رد: سؤال بخصوص بوبينة لنوبيرا
 

لا هو اكيد يقصد بيبص مباشرة و السلك مش راكب
فكدا حصره فى الموبينة
طبعا لو موبينة سليمة حتختفى المشكلة

رد: سؤال بخصوص بوبينة لنوبيرا
 

تمام أنا هجرب موبينة عربية تانية وربنا يسهل وهقولكم على النتيجة ان شاء الله

رد: سؤال بخصوص بوبينة لنوبيرا
 

رد: سؤال بخصوص بوبينة لنوبيرا
 

طريقة اختبار الموبينا او الايجنيشن كويل

ملحوظة الموبينة عبارة عن ملفين واحد ابتدائى و الاخر ثانوى

ليهم اربع رجول ارضى و موجب للأبتدائى و ارضى و موجب للثانوى بيكون الارضى مربوط على بعضه عشان كده بتلاقى الموبينا 3 رجول بس 2 داخل و واحد خارج لأنه بيقابل الأرضى بتاعه فى بلوكة الموتور نفسها عشان كده بأرض الموتور


المهم عشان تقيس الملف الأبتدائى

تظبط الافو ميتر على 200 اوم و تقيس هتلاقى القيمة من 2.5 ل 5 اوم

اقل من كده شورت يعنى الملف ساح على بعضه اعلى من كده باد كونكشن يعنى الملف ساح فيه جزء و بداء يفصل خالص

عشان تقيس الملف الثانوى

تظبط الافو ميتر على 20 كيلو و تقيس رجل فى قلب الموبينا و رجل على سالب الموبينا

الموبينا السليمة هتطلع من 10 كيلو ل 15 كيلو اقل من كده قافلة اعلى من سايح السلك

لاحظ ان القيم دية بتفضل ثابته على قرائة الافو لا بتعلى ولا بتوطى و انت بتقيس
لاحظ لا تلمس الاقطاب بأيدك اثناء القياس عشان متغيرش القيم
لاحظ افصل الموبينا خالص و انت بتقيسها عشان تسريحة شعرك هتبوظ لو اخدت شحنة منها
لاحظ ان عمل الموبينا يعتمد ايضا على مجموعة التقطيع الالكتورنى او الابلاتين و الكوندينسر

دمتم سالمين