|
رد: يعني إيه جودة؟؟؟ تعالى نفكر مع بعض
اقتباس:
حضرتك قلت حاجة مهمة جدا الغالي تمنه فيه.... يعني السعر يعبر عن الجودة بس أنا مش معاك في الحتة دي.. لإن السعر مش معيار أبدا للجودة، وإلا كنا اعتبرنا العربيات الإيطالية من أفضل السيارات في الجودة... لكن المعروف عن السيارات الإيطالية على مستوى العالم إن جودتها منخفضة بشكل عام (طبعا يستثنى منها السيارات السوبر رياضية زي الفيراري واللامبورجيني وما شابهها) كده الموضوع وسع... حد عنده رأي تاني؟؟؟ |
رد: يعني إيه جودة؟؟؟ تعالى نفكر مع بعض
اقتباس:
التميز مهم طبعا بس لو جبنا عربية زي الهيونداي فيلوستر (أول ما نزلت)... مش الناس كانت بتتلوح عليها بردو؟؟؟ أعتقد نها عربية مميزة بشكلها جدا معلش... أنا مدوخكو شوية... بس احنا عايزين نوصل أنا مع رأي الأستاذ khaled_1993m في إن المسألة عامة وتشمل حاجات كتير في الحياة عايزين نحط القواعد العامة دي ونطبقها على العربيات مين عايز يشارك تاني؟؟؟ ... |
رد: يعني إيه جودة؟؟؟ تعالى نفكر مع بعض
اقتباس:
انا مش فاهم يعني حدرتك تقصد ايه !!! العربيات الايطالي زي ايه مثلا ؟؟ بصفة عامة بص علي اي عربية غالية و في الغالب هتلاقي الجودة عالية الجودة بتمشي في علاقة طردية مع السعر ده اللي انا ملاحظه |
رد: يعني إيه جودة؟؟؟ تعالى نفكر مع بعض
اقتباس:
أنا بتكلم على العربيات الإيطالي زي فيات ولانشيا طيب... قبل ما ندخل في نقاش جانبي عن السيارات الإيطالية... وعشان ما نتلخبطش أكتر... خلينا نشرح إيه هي الجودة؟؟ الجودة فعلا مبدأ عام... ولإنه مبدأ عام... الناس ممكن تبصله بكذا نظرة زي ما الأخوة الأفاضل تفضلوا وشرحوا الجودة من وجهة نظرهم... فيه ناس تانية ممكن تقول: "طيب أنا أعمل إيه بكل الحاجات دي والعربية أصلا ما بتشتغلش أو بتعطل؟؟؟" أو غيرهم يقول: " أنا ليه أجيب عربية كبيرة تاكل بنزين وأنا مش عايز أكتر من عربية مريحة تنقلني وسط البلد في الزحمة؟؟؟" وغيرهم يقول: "أنت بتقول إيه!! أنا عايز عربية أجري بيها محدش يحصلني" وغيرهم مش حتفرق معاه غير إنه عايز أربع عجلات تنقله مطرح ما هو عايز!!! من هنا نقدر نقول إن الجودة نسبية... تختلف من شخص للتاني... لإن طلبات كل واحد فينا غير التاني يعني... الجودة هي مدى الاستجابة لمتطلبات العملاء ومن هنا ظهرت مشكلة الآراء المختلفة حوالين نفس العربية... ناس تقول وحشة وناس تقول حلوة جداً اللي بيقول وحشة أكيد مش شايف فيها اللي هو عايزه... إنما اللي بيقول حلوة شايف إن العربية بتديله اللي هو عايزه وزيادة ده الموضوع باختصار... ولسه هـنكمّل كمان ... |
رد: يعني إيه جودة؟؟؟ تعالى نفكر مع بعض
انا اختلف معاك الجوده مش نسبه بس الجوده مش مطلوبه او مش اد امكانيات كل الناس و الا كان كل الناس ركبت مرسيدس مثلا و مش عايز اقول جاجور .....الحاجه الى جودتها عاليه حتفضل موجوده بس فى واحد يقلك انا مش عايز الجوده 100% انا عايز حاجه على قد امكانياتى =70% جوده مثلا
