مصر موتورز مجتمع السيارات - هو البنزين هيغلي السنه الجايه بسبب زياده الحد الادني للاجور ؟

يا باشا عاوزين يغلوه زى باقى الدول الأوروبية و يبقى غير مدعم, مفيش مشاكل
بس فى المقابل تنزل العربيات الأوروبية و غيرها مصر بنفس قيمة الجمارك فى هذة الدول, مش الماروتى بتاعة الفقراء ينزل عليها جمارك و ضرائب تعدى الـ 400% و تقولى أرخص عربية للغلابة و المساكين و سعرها داخل على 50 ألف !!!!
كفاية عليهم فلوس التسجيل و التراخيص إللى لا بيصلحوا بيها طرق و لا رصف و لا سفلته.

و بالمناسبة دى هأسجلها للزمن: اليومين الجايين محاكمة محمد مرسى, الشارع إللى رابط الكورنيش بالأوتوستراد و المعروف بإسم شارع المعهد (فية ليمان طرة و معهد أمناء الشرطة و مديرية أمن حلوان) تم إعادة سفلتته (أسفلت على أسفلت قديم) فى حين إن كل الشوارع العمودية و الموازية ليه مازالت تراب و مخلفات بناء و غيره.