رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

صني 2010 اتو ... لما بدوس بنزين تيجي العربية تنقل .. لو شلت رجلي قبل ماالعربية تنقل وسب الدواسة بسمع صوت خبطة والعربية بحس انها بتتبرجل ... والتوكيل قال مشكلة في كوبلن امامي واتغير ولسه المشكلة قائمة ... والتوكيل بيقول عادي ده طبيعي
شكرا

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

ولما هو عادي غير الكوبلن ليه - فلوس وخلاص

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

اعمل تشك بالترتيب
1- مستوي الزيت
2- ياريت توصف الخبطة دي بالضبط وايه البرجلة دي بالضبط يعني سرعة المتور تعلي وتوضي ولا ايه
3- فيه اي لمض منوره في الطابلوه عند حضرتك

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

السلام عليكم
اشكر لكم مجهودكم الرائع
انا معاية نيسان صني 2002 ياباني بالكامل
الحمد لله رائعة لكن مؤخرا بدءت تظهر مشكلة بقيت بسمع صوت كده زي تزييق عالي جدا من اسفل العربية
الصراحة انا مش عارف احدد منين بالظبط
المهم رحت لكام عفشجي و كانت النتيجة اني غيرت الطاحات و جلب المقصات و لكن الصوت مازال موجود
اخر عفشجي رحت له قاللي دي اسكاترا و فك الاسكاترا فعلا و مش عارف عمل فيها ايه المهم الصوت اختفى شهر و رجع

ملحوظة الصوت مش دائم بيروح و ييجي
ثانيا اعرف منين انها سكاترا و ايه اعراض تلف الاسكاترا
ثالثا هل ممكن الصوت يكون ليه مصدر تاني
ارجو الاجابة علشان انا متكدر بصراحة :-(

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

السيارة نيسان صني 2013 , 1600 سي سي , الشكل القديم طبعا
بتفصل مني على السلانسية وخصوصا عند الضغط على الفرامل اشعر برعشة والموتور يفصل واللمبات الخاصة بالزيت والموتور والبطارية بتنور.
واستهلاك البنزين عالي جدا من وقت ظهور المشكلة دي

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

رد: أي مشكلة في السيارات النيسان ضعها هنا وسوف نساعدك علي حلها ان شاء الله
 

دا عيب البوستر بتاع الفرامل والبوستر دا عبارة عن اسطوانة سوده بيركب عليها ماستر الفرامل - بس اتاكد ان حساس الايدل شغال كويس