رد: مياه السوزوكي التو و حاجة غريبة أول مرة أشوفها
 

الأسعار بالجنيه المصرى مش تركيز كام % :23_10_13:
:fun_36_3_11[1]:

رد: مياه السوزوكي التو و حاجة غريبة أول مرة أشوفها
 

متشكر جداً لإهتمام حضرتك يا أستاذ هشام


معنى كلام حضرتك إن طبيعي إن العربية لما تسخن تسحب مياه من القربة ، طب السؤال هنا هتسحب كمية مقدارها إيه ؟ ماهو كدا القربة هتفضي ميتها ولا هي بعد كدا لما تبرد المفروض ترجع المياه تاني للقربة ؟؟ اعذرني على أسئلتي بس أنا مليش في الحاجات ده


بالمناسبة أنا لما غسلت دورت المياه ، حطت مياه خضراء أمريكي ماركة ابرو


الحاجة التانية ، ليه العربية مش بتسخن لما القربة بتفضي ؟؟ أنا عندي مؤشر الحرارة دايماً وقف على النص لا بيعلى ولا بينزل ، تفتكر ليه مش بتسخن ؟

رد: مياه السوزوكي التو و حاجة غريبة أول مرة أشوفها
 

إلنهردة نزلت قلت أعمل مشوار بالعربية ، بصيت على مستوى المياه قبل ما أطلع بالعربية لقيته تمام

رحت المشوار بتاعي و لما وصلت بصيت تاني على المياه لاقتها تمام برضه

رجعت البيت و لما وصلت بصيت تاني على المياه لاقتها تمام برضه ، يعني مفيش تسريب حصل إلنهردة مع اني كنت مشغل التكييف على طول ، هو المشوار مكنش طويل كان حوالي 15-20 كم من أول مانزلت البيت لحد مارجعت ،

هحاول أعمل مشوار أكبر و أتابع إيه اللي هيحصل

حاجة تانية لاحظتها ، فيه مياه بتنزل من الشكمان ، بس دة في أول تدوير العربية ، لكن بعد كدا مفيش

رد: مياه السوزوكي التو و حاجة غريبة أول مرة أشوفها
 

الموضوع دا عادى جدا دا اسمة الموتور بيعرق ودا دليل على صحة الماتور وحالتة الكويسة