتاكت اللمبة ديى و لمض تانية بتنور كا test للمض و ضفايرها و ترجع تتطفى بعد ما العربية تدور و لو فى مشكلة فى نظام تابع للمبة تحذيرية اللمبة بتاعته يا بتفضل منورة يا بتنور اثناء المشى )

اللى اقصده ان ممكن فى حساس الكرنك بسبب خبطه تعوج القاعدة بتاعته او تلوح الترس او الترس يبقى مبوش او او او او
الحاجات ديى ممكن متخليش اللمبة تنور
فبالنظر و بالايد المفروض الحساس راكب جامد و المسافة ما بينه و بين السنان صغيرة جدا يمكن ملى او اقل و الترس بالايد كدا ميكنش مبوش ...... يعنى لو حاولت تحركة لبره و جوه فوق تحت يمين شمال او تلفه المفروض ميتعتعش هفوة و لا يلق