|
رد: تقرير شامل عن Citroen C4 موديل 2013
الأخ الفاضل السيتروين سيارة محترمة و رائعة بكل المقاييس لأنها من شركة رائدة و مبتكرة و مخترعة في عالم السيارات الي جانب أن سمعتها معروفة في العالم كله. كل السيارات تستعمل بنزين 92 الا اذا نص الوكيل علي غير ذلك و ممكن اتصال بالوكيل و يفيدك كمان السيارة معي موديل 2006 و ممتازة فأكيد الجديد سيكون أفضل تكنولوجيا و كفاءة و اعتمادية و شكلا رغم أن الشكل لم يتغير جذريا لكن هي سيارة ممتازة علي كل المستويلت و الوكيل كويس و المحافظة علي السيارة بالتعامل مع وكيل أو مركز خدمة معتمد و كل السيارات كدة حتي الصينى و نظام الميكانيكى الشامل بتعا زمان انتهي لاختلاف التكنولوجيا و التطور
|
رد: تقرير شامل عن Citroen C4 موديل 2013
ماشاء الله
تقرير اكثر من رائع، تسلم ايدك العربية دي كانت احد المنافسين بقوة لما كنا بنختار عربية نشتريها، بس رسينا على الفيلوستر في الاخر وبالنسبة لموضوع 95 ده، انا بصراحة مش مجرب بس هاستغرب جدا لو الوكيل جه قالي انت كنت بتحط 92 مش 95، اعتقد ان الفرق مش واسع اوي يعني عشان يلاحظوه، ويا سيدي يبقى املاها 95 قبل ماتروحلوهم في الصيانة. المفروض ان كل العربيات فيها فلتر بنزين محترم، واللي اعرفه ان 95 من 92 ما تفرقش غير في عدد مرات تغير الفلتر ده بس عشان بيتوسخ بسرعة مع ال 92 |
رد: تقرير شامل عن Citroen C4 موديل 2013
انا متشكر جدا على مساعدتكم من الواضح ان الموضوع موضوع جوازه بجد لانى حاولت انى اقنع نفسى بالواقع الا هما بيحاولو يقنعونى بيه وخاصة ان ربنا رازقنى بأصحاب نصهم تجار عربيات فطبعا انا بالنسبلهم كده مجنون المهم حاولو يدخلولى من مدخل تانى وهوه انى راكب النترا 2012 عربيه واسعه طبعا محدش ينكر فقالولى خلاص نشوف اوربى تكون كبيره زيها الواحد بيكبر العربيه مش بيصغرها قلتلهم ماشى وروحت على معرض الرواد ولقيت الفلوانس 2013 شكل جميل اوربى كبيره وبكده ماليش حجه شفت العربيه اليوم الاول ودخلت دماغى شويه على اساس الحلول الوسط واخدت زوجتى وروحت تانى يوم بس للاسف مالقيتش بينى وبينها كيمياء خالص
هيا تانى فئه بصراحه لو صرفنا النظر عن الفروق الا بين الاوربى والكورى لقيت ان عربيتى شكلا حلوه وحسيت ان الفلوانس هزهق منها كمان شهر كمان تقفيلها تركى وباين طبعا شغل مهند وسمر فيها مش شغل جان رينوه وخاصة للناس الا زيي كده بتهتم اوى بالتفاصيل بصراحه ما بقتش عارف احساسى انى لو جيبت السيتروين مش هغيرها قبل 3 -4 سنيين ولو جيبت الرينو يمكن اروح الشغل بالعجله بعد شهرين بالله عليكم ساعدونى علشان انا شايف انكم هتكونو عمليين معايا وعلى الحياد ولكم جزيل الشكر |
رد: تقرير شامل عن Citroen C4 موديل 2013
معلش نسيت اقولكم حاجه انى سألت على ال c4 سيدان قالولى مش هتنزل مصر لانها تجميع صينى وده من التوكيل مش عارف الكلام ده صح ولا ايه
|
رد: تقرير شامل عن Citroen C4 موديل 2013
معايا c4 2013 وما شاء الله الله اكبر زي الفل معايا مشتكتش منها في حاجة العربية معايا من شهر 12 ولسه بحبها لغاية النهارده ومزهقتش منها ولا حاجة وبحطلها بنزين 92 من ساعة مجبتها وزي الحلاوة والتوكيل اداني ورقة بكدة بان البنزين المستخدم 92 وغير ضار بالعربية واي مشاكل تحصل من استخدام ال 92 هما متكفلين بيها توكل علي الله واشتريها ولو حابب توفر شوية انا معايا واحدة تانية ببيعها لونها اسود ماشية 3000 كم بس هي بتاعة اخويا وهو مسافر فبيبعها لو حابب تشوفها وتتفرج عليها الاول انا تحت امرك
|
رد: تقرير شامل عن Citroen C4 موديل 2013
رااااااااااااااااااااااائ ع
|
| الساعة الآن 06:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017