مصر موتورز مجتمع السيارات - احذروا من هذا الميكانيكى

مصر موتورز مجتمع السيارات (https://www.masrmotors.com/vb/index.php)

- دايو العام (https://www.masrmotors.com/vb/forumdisplay.php?f=164)

- - احذروا من هذا الميكانيكى (https://www.masrmotors.com/vb/showthread.php?t=110278)

رد: احذروا من هذا الميكانيكى

متزعلش منى الغلط من عندك
وبعدين ينضحك عليا مرة ماشى مرتين ربنا يسمحنى لكن تلات مرات ؟!!؟!؟!! :fun_broken:

رد: احذروا من هذا الميكانيكى

اقتباس:

المشاركة الأصلية كتبت بواسطة maka (المشاركة 859487)

فيه ميكانيكى فى فيصل يدعى محمد عبدو للاسف اصدقاء و اعضاء ليهم تجارب سيئة معه فيرجى الحذر منه

و هنقل لحضرتكم تجربتين للمصدقية

الاولى :

السلام عليكم ورحمة الله وبركاتة

انا مبدئيا بعمل الموضوع دا وربنا شاهد على انى لا أذكر غير الحقيقه فقط

انا رحت لمحمد عبدة عشان كان عندى فى العربيه تسريب زيت من جوان طرمبة الزيت
طبعا اتفك سير الكاتينة و كاريتيرة الزيت عشان يوصل للجوان ويغيره
و لما اتفك غيربنا بلمره طرمبة المية و طقم بلى و سير جديد وجوان غطا التاكيهات وخرطوم من خراطيم الباور
وعملت بعد ما خلصت الشغل اختبار كبس للميه عشان كانت بتنقص وقالى عربيتك زى الفل مفيهاش حاجه
ودفعت مصنعية 300 جنية

تانى مره رحت ليه كان فيه خرطوم بيسرب ميه
فقالى نغير طبب المياه كلها بلمره عشان تتطمن على العربيه
قولت ماشى اهو اجراء احترازى لانى شارى العربيه مستعمله وقبل ما امشى الصنايعيى الى عنده طلب فلوس عشان لو هيشترى حاجه دفعت له 40 جنيه " وانا كنت شارى جوانات جديده لفرن الشكمان والمنافولد و الطبب جايب بزياده كمان " وهو جاب من عنده خرطومين الى اتغيروا
تم تغير الطبب الامامية والخلفية
و تغيير خرطومين تلاته الى ورا المانفولد
واتفاجئت انه نزل زيت الباور مش عارف ليه " تقريبا عشان يفك حاجه جمبه " مع انى كنت لسه مغيره بزيت موبيل 320!!!

فلمهم جيت لوقت الحساب
بيقلى 400 جنيه وعشان خاطرك 350
طبعا انا افتكرته بيهزر!!!!!

من هنا لهناك مرضيش ينزل جنيه واحد
دفعت كل الى معاى واكن 275 جنيه وقلتله 3 ايام وهجبلك الباقى عشان كان يوم الاحد اجازه عندهم

رحت له بعدها ب 5 ايام
و الميه لسه بتنقص فعمل اختبار كبس وقالى شوف كدا هتنقص ولا لا وابقى كلمنى
ودفعت له ال 75 جنيه باقى حسابة ويبقى كدا وصل ليه 350 جنيه وطبعا مسالتش على ال 40 جنيه الى الصنايعية اخدوهم عملوا بيهم ايه

المشكله بقى ان بعد كل دا الميه لسه بتنقص واما كلمته بيقلى يبقى كدا احتمال دوان وش السلندر عندك بيسرب !!!!!!!!!!!! وتعالى نكشف على العربيه ونشوف هى محتاجة ايه؟
يعنى انت مكنتش كشفت على العربيه وانت بتغير الكاتينة وانت بتغير الطبب؟ ولسه ناوى تكشف ونفتح تانى كل دا ؟

انا هسيب التعليق ليكم
وان كان فيه غلط فهبقى انا الى غلطان انى وثقت فى واحد لمجرد الكلام الى اتقال عليه

بس انا عامل الموضوع دا بحذر الناس من التعامل معاه لانه انسان غير امين و مبيقفش اصلا والعربيه بيتعمل فيها حاجه غير نص ساعه اخر اليوم لما يجوا يقفلوا الورشه
وحسبى الله ونعم الوكيل فيه

و الثانية :