Sent from my GT-N7000 using Tapatalk 4 Beta |
رد: يعني إيه جودة؟؟؟ تعالى نفكر مع بعض
اقتباس:
كويس إن حضرتك فتحت الموضوع ده لازم نفرق بين الرفاهية والترف والفخامة والجودة الرفاهية (بالإنجليزي Luxury) المقصود بيها إنك تكون قاعد مستريح في السيارة وتحت إيدك كل اللي تحتاجه... يعني قاعد مبسوط ومفيش حاجة مضايقاك. الترف (Luxe) المقصود بيها إن الخامات المستخدمة في صنع الأشياء تكون غالية. الفخامة (Splendor) المقصود بيها إن الشيء يكون مصنوع بطريقة تعطي إيحاء بالعظمة والأبهة... يعني تكون مرصعة بجواهر أو ذهب أو ممكن تكون كبيرة في الحجم. هل كل الناس محتاجة اللي قولناه ده؟؟؟ أكيد لأ أنا معاك طبعا إن وجود الرفاهية والترف والفخامة في السيارة بيديها قيمة أعلى ويعلي من جودتها... بس مش علشان إنها جودة في حد ذاتها... إنما علشان هي عوامل بتدي رضا أعلى للعميل اللي بيشتري .. وبالتالي بيبقى راضي عن السيارة بشكل عام على ذكر الجاجوار.... هل حضرتك عندك فكرة إن جاجوار (وهي عربية معروفة بالترف والفخامة والرفاهية) كانت حتفلس وتقفل في السبعينات بسبب مشاكل الجودة الأخرى؟؟؟ على فكرة... معروف عن صناعة السيارات الإنجليزية أنها كانت قمة في الترف والفخامة حد يعرف كام شركة إنجليزية ما زالت شركة مستقلة أو مملوكة لإنجليز حاليا؟؟؟ الإجابة: ( صفر ) المعروف عن السيارات الإنجليزية أنها كانت مليئة بعيوب التصنيع... ومش هتعيش معاك بدون أعطال أكتر من عدة أسابيع... مع إنها كانت قمة في الرفاهية والترف والفخامة... ده بالإضافة إلى إن احتياجات الناس في سياراتهم اختلفت مع الوقت... بس الصناعة الانجليزية فضلت محلك سر وما طورتش عربياتها ده خلى الناس ما تشتريهاش... وبدأت المصانع تقفل واحد ورا التاني... وحتى اللي فضل منها لحد دلوقتي اشترته شركات تانية أوروبية وآسيوية عشان تستفيد من سمعة الرفاهية والفخامة اللي فيها... بس حطت عليها بصمتها من الجودة على فكرة... الجاجوار حاليا مملوكة لمجموعة تاتا الهندية لاندروفر مملوكة لمجموعة تاتا الهندية رولز رويس مملوكة لمجموعة BMW الألمانية ميني مملوكة لمجموعة BMW الألمانية بنتلي مملوكة لمجموعة فولزفاجن الألمانية MG مملوكة لمجموعة سياك الصينية لوتس مملوكة لمجموعة بروتون الماليزية الجودة ليست فخامة وترف ورفاهية فقط... إنما هي + أشياء أخرى سؤال صغير يمكن يسهل الموضوع شوية... إيه توقعاتك من العربية الغالية؟؟؟ ... وإيه توقعاتك من العربية الرخيصة؟؟؟ ... |
رد: يعني إيه جودة؟؟؟ تعالى نفكر مع بعض
اناةمش عارف اجبهالاك منين بظبط
Sent from my GT-N7000 using Tapatalk 4 Beta |
| الساعة الآن 02:15 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017