|
رد: مطلوب وصف إلي العجوزة أو الدقي
هوه فيه ياملك إسكندريه كذا طريق
بس أسهلهم من ناحية الزحام وكتر اللف في رأيي هذا الطريق أنا رسمته كده في السريع عشان يحاول يدلك من غير أي مشكله إمشي بس وراء الخط الأحمر وإنت حتوصل بإذن الله تحياتي لك من القاهره وتحت أمرك لو لقيت نفسك تهت أو حتى ماتهتش كلمني بس وأنا حدلك تعمل إيه بالظبط...وياريت لو ماكنتش مستعجل وإنت في مصر نشوفك ونسلم عليك http://www.giantup.com/get-8-2009-Gi...M_lb9ujts8.jpg |
رد: مطلوب وصف إلي العجوزة أو الدقي
اقتباس:
ههههههههههههههههه أنا عارف طبعا يا باشا ربنا يجازيك كل خير انا بس قصدى ان كدة لما يسمع اكتر من وصف هو نفسه هيتوه :) و بعدين هو لو هيدخل من محيي الدين ابو العز يبقى الاحسن انه يدخل بعد كدة شمال من شارع نادى الصيد و بعد كدة يمين من شارع ميشيل باخوم و هيلاقى نفسه فى شارع مصدق بعد دقيقتين بدل ما يدخل شارع التحرير و يروح لحد ميدان الدقى و يلف و يرجع تانى و على فكرة هو مش هيقابل كوبرى 6 اكتوبر خالص :) (و ممكن يكمل فى حبب الدين ابو العز و ياخد يوتيرن و يرجع يدخل شارع مصدق علىطول من محيي الدين ابو العز) معلهش يا باشا اصلى عشت فى المنطقة دى 6 سنين من عمرى ... و هو من رايي احسن واسهل وصف بالنسبة له بعد ما يركب المحور ينزل شارع السودان و بعدين جامعة الدول و بعدين البطل احمد عبد العزيز و بعدين شارع مصدق و الاحسن من كدة انه يدخل محيي الدين ابو العز و يكمل زى ما قلتله بس تجنبا للتوهان يمشى فى الابطل احمد عبد العزيز على اساس ان كل مشيه هيكون فى شوارع رئيسية ... بس يا باشا و رحلة موفقة يا بشمهندس اسلام ... ربنا يعينك على مصر و زحمتها |
رد: مطلوب وصف إلي العجوزة أو الدقي
الآحسن من كل ده بس هوه زمانه نزل ! يلاقى اى ركنه فى الدقى او جامعة الدول العربيه و يركب تاكسى !
علشان شارع مصدق مافيهوش ركنه والونش واخده رايح جاى !ptmnlo123per1106 Dr. Bolbolan |
رد: مطلوب وصف إلي العجوزة أو الدقي
اقتباس:
|
رد: مطلوب وصف إلي العجوزة أو الدقي
جزاكم الله خيرا
أنا للأسف نزلت الساعة 9.30 و مشفتش باقي الردود AHMEDCAR : شكرا يا قرصان علي سرعة الرد eygptphoto & hazem_khidr: الله يباركلكم وصف استفدت منه كتير و اعتمدت عليه ahmed_kamel: الله يكرمك يا لورد للأسف كنت نزلت زي ماقال حكيم المنتدي بس ملحوقة لأني حاكرر المشوار تاني في رمضان ، للأسف المشوار كان مستعجل و زيارة لدكتور مع أحد أقاربي و والدته فكان الوقت ضيق و ان شاء الله نتقابل أكيد bmkbmk : شكرا يا باشا ، علي قد ما فهمت ملحوظاتك في محلها فعلا بس فين موضوعك عن رحلة العودة للكويت Dr. Bolbolan: عندق حق يا دكتور أنا كنت بافكر آخد القطار و لكن مع تفاصيل اليوم الحمد لله إني كنت بالعربية |
رد: مطلوب وصف إلي العجوزة أو الدقي
الف حمدالله على السلامة يا باشا .. والله موضوع العودة للكويت جاهز من اسبوعين بس محتاج اعدل فيه شوية حاجات لأنه طويل جدا و ممكن يصيب الناس بالملل :) فا هحاول اعدله شوية و قريبا جدا ان شاء الله هحطه فى المنتدى
|
حمد الله على السلامه ..
لسه شايف الموضوع حالا .. بس ربنا بيحبك اني مشوفتوش قبل كده انا عارف مصدق كويس .. لكن مبعرفش اوصف الشوارع خااالص .. والله حليم ستار حظك حلو ان احمد انور مش هنا ...كان زمانك وصلت ش مصدق من ناحيه سور نادي الصين العظيم .. لكن ملكش نصيب |
| الساعة الآن 01:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017