رد: سؤال في حالة الموتور
 

شوف يا باشا ...
انا بصراحة بفضل دايما الموديل الاحدث و خمس سنين فرق مش شوية .. يعنى حتى لو حالة الموتور و الكيلومترات متقاربة .. المفروض تلاقى الحالة العامة للموديل الاحدث احسن من الموديل الاقدم الا بقى لو الحديثة دى عاملة حادثة مثلا قبل كدة و مأثرة على حاجة فيها... و واضح انك عملت فحص لضغط الموتور ....
نصيحتى .. اعمل فحص شامل للعربية كلها موتور و جيربوكس و تكييف و بودى و شاسية و عفشة و كاوتش ...... كل حاجة يعنى و خد معاك حد بيفهم فى الموضوع ده و لو فرق السعر بين العربيتين مش كبير ويساوى الحالة الافضل .. يبقى هات الافضل علشان ماتتعبكش بعد كدة

بس برده على قد الفلوس اللى تقدر تدفعها يعنى ما دام الحاجات الاساسية فى العربية سليمة هاتها و اتوكل على الله لو فرق الفلوس كبير

انما لو على سؤالك حالة الموتور بس اللى هى 70 أو 73 فا هى مش فارقة قوى

رد: سؤال في حالة الموتور
 

اخي العزيز bmkbmk شكرا للمساعدة والنصيحة
جزاك الله كل خير
بس انا مش عامل الفحص ده - صاحب العربية هوااللي قالهوللي
انا لسة هروح افحص
ممكن تقوللي اكشف علي كل الحاجات دي فين ؟
موتور و جيربوكس و تكييف و بودى و شاسية و عفشة و كاوتش ...... كل حاجة
وهل مركز الخدمة المعتمد هيقدر يعرف العربية عاملة حادثة ومقلوبة ولا مخبوطة ولا لأ ؟؟
يعني بيكشف علي ميكانيكا وصاج ولا ميكانيكا بس

وشكرا جدا جدا

رد: سؤال في حالة الموتور
 

معلهش يا باشا انا مش هقدر افيدك فى النقطة دى لأنى حاليا عايش فى الكويت ...
ممكن الاخوة يقدروا يفيدوك لو حد منهم يعرف مكان فحص موثوق فيه ...
بس اعتقد ان مركز الخدمة المعتمد يقدر يعمل لك فحص شامل و كامل و يعرف طبعا اذا كان فيه حوادث قبل كدة ولا لأ و لو فيه اى حاجة فى العربية و يديك تقرير كامل عن حالتها .
و بالتوفيق يا باشا ان شاء الله

رد: سؤال في حالة الموتور
 

والله يا اخ bmkbmk انا لساني ما زال يعجز عن شكرك
وعن شكر كل الاعضاء المحترمين في هذا المنتدي
ولا اجد اطيب من
جزاكم الله كل الخير - وجعله في ميزان حسناتكم
وشكرا

رد: سؤال في حالة الموتور
 

يا باشا على ايه بس .. كلنا فى المنتدى هنا اخوات و انا تحت امرك فى اى حاجة
و جزاكم الله كل خير يا باشا
و ربنا يوفقك فى عربية كويسة ان شاء الله