مصر موتورز مجتمع السيارات - من فينا صاحب الرقم القياسي؟!

اقتباس:

المشاركة الأصلية كتبت بواسطة الكردي2000 (المشاركة 865333)

كان معايا لانوس 2009 اشتريتها كسر زيرو أول سنة 2011 وتحديدا يوم تنحي المخلوع ( يوم لا ينسي ) وبعتها من شهر تقريبا كانت عامله 88000 كيلو , وفي الحقيقه انا مش بحب اكسر مائه الف كيلو بالسياره علشان المشاكل بتبدئ تظهر تدريجيا , فبضطر ابيع واشتري جديد أو كسر زيرو بردو .., بالنسبه للمشاكل كلها كانت بسيطه ( سلك بوجيهات , بلي عجل , سيور , كاوتش , بوجيهات ) يعني حاجات مستهلكه كلها.

ما شاء الله
بردو 88 الف في سنتين مش قليل

اقتباس:

المشاركة الأصلية كتبت بواسطة bakerkassab (المشاركة 865353)

230 الف كيلو ميتسوبيشي باجيرو موديل 2003 كانت معانا من 2007 كانت مش ماشية خالص
من يوم ما جت الحمد لله راحت للصيانة مرة واحدة بسبب اننا كنا في الشتاء و في قطة دخلت في الموتور مع انها مصفحة من تحت و الكوتشات

طب بعتوها ولا إيه؟
وبالنسبة للقطط، بيعدو من خرم ابرة ولا يهمهم. حصلت معانا المشكلة دي كذا مرة

اقتباس:

المشاركة الأصلية كتبت بواسطة zing0 (المشاركة 865354)

لحد الآن محدش ييجى جنبى
الحمد لله معايا لادا 2015 موديل 82 و العداد لسه جايب 30.170 , طبعاً لسه قالبة العداد, بس إللى كنت شاريها منه كان شغله فى أسكندرية و هو فى القاهرة و يوماتى مشوار450 كيلو رايح جاى, و قلبت العداد معاه مرتين قبل كده.

بصراحة على أد مشاكلها الكتيييييييييير إللى إضطريتنى أغير إصحابى كلهم لميكانيكية و كهربائية و عفشجيه , إلا أنها صعبانه عليا. بجد إللى إحنا بنعمله فى العربيات فى مصر بهدله, ده إكرام الميت دفنه يا ناس.
ROSE4U

انا معنديش فكرة عن اللادا، هيا بتقلب عند كام ألف؟
هوا صحيح بهدلة، بس زي ماكتبت انا في الموضوع، ده بيدل على الحرفية العالية عند المصريين :)
المفروض الخطوة الجاية نبدأ نصنع عربياتنا بنفسنا ان شاء الله

اقتباس:

المشاركة الأصلية كتبت بواسطة Vanditta (المشاركة 865405)

كان معايا متسوبيشى جالانت 1979 اشتريتها فى 2010
كان العداد بتاعها عامل حوالى 980 الف كيلو
يعنى كانت داخلة على المليون كيلو بعد 31 سنة اشغال شاقة :w6w2005041113435869

بس سبحان الله بعد العمر دة كلة والكيلوهات دى كلها كانت حالتها شاذة :w6w2005041122522161

1-الصاج كانت حالتة 100/100 بدون مبالغة (كانت راشة برة طبعا) بس دواخل واساسيات كانت ممتااااااااااازة ومافيهاش سنة بارومة ولا شرخ
2-الكهرباء نقول 70-80 فى المية
3-الموتور هوة اللى طلع ايمان اهلى وكان السبب فى بيعها :0155C7~128:
4-الفرش الداخلى الفبريكة كان بحالتة مش عارف ازاى سبحان الله وكان علية كسوة والتابلوة كان بحالتة برضو بس مشقق حاجات بسيطة اوى وفرش السقف والبيبان كان حالتهم 100/100 ولونهم بيج شيييك اوى
5- الكارونة كانت 100/100 والعفشة كانت عايزة شوية شغل بسيط
الطارة بتاعتها كانت كبيرة وكانت متحركة فوق وتحت فكنت بنزلها تحت خالص وكان وضع القيادة دة مع الدفع الخلفى بيحسسنى انى راكب عربية american muscles

دى صورتها للى مش عارف شكل الموديل دة ودة نفس لون اللى كانت معايا (عاجى)
http://im42.gulfup.com/b7lBd.jpg

حاليا معايا سويفت هاتش باك موديل 1992 عدادها اول ما اشتريتها فى 2011 كان عامل 9 الاف كيلو يعنى كسر زيرو
اتاري العداد بيقلب كل 100 الف :hech:
فماحدش يقدر يعرف العربية عاملة اد اية بالظبط
حاليا عامل حوالى 17 الف كيلو على العداد يعنى فاضلى 3 الاف واروح اعمل صيانة ال 20 الف :w6w2005041113562663

ربنا يباركلك فيها، بس والله غريبة ان عربية ميخلوش العداد بتاعها يزيد عن 100 ألف، مع انها ياباني يعني متوقع انها تعيش

وبالنسبة للجالانت كان حرام والله انك تبعها، دي حقها تتشال في متحف بعد سنين الشغل دي كلها