مصر موتورز مجتمع السيارات - اخوكم محتاج مساعدة فى مشكلة فى الفتيس ارجوكم ...

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - اخوكم محتاج مساعدة فى مشكلة فى الفتيس ارجوكم ... (https://www.masrmotors.com/vb/showthread.php?t=119894)

رد: اخوكم محتاج مساعدة فى مشكلة فى الفتيس ارجوكم ...

اقتباس:

المشاركة الأصلية كتبت بواسطة احمد على 1999 (المشاركة 923470)

بناءا على ايه الميكانيكى قال كدا ؟ كشف و لا بوصفك ؟ و لا سمع صوت ؟ ( لان منكرش انا شكيت فى كدا ) بس ايه الصدف العجيبة ديى ؟ !! الاقرب للمنطق التوكيل شغله يتراجع سواء مستوى و نوع الزيت او علو الدبرياج و رجلاش العصايا لو كله تمام يبقى فعلا تشك فى الغويشة

بص يا استاذ احمد انا كنت واقف فى التوكيل وببص على العربية بنفسى كل اللى الراجل عملة انة غير زيت ادامى بالمكنة الرفع وشكرا وظبط او على الدرياج جربت لقيت الموضوع قام قالى هرجعهولك تانى مكانة وحصل بالفعل وبرضة نفس الكلام
انهاردة راجعت على الزيت عند البنزينة ومظبوط والراجل قالى تمام جدا مش عارف اعمل اية الناس تقولى غويشة وانا مش عارف هل دى اثارها طيب من اية اية العيب اللى انا عملتة غلط عشان تجيب غويشة وهل التوكيل كدا لية دخل فى الموضوع
بصراحة محتار ومخنوق جدا

رد: اخوكم محتاج مساعدة فى مشكلة فى الفتيس ارجوكم ...

دية غويشة و تخشينه على سنون الغيار هتلاقى ده مكنش باين اكمنها عايمه فى الزيت القديم و مدارى بلاويها و انت اكيد شوفت الرايش اللى نازل من الفتيس و الراجل بيغير الزيت

و متزعلش ربنا هيعوضك ان شاء الله ان الفتيس هيرجع بعد التصليح و التنضيف لحالته الاصلية و ده شئ ايجابى تكلفة الترس عند الخراط حوالى 180 ج و 40 ج مصنعية و ان شاء الله تطلع بس تخشين و الراجل ينضفها بدون ما يعمل ترس جديد تكلفة الغويشة بسيطة فى 50 ج ولا حاجه الاسعار دية قديمة شوية معلش و لو حبيت تكرم عربيتك هات تيش فتيس و اظبط ريجلاش العصاية و انصحك تبداء ده بالعكس ريجلاش و تشحيم و بعدين تيش و بعدين تفك الحلة بقى و تطلع التروس

الموضوع هياخد 48 ساعة و الميكانيكى حسب صنعته بيحاسبك بس مش هيعدى ال 200 ج طالما بقية التفاصيل سليمة

الزيت الجديد يا ريت تحتفظ بيه و تصفيه لأنه اخد رايش اكيد من العض ده بس حرام يترمى

ربنا يعوضك خير .. متابعين

رد: اخوكم محتاج مساعدة فى مشكلة فى الفتيس ارجوكم ...

اقتباس:

المشاركة الأصلية كتبت بواسطة ramy safwt (المشاركة 923559)

