رد: مساعده: السياره لا تتعدى سرعة 120 كم/س
 

90 % اسطوانة دبرياج

رد: مساعده: السياره لا تتعدى سرعة 120 كم/س
 

السلام عليكم
شكرا يا جماعه على كل اللي رد وشكرا على انتظاركم وآسف على التأخير في الرد بسبب ظروف سفر

أنا رحت لميكانيكي المفروض انه شاطر وبتعامل معاه.. قالي مفيش اي مشكله ف الاسطوانه!!
هو كل اللي عمله انه فك حتة بتاعه صغيره كدا من خرطوم مية التبريد قعدت تطلع هوا كتير سخن.. قال المفروض اول ما دي تتفك تطلع ميه مش هوا, وقالي ان دي اللي كانت كاتمه العربيه وبتخليها تسخن ومتسحبش!!
وفعلا اول ما الهوا دا اتصفى كله الميه نزلت خالص في القربه ومليت غيرها...

بس للأسف,, تقريبا محصلش اي تعديل ف العربيه ولسا مؤشر الحراره بيرفع تقريبا 30 ثانيه وينزل تاني (خصوصا لما اكون مشغل التكييف) , وبقالي 3 ايام كل ما اروح مشوار الميه تخلص وأزود غيرها ودورت على اي تسرييب ميه الخراطيم كلها سليمه ومفيش مشكله --- تعبـتــــــــــــــــــــ ـــــــــــــــــــــــــ ــــــني ---

أما بخصوص موضوع البنزين والاستهلاك: قالي ان في الفتره الاخيره دي البنزين كله مضروب, وفي ناس كتيره بتشتكي من نفس مشكلتك

رد: مساعده: السياره لا تتعدى سرعة 120 كم/س
 

حكاية البنزين المضروب كنت حتحس بيه على طول و تلاقة العربية بتسقف فانا مش معاه فى النقطة ديى دا غير ان البنزينات المحترمة ما زال بنزينها موثوق فيه

بالنسبة للاسطوانة حاجة فعلا تحير اصل العربية مانيوال و على السادس اكيد حتما ال rpm عند 120 كم / س حيكون بديهى اقل من 4000 rpm فالتفسير الوحيد المنطقى ان الاسطوانة بتتزحلق الا بقى هى كان طول عمرها كدا ......... اقصد ان كان طبيعى على السادس و عند سرعة 120 كان بيبقى ال rpm عالى كدا
فلو اعتبرنا ان دا الوضع فمبدأيا لازم تتأكد و العربية مبطلة انك لما بتبقى دايس بنزين على الاخر البوابة بتبقى فاتحة على الاخر

رد: مساعده: السياره لا تتعدى سرعة 120 كم/س
 

شكرا يا بشمهندس احمد على ردك,, انا ناوي بردو ان شاء الله اوديها عند حد تاني يشيك عليها وهكون متابع معاكم ان شاء الله.

بالنسبه لمؤشر الحراره... هل دا طبيعي انه كل خمس دقايق يرفع لـتلت تربعه وينزل اول ما المروحه تشتغل ولا في حاجه وخصوصا العمليه دي بتتكرر اكتر اول ما اشغل تكييف العربيه,, مع ان الميكانيكي دا قالي " بالعكس المفروض التكييف يساعد على التبريد اكتر" !!!!

رد: مساعده: السياره لا تتعدى سرعة 120 كم/س
 

معظم العربيات بيبقى مؤشر عداد الحرارة ثابت بالرغم من التغير فى مدى الحرارة الا ان شركات العربيات بيعملوا العداد عن عمد انه يبقى شبه ثابت فى المدى الطبيعى لتغير الحرارة
من الواضح من الشكوى ان العداد كان المعتاد بتاعه انه يبقى ثابت او شبه ثابت و موضوع تحركه لفوق و رجوعه تانى دا شىء استجد
فالصح ان التعامل يبقى على اساس ان فى خلل فى دورة التبريد يحتاج المراجعة الدقيقة
كمثال
التاكد من عدد سرعات المروحة و التاكد ان كل السرعات شغالة لان كدا فى شك ان السرعة البطيئة مش شغالة
التاكد من سلامة ثرموستات كوعة الميه
حكاية التكييف بيساعد على التبريد ديى مش دقيقة
ممكن اوافقه لو فى عطل بيخلى المراوح متلقطش طبيعى فمؤقتا لحين الاصلاح بستغل انى لما بشغل التكييف المراوح تلقط مستمر
لكن مفيش شك ان تشغيل التكييف بيضع حمل حرارى اضافى على دورة التبريد

رد: مساعده: السياره لا تتعدى سرعة 120 كم/س
 

ان شاء الله خير

رد: مساعده: السياره لا تتعدى سرعة 120 كم/س
 

اعتقد الامر له علاقة بالحساسات بتاع العربية .. محتاج تنظف صمام الايدل وتشيك على حساس الحرارة. لان اى قراءة خطأ من احد هذه الحساسات ممكن يؤثر على البنزين والحرارة والماتور