رد: رايكم اوبل فيكترا 2007 ب 75000 و لا سيراتو 2013 ب 125000
 

واحد صاحبي معاه فيكترا 2008. راح التوكيل يعمل صيانة ال 80000. المهم قالو لازم تغير تيل فرامل و طنابير ورا و قدام و قواعد فتيس و بطارية و طبعا صيانة ال 80000.عاوزين 12000 جنيه مصري. مش غالية جدا يعني.

رد: رايكم اوبل فيكترا 2007 ب 75000 و لا سيراتو 2013 ب 125000
 

هو فعلا ً مشكلة كل العربيات المحترمة فى مصر الصيانة و قطع الغيار و التوكيلات اللى ماعندهمش ضمير
:CHUBBY~36::CHUBBY~36::CH UBBY~36:

رد: رايكم اوبل فيكترا 2007 ب 75000 و لا سيراتو 2013 ب 125000
 

اوبل فيكترا 2003 احسن من السيراتو 2013
لان الحسبة الالمانى موديل التسعينات احسن من الكورى موديل الالفينات

رد: رايكم اوبل فيكترا 2007 ب 75000 و لا سيراتو 2013 ب 125000
 

هو ده الكلام
المشكلة ان كل الناس بقت تقيم العربيات على حسب سعرها أو على حسب غلو قطع غيارها أو على حسب تعامل مراكز الخدمة و الصيانة و مدى استغلاله للعميل المهمل
يا سادة عربية يعنى شياكة و فخامة وو سع و ارتفاع مناسب عن الأرض ، موتور و عفشة و آلات جر ، اتزان و مستوى ثبات رائع وسائل أمان قوية راحة و رفاهية
و أعتقد ان كل المقومات السابقة لا تتوفر مجتمعة الا فى الألمانى
و مش معنى ان فى حد معاه عربية و هاينها و ما بيحافظش على الصيانة فى مواعيدها أكيد لما يروح الصيانة هيطلبوا منه شيئ و شويات ......
مش معنى كده ان العربية نفسها وحشة لااااااااااااااااااااا
الغلط مش فى العربية الغلط فى اللى هاينها
و زمان كنا بنسمع مثل جميل أوى على الألمانى
" دى عربية باشوات اوعى تركبها من ورا شحات ابن شحات "
المقصود ان الألمانى لازم تواليه صيانة علشان تحافظ على الفخامة .
أنا فى رأيى الشخصى ان الألمانى ما حدش يركبها مستعملة الا لو كانت مع عظيم أو محب للألمانى ،
عاوز عربية مستعملة دور و امش و صيانة فى الضعيف و قطع غيار فى المعقول
خليك فى الكورى و اليابانى
عاوز ركوبة خد الألمانى بس تكون مطمن لها كويس
:GROWIN~12::GROWIN~12::GR OWIN~12::GROWIN~12:

رد: رايكم اوبل فيكترا 2007 ب 75000 و لا سيراتو 2013 ب 125000
 

المقارنة متنفعش بين العربيتين دول اصلا دي فئة ودي فئة تانية
لكن من وجهة نظري الحالة هيا اللي تحكم يعني ممكن تجيب فيكترا حالتها وحشة وتطلع عينك
عموما دور على الفيكترا ولو لقيت واحدة حالتها كويسة هاتها
ولو ملقتش يبقا اتوكل على الله وهات سيراتو عربية جميلة برضه وحلوة
ومبروك مقدما