طيب أنا هاحكى السبب الرئيسى اللى خلانى ابيع عربيتى
اول لما جبت العربيه فعليا مكنش عندى ميكانيكى وكنت كل شويه اروح من واحد للتانى
المهم عرفت محمد عبده عن طريق المنتدى
من اول مره روحت له وفعلا اتصدمت من المصنعيات - وفعلا كنت محرج انى اتكلم هنا عليها - لأنى لاقين ان مفيش حد بيشتكى - لغاية لما سألت فى مره على استحياء على أسعار مصناعيته هل هيه عاليه ولا عاديه ولاقيت الناس كلها بتشتكى ساعتها
أحب أقول لحضرتك ملخص المصايب اللى عبده عملها معايا
الاول تغيير فلاتر وسيور وبوجيهات 250 جنيه
بعد كده تغيير مساعدين وطنابير امامى وتيل فرامل امامى ومش عارف ايه تانى فى دورة المياه - تقريبا كانت 300 جنيه
ومن ده كتييييييييييييييييييير لكن خد التقيله
لاقيت العربيه سحبها زى الزفت و بتاكل ميه كتييييير - قال لى ده جوان وش السلندر - وتكلفته 300 جنيه - بعد ما فك قال لى وش السلندر لازم يتغير - قلت ماشى - أشتريت واحد مش فاكر بكام وطبعا عن طريقه - وركبنا جت احاسب لاقيته بيقول لى ان حسابه 500 جنيه - ليه يا عم اصل كان فيه شغل مخرطه وافشخنات ومش عارف ايه - المهم دفعت 400 جنيه زى الحمار
أجرب العربيه أكتشفت انى ماشى بعربية نموس - كمية دخان رهيبه طلعه من الشكمان
قالى ديه هاتخف كمان يومين - طبعا كدب السنين وسحب العربيه بقى فى الضياع رجعت له - قال لى ان الموتور كده عايز عمره - طبعا انا اتجننت - فجأه كده بقى عايز عمره - اه طيب والتكلفه - قال لى تقريبا من 3000 الى 3500 - طبعا انا رفضت وقلت نشترى موتور - حاول يقنعنى ان العمره هاتكون احسن - وفى النهايه اشتريت شورت بلوك ب 1000 - والباشا اخد مصنعيه تاااااااااااااااااااااااا اااااانى 500 جنيه على ايه معرفش - كل ده علشان طلبت منه تغيير كل الجوانات بتاعت الموتور ----- يعنى لسع منى 900 جنيه فى تغيير موتور
الجميل ان الموتور كان بيسيل زيت من عند وش السلندر - رجعت له قال لى انه عايز يتقرط عليه بس - وطبعا كلام كدب
بعدها ب 3 شهور وانا عنده قال لى ان جوان وش السلندر لازم يتغير علشان نوعه وحش (ده اسلام اللى عنده) وأول لما فك قال لى باللفظ ان اللى ركب محطش سليكون قبل ما يقفل - بجد انا مش عارف ساعتها انا كان هايحصل لى ايه
المهم زى الباشا دفعت 250 جنيه بالعافيه فى الجوان على اساس انه تكملة شغله
بعدها لاقيت العربيه بتسخن بغباء - روحت له وقلت له بوضوح ان المشكله ديه مشكلة ترموستات الكوعه
عمل كالتالى
الاول غير ترموستات الحراره وعمل شوية هبل وقال لى كده خلاص اتظبطت - وطبعا انا كنت هاتجنن - ترموستات حراره ايه اللى تسخن العربيه ودفعت 50 جنيه
طبعا العربيه تانى يوم كانت مولعه روحت له قال لى ديه الطرمبه - يا عم يهديك يرضيك - قال لأ ديه الطرمبه روحنا مغيرين الطرمبه وساعتها العربيه بقت بسقف جامد جدااااااااااااااا - المهم لأول مره روحت سايبه وماشى من غير ما حاسبه بيقول لى هو مفيش فلوس - قلت له لما تخلص شغلك
تانى يوم والله العظيم انا روحت له من نفق الجيزه لغاية عنده فى 4 أو 5 ساعات - العربيه بمجرد انها تشتغل بتولع
اتكرم عليه ساعتها وغير الترموستات وكان عايز 300 جنيه اديته 150 وقلت له انه المفروض هو اللى يحاسب على قطع الغيار اللى ركبت غلط ديه - راح قايل لى كلمته المعتاده - هو انا مغسل وضامن جنه
المهم سيبته والعربيه بتكركر وتسقف جااااااااااااامد جدا
يا عم انت مش بتقول ان التسقيف بسبب الحراره والعربيه اتظبطت - قال لى طيب انا هاعمل لك تعديل هايزود سحب العربيه جدااااااااااااااااااااااا ا وهايشيل التسقيف - وقام مغير لى طمبورة الكرنك من عنده بواحده خفيفه - ولا السحب زاد ولا التسقيف قل - وفى الاخر كان عايز يحاسبنا على ثمن الطمبوره 200 جنيه بالتركيب وهو ياخد القديمه
رجعتهاله وجبت سنسور كرنك وجربناه وطلع هو سبب التسقيف والصنايعى اللى عنده كان راسه والف جزمه انى اخد واحد مستعمل من عنده وأرجع الجديد
بالمناسبه كان عايز يدينى المستعمل ب 250 جنيه وانا كنت جايب ال GM تقريبا ب 100 - لما عرف تمنه قال لى خلاص - رجع الجديد وهاديلك الاصلى ده ب 100 بس - طبعا انا رفضت
المهم بعدها فعلا سيبت العربيه لغاية لما اتعرفت على ميكانيكى تانى فى شارع البحر الاعظم - مقارنه ب محمد عبده هو أحسن وارحم بكتيييييييييييييييييير - لكن حسبتها ان محمد عبده (مش العربيه) بيكلفنى فى حدود 3 جنيه سنويا على الاقل - روحت بعت اللى ورايا واللى قدامى واستلفت من طوب الارض واخدت عربية واحد قريبى
والله العظيم احد الاسباب الرئيسيه اللى خلتنى ابيع اللانوس هو محمد عبده
وانا عن نفس مش مسامحه على اى حاجه هو اخدها منى بدون وجه حق