طيب معلش استحملنى لانى كذا واحد قالى كدة اولا التوكيل لية علاقة بالموضوع ولا هو برئ من الموقف على العلم زى ما قلت العربية متحركتش من مكانها وانا اللى مودى العربية للتوكيل ومدخلها هو بس ادها حوالى 20 متر للكورريك الرفع وغير ونزل وشكرا
تانى حاجة يعنى اية ريجلاش عصاية تقصد تعلية او توطية الدبرياج مثلا
واخيرا رحت لواحد متخصص فنى للفتيس وقالى هتتعب نفسك وتجيب التروس مع بعض كلها كاملة استيراد احسن ما نعمل خراطة والكلام دا كلة ود اريح ليك..
طيب تالت حاجة هل فى ضرر انى امشى عليها ومعملش حاجة واستحمل الغيار ومخلهوش يعض ولا يعمل الحركة دى واحول التانى على 20 وخلاص علما انة مش عاملى مشاكل فى المشى نهائى غير انى مش هعرف اعمل كيك داون علية وتانى حاجة مش هعرف انقل علية استعدادا للطلوع لو ماشى تالت وهجيب تانى الا لو السرعة قلت 20
لو مفيش مشاكل امشى علية وخلاص لو فية قولى هيعمل اية وهل باقى الغيارات هتعمل كدة بس بالتدريج مثلا
اتمنى تجاوبنى او اى حد عندة خبرة يقولى لانى الموضوع مخلينى مش مستريح لانى العربية حاليا مهمة جدا ليا اكتر من الاول بكتير وشكرا ليك
الاسعار التقريبية للموضوع لما سالت
تروس كاملة للفتيس استيراد 1200 مصنعية فك وتركيب 350
لو هغير التانى بس هيكلف كامل 800 جنية بالخراطة

رد: اخوكم محتاج مساعدة فى مشكلة فى الفتيس ارجوكم ...

اية يا جماعة نصيحتكم فى موضوع غويشة التانى اية الوقتى طلعت غويشة اعمل اية افك واصلح ولا امشى لحد ما يجيب اخرة واغير بفتيس استيراد

رد: اخوكم محتاج مساعدة فى مشكلة فى الفتيس ارجوكم ...

لو مكانك حصلحه سواء بالفك و التغيير للاجزاء التالفة او فتيس استيراد بس مش حمشى بيها كدا

رد: اخوكم محتاج مساعدة فى مشكلة فى الفتيس ارجوكم ...

فيه وجهة نظر جيدة فى الموضوع ده .... و هى ... انك تصلح القديم .... ان شاء الله الفتيس يرجع زى الجديد ...
انما لو جبت فتيس استيراد .. انت متعرفش حالته من جوة اخبارها ايه
على العموم .... متستناش على العيب ده ... و صلحه و انت تملك زمام الامور ...
و ربنا يوفقك

رد: اخوكم محتاج مساعدة فى مشكلة فى الفتيس ارجوكم ...

اقتباس:

المشاركة الأصلية كتبت بواسطة احمد على 1999 (المشاركة 924079)

لو مكانك حصلحه سواء بالفك و التغيير للاجزاء التالفة او فتيس استيراد بس مش حمشى بيها كدا

ما انا مش عايز امشى بيها كدة خوفا على سلامتى اولا وسلامة العربية لانى معنديش غيرها بس انا مش عرف لية مش مصدق الناس فى حكاية الغويشة يعنى العربية عاملة 75000 وتجيب غويشة انا سواقتى رياضية شوية لكن مش لدرجة غويشة كان اولى الديسك والاسطوانة يبوظوا الاول مش عارف محتار جدا ولكن اول حاجة هعملها بكرة ان شاء الله هعلى الدبرياج بنفسى مش هروح لصنايعى واجرب ... شكرا استاذ احمد
ملحوظة يا استاذ احمد انا جيت اجرب انهاردة طلعت على الاول لحد 45 اخرة يعنى وجبت تانى عشق بنعومة وسلاسة جدا انما اول ما اجيب تالت وامشى بية على 30 حتى وارجع اجيب تانى هنا يذعق وميرضاش يعشق الا على 20الى 25 كيلو
يعنى المشكلة لما انزل باغيار مش اطلع بية

اقتباس:

المشاركة الأصلية كتبت بواسطة ahmed_eng2001 (المشاركة 924124)

ما دا كان راى بس الصنايعية قالولى انى مادام جاب غويشة التانى هتلاقى البباقى ضعيف فغير كلة مع انى عارف انى الفتيس كويس الحمد لله لانى مفهوش اى تغيير وسحبة عالى الحمد لله وغياراتة ناعمة ربنا يسهل واجرب بكرة موضوع تعلية الدبرياج .. اشكرك جدا