مصر موتورز مجتمع السيارات

اقتباس:

المشاركة الأصلية كتبت بواسطة mijodian (المشاركة 914151)

السلام عليكم الاول
ثانيا بقي موضوع سعر العربية بيقل بسبب فتحة السقف ده بيكون حسب اللعب اللي حصل في السقف
احنا هنا في مصر بنقدر المسمار في العربيه
في حين ان بره بيجيب العربيه جديد واول حاجه بيعملها بياخدها وش بويه كده ههههههه لكن المشكلة دي تتحل ازاي
فيه اكتر من 5 انواع لفتحة السقف
المنتشر في مصر اتنين بس
الاولاني اللي هو انك بتغير الحلة بتاعت السقف كلها عشان تركب حلة للسقف ليها مواسير صرف الميه والحاجات دي
وده يفضل انك تبعد عنها تماما مادام العربيه مش مجهزة لكده لانها بتجيب باروما الي حد ما وبسرعه جدا
لكن مش بتقل السقف والكلام ده

تاني نوع وده الافضل وانا عامله في عربيتي بعد عناء ومشاوير ورؤية عربيات كتيره انك بتركب فتحة السقف
المضغوطه بالفرش بتاعها
يعني بتجيب عربية مفتوح فيها فتحه السقف المضغوطة ( مضغوطه تعني انها متركبه علي الصاج بالضغط من فوق وتحت )

الخطوات والاسعار :
اول حاجه هتجيب سقف بفتحه سقف ده هيكون سعره 800 لحد 1300 حسب نوع الفتحة
لان فيه فتحه سقف لف وفيه فتحه سسقف كهرباء وفيه فتحه سقف حلزوني وفيه فتح سقف ضغط لوح

بعد كده هتروح لواحد سمكري شاطر يقصلك في السقف ويركبها كل اللي بيعمله صح انه يقيس علي السقف القديم
ويظبط عليه
مش بيتقل السقف ولا بياثر في اي حاجه الفتحة دي لان اصلا اللوح كله تقدر تشيله بايد واحده خفيف جدا
ومقاوم للامطار والحاجات دي
السمكري ممكن ياخد منك 300 ولا 500
حسب شغله

عموما انا هرفع العربيه بتاعتي قبل فتحة السقف وبعد فتحة السقف
وهعمل موضوع عن السقف ده بس متجبش سقف مربوط بحلة وتصريف مياه ابدا اا ا
واسال في العربيات الاستيراد هتلاقي كتير ...
بالتوفيق

الكلام ده من الاخر الله ينور

بس انا فى رأيى الخاص بلاش تحط انت فتحة سقف مش جاية فابريقة مع العربية ممكن السمكرى يبوظلك السقف والله اعلى واعلم والله المستعان