|
رد: البنزين ما بيوصلش للكربرتير
اقتباس:
وان شاء الله اجيب الكهربة ادام شوية وانا شاكر جدا لتعاونك |
رد: البنزين ما بيوصلش للكربرتير
اقتباس:
بما ان اخونا العزيز كان مستعجل . ممكن سيادتك تشرح طريقه تركيب طرمبه البنزين الكهربا وهل الطرمبه القديمه هاتفضل راكبه ولا لا ؟؟؟ وهل الطرمبه الكهربا دى هاتفرق فى دواره العربيه الصبح خصوصا بعد الركن 3او4 ايام ؟؟؟ |
رد: البنزين ما بيوصلش للكربرتير
بالنسبة للطلمبة القديمة هى لازم تفضل راكبة مكانها عشان الزيت ميخرجش من مكنها
طريقة تركيب الطلمبة الكهرباء لازم تختار مكان لية جيد التهوية زى صدر العربية وفى ناس بتركبها فى بطن العربية من تحت لو ليها مكان انما المهم بقى واللى كنت عاوز اقول علية حضرتك طبعا عارف ان فى خرطوم راجع للبنزين بيخرج من الكربراتير ورايح للتانك الخرطوم دة هانطببه نعملة طبة يعنى بمسمار 13 يدخل جوة الخرطوم ويتربط علية بكولية ومش عاوزك تقلق من ضغط الطلمبة وخصوصا لو كانت العربية واقفة فى اشارة او الموتور على السلانسية لان لما ضغط الطلمبة بيزيد نتيجة ان ابرة العوامة اللى فى الكربراتير قفلت خط السحب الطلمبة نفسها هاتفصل لانها فيها بالظبط زى اوتوماتك موتور المياة لما الضغط بيعلى بيفصل نقطتين التلامس الكهرباء اللى بتغذى الطلمبة بالكهرباء ولما العربية تكون واخدة سرعتها وعاوزة بنزين كتير هتلاقى الطلمبة شغالة على طول بترمى بنزين للكربراتير طول ما هو عاوز يعنى المقصود ان اداء الطلمبة مش ثابت ولكنه متغير على حسب الاحتياج لكمية البنزين وبكدة الطلمبة هاتشتغل على الـ اد بالظبط وبكدة عمرها الافتراضى هايكون اطول بكتير لان لو خرطوم راجع البنزين متوصل بين الكربراتير والتانك هتلاقى تملى ضغط البنزين الواقع على الكربراتير واطى او قليل والطلمبة ساعتها بتشتغل باى باص ومش بستفاد منها فى حاجة وموضوع تاخر الدوارة الصبح لو بوجيهاتك سليمة والاسبراتير مظبوط هاتفتح الكونتاكت 10 ثوانى وبامر الله تدور من نص لفة مارش |
رد: البنزين ما بيوصلش للكربرتير
mr_astra
الله ينور عليك تأتينا بكل ماهو جديد انا عن نفسي بتعلم منك وبحب اقرأ موضوعاتك |
رد: البنزين ما بيوصلش للكربرتير
اقتباس:
|
رد: البنزين ما بيوصلش للكربرتير
معلش ياجماعة انا عايز اعرف بس الطرمبة ديه نوعها ايه وبكام وهل الميكانيكي هيعرف يوصلها ولا لازم احكليه الكلام ده واكون شاكر ليكو اوي ياجماعة والله
|
رد: البنزين ما بيوصلش للكربرتير
نوعها ميتسوبيشى وتمنها 175 جنية وتشتريها من عند بتوع قطع الغيار اليابانى انا كنت شاريها من حلاوة فى جسر السويس بجوار الشرقاوى بتاع اليابانى
واللى يركبها كهربائى مش ميكانيكى ولازم تحكيلة الكلام اللى فوق دة عشان توصلة الفكرة |
| الساعة الآن 08:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017