رد: ده اول موضوع ليا ممكن تساعدوني؟؟
 

اما لو مستعمل فا الرينج ده يجبلك شيفروليه اوبترا تمااااااااااام او هونداى فيرنا كسر زيرو يعنى كأنها جديدة وتنسيش تصلى استخارة قبل كل ده _ والله المستعان:THE_PR~18:

رد: ده اول موضوع ليا ممكن تساعدوني؟؟
 

عدم اللامؤاخذة في ده السؤال الا هو يعني ايه كسر زيرو؟

رد: ده اول موضوع ليا ممكن تساعدوني؟؟
 

بصى كسر زيرو يعنى عربية لسه جديدة وما استخدمتش غير اشهر ولا كدا وصاحبها عايز يبيعها تبصى تلاقى حالتها عالزيرو وعاملة كيلوهات قليلة جدا دى بقى الناس بتوع السيارات والجو ده بيسموها كسر زيرو _ بس يا ست الكل

رد: ده اول موضوع ليا ممكن تساعدوني؟؟
 

بجد شكرا اوي لحضرتك

رد: ده اول موضوع ليا ممكن تساعدوني؟؟
 

بصى كنت بقول زيك كدا فى الاول وبعدين قام واحد طلع وقال الصينى يا ناس انتشر جدا ودالوقتى ده الاسلوب القديم اللى يقول ده صينى ومش عارف ايه خلاص انتهى الكلام ده السيارة دى اثبتت وجودها وقطع غيارها بقت متوفرة كتير وفيها كل الكماليات بيقول طب ما الكورى اول ما نزل كان بيتهاجم كتير جدا وكانت الناس تقول كورى _كورى ايه يا راجل ده خسارة فيه ........ المبلغ تعالى شوفى دالوقتى السيارات الكورى عاملة وانتشرت ازاى واثبتت كفاءتها قد ايه فانتى نصيحتى ليكى ما تتسرعيش واسألى كتير انا واحد من الناس والله العظيم قعدت شهرين علشان اجيب سيارة وارسى على حاجة كويسة واخيرا والحمد لله وقعت ف حاجة كويسة من كام يوم وخلصت فيها كيا برايد هاتشباك

رد: ده اول موضوع ليا ممكن تساعدوني؟؟
 

طيب ممكن تنصحني بموديل تاني ؟ غير الاسبيرانزا انا بكرهها لله في لله كده عاوزة موديل شبابي صغير بردو انا 24 سنه مش ست يعني حاجه هاتشباك طيب هيا الفيات بونتو الجديده بكام ؟

رد: ده اول موضوع ليا ممكن تساعدوني؟؟
 

لا غالية البونتو سمعت انها بتعدى ال100 الف بصى ,,,,,,,, الرينج بتاعك ده هيجيبلك مستعمل حاجة كويسة يأما تحاولى الصينى بقى لان ده اللى يناسب السعر اللى معاكى وانا عامة نصيحتى ليكى ,,,,,,,, مادام حابة الهاتشباك اوى كدا يبقى حاولى تدوريلك على كيا بيكانتو ولا هونداى i10 مستعمل وتابعى عالنت بس كدا هيسهلك الامور ادخلى على دوبيزل وعلى موقع هتلاقى دوت كوم وموقع بيكام كل دول سيارات اول بأول _ وربنا يوقعك فى حاجة كويسة بأذن الله