|
رد: عاوز اشتري عربية مستعملة ومحتار
لو قدامك فيرنا نظيفة اتكل على الله
ابعد عن الصيني لانه زي البطيخ يوم احمر و 10 ابيض ده رايي والف مبروك مقدما |
رد: عاوز اشتري عربية مستعملة ومحتار
لو بتقارن بين الفيرنا والبي واي دي يبقى بي واي دي وخلي بالك مفيش عربية في العالم مفيهاش عيوب الكمال لله وحدة فشوف عيوب كل عربية وشوف انت هتتقالم مع اية
|
رد: عاوز اشتري عربية مستعملة ومحتار
انا فى نفس حيرتك دى بالظبط والله
بس هاقولك على حاجه يمكن تقرب لك شويه لو انت من سكان الاقاليم ومش مستعد تسافر الحرفيين خليك فى الفيرنا او اللانوس لو انت من القاهره او مشوار القاهره سهل عليك البى واى دى او الاسبرنزا هاتكون حوله معاك وما تصدقش الكلام الكتير عن الصينى لو ده قرارك العربيه اشتغلت اجره واثبتت كفاءه اخر حاجه قبل الاستخاره اسال نفسك لو مشاويرك جوه البلد خليك فى الجديد (صينى او فيرنا او لانوس او غيره) لو بتسافر كتير بيين المحافظات دور على لانسر كريستاله او تويوتا كرولا ثبات احسن على الطريق السريع . وفى الغالب يعنى بعد خمس او ست سنين بالكتير الناس كلها هاتقلب اتحاد اوروبى علشان هايرفعوا عنها الجمارك (والله اعلم) |
رد: عاوز اشتري عربية مستعملة ومحتار
الماني انا متشكر لنصيحتك ومحتاج نصيحة كل واحد هنا ولو اني قبل ما اقرا الكلام بتاعك كنت بفكر ان بالفلوس ديا ممكن اجيب اسبرانزا a516 نضيفة انا الصراحة ركبت العربية ديا كتير وسافرت بيها مش سايقها وسوقتها بسيط اوي والعربية ديا تحديدا طالع عينها بسبب اللي بيسوقها وطريقتة وانا حكمي منخلال دا
|
رد: عاوز اشتري عربية مستعملة ومحتار
انا اولا اشكر تواصلكم واستجابتكم ومدي بنصيحتكم انا اللي حاكمني في الموضوع الفلوس فالفلوس فالفلوس مش ممكن هايزيدوا ولا 500 جنية انا عجباني البي واي دي لاني اسمع انها موتور ميتسوبيشي وعفشة تويوتا 2005 والصالون تويوتا 2005 والعربية حلوة كبيرة واسعة تكيفها كويس ثبتها حلو انا بجيب الفيرنا وانا حاسس اني مجبر بسبب الفلوس انا شغلي في القاهرة ومقيم بالقاهرة ولكن بسافر اسبوعيا مسافة 100 كيلو انا منتظر تفاعلكم معي ومدي بخبراتكم لاني محتاجها جداجدا
|
رد: عاوز اشتري عربية مستعملة ومحتار
رجوكم تساعدوني انا ميزانيتي مش هاتتخطي ال 50000 انا كل يوم بحتار عن اللي بعدة اشتري فيرنا مابين 2008 2009 ولا دلوقتي لاقيت لانسر كرستالة وتبقي موديل سنة كام ولا كيا سبكترا برجاء من خلال اعادة البيع العالية قطع الغيار الصيانة الاعتمادية عا العربية والتكيف بتاع العربية انا بجد محتار ومحتاج نصيحتكم ارجوكم ماتبخلوش بيها علي
|
| الساعة الآن 12:21 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017