|
رد: التكييف زهقني ...... مفيش حل ؟
اقتباس:
المشكله ان الموضوع ده عايز حد عنده صبر و امانه ويكون فاهم لان المشكله مش باينه من الاول .... كل الصنايعيه عايزه تشحن فريون وخلاص كان حد قالي علي صنايعي عند ميدان اسكندريه في طنطا بس مش فاكر اسمه المشكله لما الواحد بيروح لحد خارج مدينته بيكسل يروح له تاني لما المشكله تتكرر |
رد: التكييف زهقني ...... مفيش حل ؟
اسمه عبد النبى اللى فى ميدان اسكندريه اتعاملت معاه ومشكلتى معاه انه يبعتك تجيب الفريون من بره علبة عامله زى علبى البيرسول كدا ويحشنها لك جبتها ب 5 ب 10 ب 100 هو بياخد 30 جنيه مصنعيه وساعة اما تلاقى العربيه مش بتبرد يقولك الفريون بتاعك مغشوش ودا اسهل رد يرده عليك تبقى نفسك تخنقه
ومن الاخر كدا كل الصنايعيه اللى فى الغربية بتوع التكييف حراميه ونصابين الا من رحم ربى منهم ودول واحد او اتنين والعربيات بتصف قدام الورشه من قبل ما يفتحوا وعشان كباس استيراد فالكباس اللى عندى بتاع عربية فيات 32 نوعه يورك مشكلته الوحيده انه بيضرب shaft seal وكل اللى لقيته استيراد نفس المشكله والمشكله ان طقم الاصلاح بتاعه ب 250 جنيه اشتريته وبرضه منفعش فاسامه اليابانى هو اللى كان عمل طقم الاصلاح ومنفعش قام مركب لى كمبورسر بتاع عربيه 1300 مكملش مع الموتور فلما سألت فى ساندان قالى المكن ال 2000 بيركبه موديل 907 SD انما اللى راكب فيها وباظ 507 SD |
رد: التكييف زهقني ...... مفيش حل ؟
نصيحة لوجه الله
انا كان عندى نفس مشكلتك تقريبا وروحت لفنى اسمه. محمد جابر. فى شارع احمد حلمى وهو اللى جاب الحل بامانة الله يباركله |
رد: التكييف زهقني ...... مفيش حل ؟
سيدي الفاضل واضح إن التسريب بيكون من التكييف وهوا شغال وفي الغالب بيكون من الكباس
ولو عايز تتأكد خلي الصنايعي يكبس هوا وشغل التكييف وهوا كابس هتلاقي الضغط قل لان الكباس بيسرب وهوا شغال |
رد: التكييف زهقني ...... مفيش حل ؟
الموضوع قديم ياريت صاحب الموضوع يقول لنا عمل ايه
|
رد: التكييف زهقني ...... مفيش حل ؟
اقتباس:
اخر الصيف اللي فات روحت لواحد في المحله هنا كشف علي الدورة و لقي تسريب خفيف في وش الكباس غير جوانات وش الكباس و كبس تمام شحن فريون و وغسل التلاجه و هي راكبه. التبريد اتحسن بسيط بس مينفعش في الشمس ببصله امبارح روحت له كشف لقي الفريون كويس محتاج تزويد بسيط (يبقي مفيش تسريب) زودناه بس التبريد ضعيف طيب الكباس ضعيف يقولي الكباس كويس طيب ايه ... يقولي كل حاجه كويسه بس التبريد ضعيف وده اخر العربيه دي قولتله يبقي اكيد عيب سواق. و خلاص يئست من التكييف العربيه الحمد لله كويسه ماعدا التكييف |
رد: التكييف زهقني ...... مفيش حل ؟
هى العربية نوعها ايه ؟؟
|
| الساعة الآن 07:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017