|
رد: شارك برأيك.. هل توجد حقا سيارة "حريمي" وأخرى "رجالي"؟
اقتباس:
و الله سعات كتير بدفع و يقولولى لما نقبض هاندفع ليه هيه جمعيه هههههههه بس احب اقول فى ستات بيسوقوا احسن من رجاله و دى قله قليله جدا جدا جدا ممكن لو شفنها نقول فى معجزه حصلت بجد و انا فعلا لما بكون ماشى وراء عربيه بعرف اللى سايقها راجل ولا ست من الطريقه على طول برضو العربيه مهمه جدا للست العمليه اللى محتجاها لشغلها و للاولاد يعنى انا مستحمل اللى بيحصل فيا لانها بجد شايله بلاوى كتير منها الاولاد اللى بيروحوا الحضانه و شغلها و حاجات تانيه كتير محدش يقولى اخوك فين اخويا الله يكون فى عونه مفحوت فحت ازلى ربنا معاه |
رد: شارك برأيك.. هل توجد حقا سيارة "حريمي" وأخرى "رجالي"؟
اظن ان حضرتك فسرت كويس اوي تفضيل معظم السيدات لموديلات معينه من السيارات
وده لخوفهم وحذرهم وبالتالي بيشوفوا الحجم الصغير وبردو الهاتشباك والعربيات الي كابوتها صغير دي الماتريكس مثلا عشان متتعبهمش في الركن وابعادها سهله بس انا متهيألي ان اكتر من 80% من السيدات الي بيسوقو ,سواقتهم على قدها اوي ,الا من رحم ربي وانا بصراحه ببعد عنهم عشان ديما بيرموا على الي جميهم من غير ما يبصو وانا بعتذر لكل الستات الي بيعرفو يسوقو طبعا لأن فيه ستات بتسوق بمهاره عاليه اوي وبيحبوا كمان ال4*4 وانا شفت بعيني |
رد: شارك برأيك.. هل توجد حقا سيارة "حريمي" وأخرى "رجالي"؟
موضوع جميل واحب اشكر صاحبه
اعتقد ان جميع الاراء متقاربه يعني لما تشوف انسه جميله راكبه 504 تحس اني في حاجه غلط ومش عارف ايه هيه ونفس الكلام لما تشوف العربيه النسائيه الاولي في مصر الماروتي راكبها راجل كبير تحس اني في حاجه غلط او عربيه روشه ولونها بمبي وراكبها واحد لابس جلابيه برده في حاجه خلط انا راي ان في عربيه حريمي وشبابي ولكبار السن برده |
رد: شارك برأيك.. هل توجد حقا سيارة "حريمي" وأخرى "رجالي"؟
السلام عليكم أولا
أعتقد ان الجميع اتفق أن هناك سيارات رجالي و أخرى حريمي بما يشبه القانون ....... و أنا أيضا أتفق مع ذلك فكما ذكر الأخوة كيف تقود فتاة أو سيدة سيارة بيجو 504 أو شاهين أو لادا ؟؟ وكيف يقود رجل سيارة بيكانتو ذات لون ليموني أو زهري مثلا ؟؟ فالاختيار بالنسبة للسيدات ... غالبا ... يعتمد ـ كما ذكر الإخوة ـ على اللون ( فاقع ) والشكل ( هاتشباك ) والحجم ( صغير ) أحب أن أشكر الأخ / أحمد على ذكره لقيادة السيدات لأني ( بتخنق ) من قيادتهم فعلا !!!!!!! |
رد: شارك برأيك.. هل توجد حقا سيارة "حريمي" وأخرى "رجالي"؟
الأول كل سنة وأنتم جميعاً طيبين ورمضان كريم:14369D~149: أنا بشوف كمان فى عربيات بحس إن المعلمين ( بكسرة تحت الميم ) ليهم برضة عربيات إبتداء من البيجو 504 والجيب القديمة مش عارف مسماها إية بس هيةاللى كلها عمدان دىإللى أحمد زكى كان راكبها فى أستاكوزا ولو ربنا فتحها علية يبقى مرسيدس تمساحة أو خنزيرة وبردة الصنيعية يحبوا 132 لأنها عفية وعفشتها حلوة وطبعا أنا مع الرأى فى عربيات حريمى مش متخيل راكبها راجل أبداً والعكس صحيح وعلى رأى سمير غانم ( الجنس الناعم ناعم والجنس الخشن خشن ) هههههه ......................... ......................... ...................أذكر الله ..................... مصمم جرافيك |
رد: شارك برأيك.. هل توجد حقا سيارة "حريمي" وأخرى "رجالي"؟
|
رد: شارك برأيك.. هل توجد حقا سيارة "حريمي" وأخرى "رجالي"؟
|
| الساعة الآن 02:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017