رد: استفسار ضرورى سترووين zx
 

بالعكس انا سعيد انى بتكلم معاك
مقدرش افيدك هل التكييف فى سيتروين هايثر على السحب ام لا لانى معنديش فكرة كاملة على الموضوع دة
بالنسبة لتغيير المكنة او الاكتفاء بالشورت بلوك
طبعا لو المكنة سليمة مفهاش مشاكل يبقى لية نغير ونشيل ونحط ونثبت موتور فى المرور
انما لو المكنة تعبانة وعاوزة عمرة مثلا يبقى التغيير افضل
لو المكنة كويسة ومفهاش مشاكل يبقى تاخد وقتها ولما تخلص عليها (لو عرفت )بعدها نشوف شورت بلوك اكسارا

رد: استفسار ضرورى سترووين zx
 

اولا اشكر حضرتك على ذوقك واخلاقك وانا فعلا استفدت من خبرات حضرتك وربنا يجعله فى ميزان حسناتك لما نفعتنى به امين :: ثانيا إن شاء الله هادور على عربيه وربنا يرزقنى بيها خلال اليومين دول ان شاء الله وسوف اخبرك بالجديد ان شاء الله : السلام عليكم ورحمة الله
شكر وتقدير

رد: استفسار ضرورى سترووين zx
 

عليكم السلام ورحمة الله وبركاتة
فى رعاية الله
وربنا يرزقك بعربية تكون كويسة

رد: استفسار ضرورى سترووين zx
 

على فكره انا معايا السترون ZX والعربيه بجد لا تقل عن اللانوس والعربيه جميله جدا وقطع غيارها معمره

الصالون واسع والشنطه واسعه وتقدر تشيل فيها اكتر من اى عربيه سيدان

العربيه اللى معايا مش مكيفه عشان كده مقدرش احكم على حكاية ال1400 والتكييف
بس العربيه تقدر تقول ان المكنه ال 1400 كتير عليها كمان لان العربيه خفيفه ووزنها خفيف جدا لان عضمها مش تقيل

انصحك تجيب العربيه بس اهم حاجه تكون حالتها ممتازه ومع حد من فتره طويله عشان لو حالتها وحشه ومتبهدله هاتكرهك فى العربيه وده الحال مع اى عربيه تانيه

ومش هاتفكر فى عمرة ماتور قبل سنتين او 3 لو الماتور كويس لان العربيه قطعها معمره

بالنسبه لاسعار قطع الغيار مثل قطع غيار الاوروبي عموما اغلي ولكنه معمر يعني لو القطعه الكورى هاتعيش معاك 6 شهور القطعه الفرنساوى هاتعيش معاك سنه وسعرها مش هايبقى ضعف الكورى

ملحوظه : العربيه بقالها مع اخويا وبعدين معايا 3 سنين ولونها اسود بس ماكنتش تاكسي :w6w2005041122053268

وانا فكرت ابيعها وبعدين رجعت فى كلامي لانى حسيت انى مش هلاقى احسن منها فى متوسط سعرها

بالنسبة لمتوسط سعرها العربيه اللى مش مكيفه تتراوح بين 20 الى 23 وانصحك تخليك فى اللى مش مكيفه لانى مش مقتنع بحكاية التكييف فى العربيات الموديلات اللى اكبر من 10 سنين ومكن اقل من 1600 كمان