مصر موتورز مجتمع السيارات - أنا هأقول لكم طلباتي بأذن الله و أنتم تقولوا لي اعمل ايه

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: أنا هأقول لكم طلباتي بأذن الله و أنتم تقولوا لي اعمل ايه

اقتباس:

المشاركة الأصلية كتبت بواسطة eng/walaaeldeen (المشاركة 901458)

السلام عليكم
طيب ما تفكر في الفيرنا كمان
والله المستعان

بالنسبه للفيرنا بيقولوا بتعوم ع السرعات و فراملها مش تمام قالي الكلام ده سواق تاكسي بس شكر في سحبها عشان 1600 سي سي و كمان صالونها ضيق بالنسبه للوجان أو اللانوس و لا أيه ؟

رد: أنا هأقول لكم طلباتي بأذن الله و أنتم تقولوا لي اعمل ايه

اقتباس:

المشاركة الأصلية كتبت بواسطة حسين122 (المشاركة 901473)

السلام عليكم
بخصوص العومان والفرامل فاللانوس بتعوم اكثر منها وفراملها اسوء من الفيرنا
ممكن للتجنب علي العومان بتركيب في المستقبل فرد اعرض قليلا وفراملها مش سيئه بالدرجه دي
وهي بتخف الثبات بعد 140 كيلو في الساعه
واسمع ان اللوجان فراملها بتكسح و الله اعلم
اما بالنسبه للوسع فاللوجان بصراحه واسعه من الداخل جدا والشنطه ايضا
لكن اللانوس اوسع من الفيرنا بقليل
لو تريد محرك قوي وقطع غيار متوفره ورخيصه وصيانه سهله واعادة بيع جيده لكن ثبات معقول وفرامل معقوله فعليك بالفيرنا
اما الوسع ومحرك قوي ايضا ولكن قطع غيار غاليه نسبيا واعادة بيع ثقيله نسبيا فعليك باللوجان
والله اعلى واعلم
والله المستعان

رد: أنا هأقول لكم طلباتي بأذن الله و أنتم تقولوا لي اعمل ايه

لو بتفكر في لوجان اتوماتيك يبقي الافضل تجيب نيسان صني الشكل القديم اتوماتيك علي الاقل الفتيس والموتور ياباني واعطالها محدوده واعتماديه بس انا شايف ان اللوجان الاتوماتيك سعرها عالي جدا علي امكانيتها

رد: أنا هأقول لكم طلباتي بأذن الله و أنتم تقولوا لي اعمل ايه

اقتباس:

المشاركة الأصلية كتبت بواسطة jojojojojo (المشاركة 901485)

طيب هيه في حدود سعر كام و موديل كام و في منها زيرو ؟؟

رد: أنا هأقول لكم طلباتي بأذن الله و أنتم تقولوا لي اعمل ايه

دلوقتي في عربية معروضه للبيع مرسيدس 280 اس
l,hwthjih ;hgjhgd
السياره مرسيدس 280s فبريكه دواخل بالكامل راشه بره 2800 سىسى 6سلندر اوتوماتيك زجاج كهرباء فتحه سقف كهرباء كراسى كهرباء باور ستيرنج جنوط سبور ستائر على الرخصه فرش شيك كاسيت و طقم صوت نقى اصلى و بلوتوث و ميمورى و فلاشه زينون عالى و واطى تكيف يعمل بكفائه موتور قوى جدا بسم الله ماشاء الله شكمان مرسيدس اصلى جديد و كاوتش جديد بالكامل و بطاريه جديده السياره مرور فيصل رخه منتهيه البيع بعقد مسجل المعاينه بحدائق القبه و الاتصال رجاءا للجادين فقط السعر نهائى و غير قابل للنقاش السياره تستاهل اكتر من كده بكتير و لا تحتاج اى شىء
رأي حضراتكم أيه
دي و لا اللوجان بالقسط ؟؟؟؟؟
أصل أنا عندي و لله الحمد ولد و 3 بنات
قلت دي واسعه و ثابته ع الطريق و كويسه للشغل برضه
رأي حضراتكم أيه ؟؟؟؟