رد: نيسان صنى الشكل الجديد ولا هيونداى اكسنت و لا بيجو 301
 

من وجهه نظري الشخصيه الاكسنت rb افضلهم
قطع غيار متوفره جدا اصلي وغير اصلي
شكل انسيابي
موتور جبار وناعم واداءه ممتاز
ليست بكماليات زائفه وزائده بلا مبرر لذلك اعطالها تكاد لا تذكر

رد: نيسان صنى الشكل الجديد ولا هيونداى اكسنت و لا بيجو 301
 

الاكسنت تحقق معظم مطلباتك عدا الاتزان على الطريق

رد: نيسان صنى الشكل الجديد ولا هيونداى اكسنت و لا بيجو 301
 

شكراعلى ردك بس الاتزان على الطريق مهم جدا ولا اية رايك ؟؟وهل فى رايك فى عربية تتماشى مع متطلباتى مع الاتزان ؟؟ اذا كان عندك اقتراح ياريت تقولوا ويكون فى نفس سعر الهيونداى او الصنى
وشكرامرة اخرى

رد: نيسان صنى الشكل الجديد ولا هيونداى اكسنت و لا بيجو 301
 

الاتزان مهم في حالة ان معظم المشاوير تكون على طرق مفتوحة لكن لو المشاوير في الزحمة وجوه البلد الاتزان مش خيفرق اوي
وممكن حضرتك تبصي على الشيفروليه اوبترا استهلاك بنزين كويس وقطع غيار منتشرة ورخيصة وثباتها كويس جدا
ومبروك مقدما

رد: نيسان صنى الشكل الجديد ولا هيونداى اكسنت و لا بيجو 301
 

موضوع الاتزان و الثبات في العربيات دي كلها كويس نقول لغاية سرعة 120 كم (و دي سرعة مش قليلة و كافية جدا) بعد كدة الفرق بينهم بتظهر.

لو المقارنة بين الصني و الأكسنت
يبقى الصني أفضل ببساطة للأسباب التالية:
أمان أكثر (2 وسادة هوائية - فرامل مانعة للإنغلاق مع توزيع إلكتروني وتعزيز الفرملة)
أوسع (للركاب و الشنطة)
أريح (لان الشاسيه اطول)
توكيل أفضل
وجود فتحات تكييف خلفية.

مميزات الأكسنت:
متوفره بموتور1400 و 1600 cc و ده هيكون أحسن من الصني (1500)
شكلها أفضل شوية
منتشرة و ده هينعكس علي توفر قطع الغيار و سهولة البيع

و لحضرتك إختيار أولوياتك و مبروك مقدما

رد: نيسان صنى الشكل الجديد ولا هيونداى اكسنت و لا بيجو 301
 

ملحوظة الاكسنت في مصر مش نازلة بالماتور ال1400 بس نازلة في الخليج بالماتور دا
في مصر بتنزل جميع الفئات بالمحرك 1600

رد: نيسان صنى الشكل الجديد ولا هيونداى اكسنت و لا بيجو 301
 

بيجو يبقى صيانه توكيل
نيسان صيانه توكيل وبره التوكيل
اكسنت توكيل وعند اى حد

الافضل كاداء سياره البيجو اكيد
كنتشار الاكسنت ثم الصنى
كسعر اعاده بيع الاكسنت طبعا

عموما اى عربيه جديده وفى الضمان يبقى الافضل الصيانه فى التوكيل او مركز معتمد او على الاقل متخصص