|
رد: تشغيل التكييف والسلانسيه
[QUOTE=sokaroz;881047]استفسار هام ارجو ان اجد الاجابه عليه
عند تشغيل التكييف بدون ان تتحرك السياره (وهى واقفه) ياترى مؤشر rbm بيكون على كام بالظبط المفروض ان العداد بيكون على 825 او 850 وده الطبيعى ولما نشغل التكييف المفروض يعلى العربيه لتكون على 1000 لفه عشان المحرك يتحمل ضغط الكمبروسر من غير العربيه ماترعش اصل انا عندى افتح التكييف تفضل لفات الموتور على نفس المستوى وانا حاسس ان ده مش طبيعى ولا ايه ؟؟؟؟ /QUOTE] موضوع ظبط الأر بى ام فى سلانسيه العربية والتكييف شغال ده بيبقى من الكمبيوتر وماحدش هينفعك فى الموضوع ده هو الكمبوتر بيظبط نفسه لما تبطل ف الصلانصية ونتا فاتح التكييف ساعتها دور على السبب وصلحه |
رد: تشغيل التكييف والسلانسيه
هشام باشا العربيه مش بتبطل فى السلانسيه مع التكييف
فى بدايه عرض الموضوع انا قولت ان التكيف لما بيشتغل مش المفروض ان السلانسيه يعلى شويه عشان يتحمل ضغط الكباس فى السلانسيه مثال :- 1- وانتا واقف فى اشاره ومش مشغل التكييف المفروض السلانسيه يكون على 8.25 او 8.5 تقريبا صح 0 2- وانتا واقف فى نفس الاشاره ولقيت الجو حار وشغلت التكييف المفروض والله اعلم يعنى ان العربيه تعلى لحد 1000 لفه عشان تتحمل ضغط الكمبروسر وانتا على السلانسيه 0 هو ده استفسارى وكثير قال لى ان مهمه حساس ضغط الفريون ان تحافظ على نفس مستوى السلانسيه ، يعنى لما اشغل التكييف وانا على السلانسيه العربيه تفضل على نفس الفلات الطبيعى ؟؟ ويصراحه انا مش مقتنع وعشان كده قولت التجربه خير دليل ومن هنا سألت الزملاء عن تجربتهم فى فتح التكييف مع السلانسيه وكتر الف خيرك على اهتمامك واتمنى من الجميع ان يدلى بدلوه فى هذا الموضوع :sd: |
رد: تشغيل التكييف والسلانسيه
السلام عليكم ورحمة الله وبركاتة أنا على فكرة لاحظت الكلام دة عندى فى عربيتى هية جوليت موديل 99 وكنت قريت قبل كدة إن فية حساس بيعلى عدد لفات الموتور لما التكييف يشتغل بس اللى بيحصل إن ال RPM عندى بيفضل على نفس المستوى هو عموماُ طالاما الموتور ما بيتبرجلش وبيكون كويس فدية فعلاً حاجة كويسة لإنة هايوفر فى البنزين وعلى فكرة أنا باحط بنزين 80 |
رد: تشغيل التكييف والسلانسيه
الاكسبنشن بيحتاج يتفك وينضف
|
رد: تشغيل التكييف والسلانسيه
ايه الاكسبنشن
ارجو التوضيح |
رد: تشغيل التكييف والسلانسيه
عادي جدا ومفيش اي مشكلة - ربنا يبارلك فيها
|
رد: تشغيل التكييف والسلانسيه
بما انى من ملاك اللانوس
طبيعى جدا جدا انك لما تشغل التكييف ال rpm يفضل ثابت ايه اللى بيحصل ؟ لما بتشغل التكييف الكنترول بيدى اشارة لصمام الايدل انه يفتح حاجة بسيطة بالتبعية و مع زيادة الحمل حساس الماب بيحس بزيادة الفيكم فى الثروتل بدى و الكنترول بيزود زمن فتح الرشاشات عشان يزود بنزين طيب ليه ال rpm مبيعلاش ؟ لان ال rpm بدون تكييف كان فعلا بين 800 ل 850 تقريبا لما تضيف حمل الكومبريسور عشان الكنترول يحافظ على نفس ال rpm حيتضطر يزود الهوا و البنزين لو الكنترول معملش كدا الحمل الاضافى دا حيأثر على الماتور و يقلل ال rpm عن 800 ممكن ينزل ل 500 مثلا و ممكن الماتور يتبرجس جامد و يبطل لو ملحقتوش برجلك لو بقى زيى ما بتقول لو شغلت التكييف و ال rpm رفع ل 1000 يبقى كدا فى حاجة غلط |
| الساعة الآن 09:33 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017