رد: متحير بين مازدا 3 و سكودا اوكتافيا و جيتا 2010
 

المازدا 3 الجديده ضيقه من ورا ...
علشان يطورو شكل العربيه الشكل الجديد أثر جدا على الصالون ..
ده غير ان مفيش توكيل و قطع غيارها غاليه اوي ... يعني سعر اعاده البيع حيبقى مش اد كده مقارنه بالجيتا و الاوكتافيا ....
جيتا او اكتافيا ... و شخصيا أفضل الاوكتافيا ... اعلا ..اوسع .. شنطه اكبر .. توكيل افضل نسبيا
وبرضو فولكس جروب
واضم صوتي للأساتذه حازم و محمد

رد: متحير بين مازدا 3 و سكودا اوكتافيا و جيتا 2010
 

اه علي فكره
الجيتا و الاوكتافيا بيلعبوا في اخر ايامهم خلاص
الجولف 6 نزلت و اكيد حينزل جيتا في خلال سنتين او اقل
و نفس الشاسيه بتاع الجولف 6 حيطوروا عليه الاوكتافيا الجديده
و طالما عملوا شويه لعب في الاوكتافيا يبقي دي اخر ايامها .
انا نسيت النقطه دي اقولهالك لانك لو غاوي تركب شكل جديد
و تقعد كام سنه بتشوفه في معارض العربيات يبقي العربيتين دول اخرهم معاك سنه او اتنين
و حتلاقي موديل جديد نازل منهم!!!!!!

رد: متحير بين مازدا 3 و سكودا اوكتافيا و جيتا 2010
 

المازدا 3 مش يابانى أوى, هى فى الأساس فورد فوكاس متنكرة.
لكن ما تزال أقل من الجيتا و الأوكتافيا.
الجيتا و الاوكتافيا تقريبا نفس السيارة, مع طابع عائلى للاوكتافيا.
ال3 عربيات فى رايى الشخصى دون المستوى حاليا, و هناك خيارات كثيرة أفضل و أكثر متعة لو كنت تبحث عن التميز, منها مثلا رينو ميجان, فيات برافو, بيجو 307.

رد: متحير بين مازدا 3 و سكودا اوكتافيا و جيتا 2010
 

حازم باشا كلامة منطقى جدا خصوصا فى موضوع الموديلات الجديدة

أما موضوع الميجان فأنا مش عارف. سامع من مستخدمينها إن مشاكلها كثيرة

إيه راى الشباب الخبرة...؟؟؟

رد: متحير بين مازدا 3 و سكودا اوكتافيا و جيتا 2010
 

لأ مافيش مشاكل كتيرة و لا حاجة من الميجان.....
بس إم كان على موضوع تغير شكل الفانتازيا و الجيتا فى القريب العاجل...فالميجان بالفعل اتغيرت..و الباقى فى السوق دى بقايا الشكل القديم...لكن الشكل الجديد لسه ما نزلش مصر....لكن خارج مصر بقى له بتاع سنة مثلا متاح....
هناك شىء نسيناه فى الكلام عن الخيارات المتاحة ....
السيدان - هاتشباك....
الفانتازيا و الجيتا و الفوكاس هما الوحيدات بأشكال سيدان...باقى الأوروبى من أمثال ال 308 و ال C4 و الميجان III إللى لسه ما نزلتش بالإضافة للأسترا و البرافو كلهم عربيات هاتشباك...
أعتقد الأخ الفاضل محتاج يتكلم شوية عن احتياجاته...و عن أولوياته..كل واحدة من دول فى حاجة بتقدمها التانية مش متفوقة فيها زيها....
فى انتظار صاحب الموضوع

الاسترا في منها حاليا سيدان ...
لكن دي برضو بقايا الشكل القديم اللي نزل منه الجديد هاتشباك حاليا ...
يعني بواقي الاوكازيون ومنصور افتكر ينزلها دلوقتي مع انها موجوده من 3 او 4 سنين ptmnlo123per111
بس هي عموما الجولف كشكل خارجي متغيرش كتير .. بحس انها اقرب للفيس ليفت ..ومعتقدش ان تغييرات الجيتا كشكل حتكون قويه ... لانها سيدان الجولف .. لكن كمواصفات الله اعلم
والسيتروين C4 برضو بقالها كذا سنه فحكمها نفس حكم الجيتا و الاوكتافيا من حيث الشكل

فعلا محتاجين صاحب الموضوع يحدد احتياجاته و متطلباته خصوصا نقطه السيدان و الهاتشباك

رد: متحير بين مازدا 3 و سكودا اوكتافيا و جيتا 2010
 

الاسترا سيدان ... بعد فوات الاوان !!!

http://www.up-images.com/uploads3/im...6fed43ce6d.jpg
http://www.up-images.com/uploads3/im...8d6fa3e729.jpg
http://www.up-images.com/uploads3/im...efe8fdfef9.jpghttp://www.up-images.com/uploads3/im...488ed1381d.jpg
http://www.up-images.com/uploads3/im...b6c57a3a5f.jpg

<!-- / message --><!-- sig -->