رد: افيو اتوماتيك ام فيرنا ام لانوس ام ساجا
 

بص يا فندم الافيو انساها عربية مش كويسة مساكلها كتير عفشة متستحملش بطيئة نوعا ما والاهم مشاكل السوفت وزى مثلا علو عداد اربىام فيها ممكن تكون سلانسية وتلاقية على 2000 لفة او اقل
عموما فيرنا دايو افيو متقفلين فى مصر فخر الصناعة والتقفيل اللى يخليك تكرة العربية
بمعنى الشكمان مصرى الطنابير مصرى الجنوط مصرى ومش معتدلة وتسبب رعشة فى الدريكسيون على الطريق بسب الجنوط الكاوتش مصرى خراطيم البنزين مصرى كلها من التانك للماتور دا اللى فيهم مصرى
انا راى بقى انت معاك 90 الف مثلا طيب ما تعلى شوية وتجيب اوبترا اكسنت اربى مانيوال فاضية يعنى سنتر وزجاج كهرباء وتكييف فقط الاتنين دول كويسين ولو هتختار ما بين اللى انت محددة دا يبقى ارجحلك الفيرنا والدايو وانصحك بالفيرنا بس صوتها عالى شوية وانا عارف الفيرنا حتة حتة لانها معايا
بس اتمنى انك تجيب هيدروماتيك المانيوال بقى صعب فى الزحمة بتاعت اليومين دوول
وبالتوفيق واتمنى التفاعل وتقول رايك:fun_36_1_39[1]:

رد: افيو اتوماتيك ام فيرنا ام لانوس ام ساجا
 

أستاذ memodina1 شكرًا علي مرور حضرتك انا متفق معاك تماماً في أو جزء الخاص بالعربية الافيو.
بالنسبة للجزء التأني الخاص بتقفيل العربيات في مصر زي الفيرنا و اللانوس و الافيو و الاوبترا ثمن العربيات مش قليل و علي كلام حضرتك يبقي احنا فعلا شعب بنحب اليغشنا و يضحك علينا المهم مش هطول عليك انا استخدامي للعربية هيبقي بالظبط شهر و نص في السنة كلها غير كده العربية مرفوعة في جراچ فا حرام ادفع مبلغ زي ٩١ ألف في فيرنا أوتوماتيك بجد مبلغ مبالغ فيه انا يعتبر شبة حصرت مقارنتي بين اللانوس و الفيرنا بعشق ماتور الفيرنا بس خايف من موضوع وقف تصنيعها و عيب تعومها چنوط محترمة بكاوتش عريض اتحلت المشكلة بأمر الله و اللانوس فيها نفس المشكلة أنها واطئة علي ارض بس الفيرنا اكتر بفرق بسيط اللانوس كاملة مفيش بس غير مرايا جانب السائق مانوال غير كده كل حاجة كهرباء علي ما اعتقد إنما الفيرنا مرايات جانبية مانوال و مفيش فوج لايتس و اتمني المساعدة في تحديد ايهما افضل.

رد: افيو اتوماتيك ام فيرنا ام لانوس ام ساجا
 

طيب انا عايز اعرف مين الى قالك انى الفيرنا مفهاش فوج لايت بتنزل فيها فى المانيوال gls
ولو جنط الفيرنا اسبور العفشة هتبوظ منك هنرجع نقول تانى يا جماعة العربيات دى جنوط اسبور ليها وحسة الحل انك تروح التوكيل تجيب طقم 13 حديد كورى اصلى وبتتباع هناك واصلى وبالرقم بتاعهم
مرايات كهربا مفيش فى الفيرنا الا الاتوماتيك وفعلا حرام 91 الف فى عربية مش هتستعملها الا شهرين تقريبا فى السنة
السؤال اللى محيرنى اية مشكلة انى اخر سنة للفيرنا السنة دى وفعلا الكلام صحيح بالنسبة انها اخر سنة للفيرنا
بص عفشة الدايو الفيرنا زى بعض ماتور الفيرنا اقوى من اللانوس بكتير وفرق ملحوظ ولكن صوتة عالى عن اللانوس بكتير برضة وملحوظوتكييف الفيرنا اعلى كفائة من اللانوس غير كدة العربيتين زى بعض تقريبا
بس خد بالك من حاجة الفيرنا مشهورة برعشة فى الدريكسيون على 120 وفعلا دى موجودة فى كل عربيات الفيرنا واعتقد دا بسبب التقفيل المصرى وحتى بعد تغيير الجنوط هتلاقية بس خفيف جدا ومش ملحوظ اوى انما الدايو معرفش ممكن مالكى الدايو يقوللنا على الموضوع دا
واستنى شوية عشان تسمع الاراء كلها ومعلش لو هتجيب عربية تستعملها شهرين يبقى هات عربية صغيرة احسن زى اسبارك 60 الف كمثال ولا انت عايز عربية متوسطة الحجم ولا اية رايك...؟

