مصر موتورز مجتمع السيارات - إستهلاك البنزين فى اوبترا 2013

مصر موتورز مجتمع السيارات (https://www.masrmotors.com/vb/index.php)

- أوبترا (https://www.masrmotors.com/vb/forumdisplay.php?f=156)

- - إستهلاك البنزين فى اوبترا 2013 (https://www.masrmotors.com/vb/showthread.php?t=112499)

رد: إستهلاك البنزين فى اوبترا 2013

شكرا لكل من رد على سؤالى وياريت حد يكون معاه اوبترا 2013 أوتوماتيك ويكون حسب ستهلاك البنزين كويس علشان اقدر أقارن لانى بدات أحسب لها وفولت العربية للزور وبحاول اثبت السرعة على 100 زى التوكيل ماقال وربنا يسهل

رد: إستهلاك البنزين فى اوبترا 2013

هو مافيش حد من الأوبتراوية حسب إستهلاك البنزين قبل كده ولا إيه

رد: إستهلاك البنزين فى اوبترا 2013

انا معايا اوبترا 2012 وبيتهيألي مش هتفرق حاجة عن 2013
انا بسافر بالعربية 425 كيلو متر بتاخد بالظبط 36 لتر مع تشغيل التكييف طول المسافة
بالنسبة لإستهلاك البنزين في الزحام و الطرق العادية يكون المتوسط ان 60 لتر تمشيني بالمتوسط من 560 ل 600 كيلو متر وانا بفول دايما للزور و في الحالة دة التانك بيشيل 72 لتر

وممكن تحسبها انك تدخل تفول اول ما لمبة البنزين تنور على طول لأنه ساعتها التانك يكون فيه 7.5 لتر بالضبط وعند التفويل هتلاقي المسدس هيفصل على 52.5 لتر بالضبط بعدها العربية هتاخد 12 لتر تقريبا هتلاقي المجموع كله 7.5+52.5+12 = 72

رد: إستهلاك البنزين فى اوبترا 2013

اقتباس:

المشاركة الأصلية كتبت بواسطة eng.emadhosni (المشاركة 881369)

بعد العربية ما مشيت 1250ك أقدر أقول إن العربية بتعمل 200ك فى الصفيحة وأنا جربت ده 3 مرات وفى كل مرة بيكون فى حدود كده ياترى الإستهلاك كده ومعقول ولا زيادة وهل بعد ما تمشى 5000 الإستهلاك ها يقل ولا هيفضل كده

رد: إستهلاك البنزين فى اوبترا 2013

اقتباس:

المشاركة الأصلية كتبت بواسطة svneleven (المشاركة 877569)

عن تجربة أهم حاجة طريقة السواقة. طبعا أوتوماتيك يتستهلك أكتر و السواقة في الزحمة بتستهلك أكتر و طبعا التكييف و الحمولة بتستهلك أكتر لكن صدقني طريقة سواقتك هي أهم حاجة. أنا معايا الانترا 2012 فيه ناس بتعمل 100كم لكل 6 لتر أو 7 لتر أنا بقي و بعون الله بعمل 100 كم لكي 11 لتر و ساعات 12 لتر كمان!! طبعا فرق عالمي و ده بسبب أني علي طول بجري و الموتور علي طول أعلي من 3500 أو 4000 لفة و عادي أني أجيب 6000 لفة كل شوية و لما باجي علي نفسي و أمشي هادي شوية أو أطلع طريق سفر و أثبت سرعة علي عدد لفات قليل الاستهلاك بيختلف تماما.

كلامك صح جدا انا معايا فيرنا بمشى بسرعة وبحرق وبلاقى معدلى عالى شوية ولما بكون على سفر والجو حر مبرضاش احرق عليها بخليها على 100 ك
واستوب بلاقى المعدل فرق كتتيير بس فعلا البنزين سواقة

رد: إستهلاك البنزين فى اوبترا 2013

هتلاقى متوسط الاستخدام حوالى 10كم لكل لتر بنزين . ده متوسط للاستهلاك العام ما بين مشى فى المدينة والطرق السريعة. ولو عايز توفر يبقى متعليش ار بى ام عن 3 خالص..يعنى متدوسش بنزين وبعدين تدوس فرامل فى الزحام يعنى يبقى يا دوب لمسة خفيفة كده...علشان متكبسش بنزين وبعدين تكبس فرامل ده اللى بيضيع استهلاك الابنزين والفرامل كمان