رد: شوماخر قد يعود للسباقات بسبب إصابة ماسا
 

الموضوع مش موضوع تفائل او ان شوماخر حيرجع يجيب الانتصارات لفيراري ..
بالعكس ممكن عودته تخليه مسار تريقه لو أدائه كان دون المستوى خصوصا ان العربيه دلوقتي غير اللي كان بيسوقها خااالص

لكن كل قصدي إن هو ده الخيار الوحيد المتاح ... يا اما يكتفو بكيمي و عربيه واحده .. وكده كده البطوله ضايعه منهم

شوماخر مش مطلوب منه أكتر من انه يسابق في 7 جولات لصالح فيراري .. ولو قدر يجمع نقاط يبقى خير وبركه
ولو مقدرش .. فيراري مخسرتش ...
بالعكس .. هو اللي ممكن يخسر .... لما توصل لقمه الهرم مفيش قدامك غير انك تفضل عليه او تنزل لتحت .. لكن حتطلع تاني تروح فين !!

رد: شوماخر قد يعود للسباقات بسبب إصابة ماسا
 

أنا شايف إن أقصى حاجة ممكن شوماخر يعملها هى إنه يجمع شوية نقاط فعلا لإن أصلا الفيرارى السنة دى مش منافسه خالص
لكن الظريف جدا إننا نشوف مثلا مايكل و كيمى فى فريق واحد
أنا من محبى الإتنين بصراحة و كنت شايف إن كيمى كان ممكن يكون بطل العالم كذا مرة لو ماكانش مايكل موجود لكن حظة وحش قوى رغم مهارته العالية

كمان الظريف إننا نشوف هاميلتون بيتنافس مع مايكل و كمان فيتيل بيتنافس م مايكل
مهو فيتيل و هاميلتون أعتقد هم أبطال العشر سنين الجاية
فتبقى حاجه تاريخية إنهم إتسباقوا مع الأسطورة
زى كده ما ألونسو كسب بطولة العالم مرتين فى ظل وجود مايكل (يعتبر إنجاز تاريخى لألونسو)

رد: شوماخر قد يعود للسباقات بسبب إصابة ماسا
 

بقولك اية يا اسلام باشا متكلمهم كدة لو شوماخر مش مستعد تبعتلهم 2 من رجال المنتدي يظبطلم السباق دة بدل الحيرة دي

رد: شوماخر قد يعود للسباقات بسبب إصابة ماسا
 

بس الاهم .. خصوصا بعد سباق المجر ... هل نتايج مرسيدس و فيراري ( هاميلتون و كيمي ) معناها عوده الفيراري و الماكلارين لمستوى المنافسه .. خصوصا ان البراون ادائها ضعيف في الاجواء البارده ..
للأسف مشوفتش السباق .. لكن النتايج بتقول كده
لو ده حقيقي .. ممكن يكون في صراع بين ماكلارين و فيراري .. و صراع داخلي بين كيمي رايكونين و مايكل شوماخر ....
ولا عزاء لانسو ... سائق ممتاز وسياره متواضعه ... ومتهيألي مش حيشاركو السباق القادم بسبب مشاكل الصيانه في سباق المجر

رد: شوماخر قد يعود للسباقات بسبب إصابة ماسا
 

لانس أرمسترونج
حد يعرفة
أسطورة الدراجات الأمريكى
كسب بطولة فرنسا سبع مرات
و إعتزلمن تلات سنين و بعدين رجع السنه دى فاز بالمركز الثالث
المهم الراجل قال إنه متحمس جدا لعودة شوماخر للسباقات و وصفه إنه الأعظم عبر العصور

رد: شوماخر قد يعود للسباقات بسبب إصابة ماسا
 

نظرا لحظر الذى فرضه الإتحاد الدولى على إجراء تجارب أثناء الموسم
و كذلك عدم السماح بقيادة السيارة إلا فى طريق مستقيم
فقد قرر شوماخر و فراراى القيام بالتدريبات على القيادة باستخدام أحد سيارات الأعوام السابقة فى أحد الحلبات الإطالية
بينما يتدرب على حلبة فالينسيا التى لم يقد عليها شوماخر من قبل بواسطة المحاكى فقط
الناس دى بتتعب و الله

رد: شوماخر قد يعود للسباقات بسبب إصابة ماسا
 

شوماخر ميقدرش يسوق النسخه الحاليه F60 قبل يوم التجارب الحره ...
يعني اول تجربه ليه مع العربيه حتكون قبل التجارب التأهيليه بيوم واحد و قبل السباق بيومين !!!
تفتكر ممكن يظبطو نسخه الموسم العادي بحيث تكون قيادتها مماثله لنسخه الموسوم الحالي ؟؟
على الاقل من حيث التماسك و الاطارات السليملس ؟؟