رد: افيو اتوماتيك ام فيرنا ام لانوس ام ساجا
 

لا نوس أفضلهم سعراً

رد: افيو اتوماتيك ام فيرنا ام لانوس ام ساجا
 

خليك فى الانوس او الفيرنا علشان قطع الغيار و سعر اعاده البيع :fun_36_3_16[1]::fun_36_3_16[1]::fun_36_3_16[1]::fun_36_3_16[1]:

رد: افيو اتوماتيك ام فيرنا ام لانوس ام ساجا
 

أستاذ memodina1 شكرًا لمرور حضرتك و التفاعل معي و اهتمام حضرتك في المتابعة
أولا
انا محدش قالي ان الفيرنا GLS مانوال بتنزل من غير فوج لايت انا بس لحظت ده في الصور المرفوعة علي جوجل.
أما بالنسبة للچنوط السوبر حتي اذا كانت الچنوط دي هتيجي من بريطانيا من شركة محترمة بردو هيبقي ليها نفس التأثير السيئ علي العفشة زي ما حضرتك ذكرت.
أما بالنسبة لوقف تصنيع الفيرنا انا قرأت عن الموضوع و هشروحو لحضرتك القصة ان العربية الفيرنا تم وقف تصنيعها في سنة 2007 تقريبا في جميع أنحاء العالم إلا مصر لأن غبور مضي عقد مع الشركة الأم في كوريا انه يستمر إنتاج السيارة في مصر و يتم تجميعها في مصر الي سنة 2013 و طبعا غبور علي ما قرأت انه هينتج سيارة تانية بديلة لفئة الفيرنا بس و الله و اعلم هتبقي صيني و خط انتجها في الصين بس عربيات الفيرنا عندي هنا هي هي الاكسنت الجديدة في مصر يطلق عليها آسم فيرنا و علي ما قرأت ان نفس الموضوع في العراق لذلك انا قالق الي حد ما من الفيرنا بس بجد انا بعشق ماتورها القوي و صوته بس مازالت متردد لان مش عارف ايه هيحصل للعربية بعد وقف التصنيع.
بالنسبة العربيات الصغيرة دي متعبة لأني أما بنزل مصر بسافر كتير فا عايز عربية متوسطة الحجم.
حيراااااااااااااان جدااااااااااااااا

رد: افيو اتوماتيك ام فيرنا ام لانوس ام ساجا
 

أستاذ Mohamed Nabeeh شكرا لمرورو حضرتك و اتمني تداوم التفاعل معنا للاستفادة حضرتك تقصد ايه بان اللانوس أفضلهم سعرا هل حضرتك تقصد في إعادة البيع ام حضرتك تقصد في الشراء ام في قطع الغيار بس علي ما اعتقد الفيرنا أرخص بعض الشيء بس الفرق بين الفيرنا٨٠ ألف و اللانوس ٧٦ ألف الفرق ٤ آلاف بس ايهما افضل و بالأخص بعد ما تأكدت ان الفيرنا هيتوقف تصنيعها مع أني بحب شكل الفيرنا و ماتور الفيرنا بس خايف اشتريتها و مش عارف علي فين هتوديني انا بقيت بكتب شعر في العربيات هههههههه أسف للإطالة. اذا لم يوجد مانع هو حضرتك راكب لانوس أو فيرنا؟ شكرًا