:fun_broken::fun_broken:: fun_broken::12F099~16::12 F099~16:POLICEE:090104~38 4::090104~384::w6w2005041 12236376d:010105~332::red _face10::red_face10::w6w2 00504112235376eMADMAD

رد: احذروا من هذا الميكانيكى

حضرتك نرفزتنى بشكل كبير جدا جدا واحد كل ما يجرب فعربيتك حاجة تدفع انت تمنها وتديلو مصنعية ووصلت انو حطلك سلوكن على جوان السلندر وما هواش عارف بتسخن ليه عشان السلكون قفل اخرام المية ووصلت ان غير سير الكاتينة ومش عارف ما بقتش تسحب ليه وتكركر عشان سير الكاتينة مش مظبوط وبيفتح الصبابات قبل او بعد مواعدها المقررة ودخلت نفسك فمتاهت تعليم التيتتتتتتتتتت انا متنرفز وانت الى بتدفع تمن تعليمو وهو الى مبوظ من الاول بطريقة تركيبو الغلط والى ما فهاش اى اصول للمهنة انا متنرفز منك قبل ما اتنرفز منو عشان انت حتى ما حاولتش تسال حد غيرو عالعيب الى عندك قبل ما ترحلو انا نفسى لو عملت شغل وما عجبنيش انا مش الزبون يعنى الشغل يمشى حالو ولو ما فكتش مش هيضر بردو افكو كلو على حسابى انا مرة واقف بقفل مكنة متور يعنى ومسمار اتزحلق من الزبون وانا ماشفتوش وهوا كان مسكو وركنو عالبلوك ووقع جو المتور قفلت طرمبة الزيت والكرتيرة المتور كان عالتسجة برة وبيتقفل فكان مقلوب قفلت الكرتيرة وبقلب المتور عشان اقفل وش السلندر سمعت صوت شخللة خفيف وانتو عارفين الكرتير مربوط بكام مسمار المهم جانى وسواس ان فى حاجة كان فيه ناس قلتلك لاء ما سمعناش وناس قالت تلاقى ترس الاسبرتير عادى واللهى ما ارتحت غير لما فكيت الكرتير تانى وفعلاا لاقيت مسمار 13 طويل واقع جوا البستم بقا صاحب العربيه واقف هيتجنن من الى شافو وقال الحمد لله انك عندك دمير عمرى ما شفتو عند حد واللهى ما بمجد فنفس بس انا عاوز اصحى دمير الناس الى تقرا الكلام دة والراجل دفع فوق المصنعية متين جنيه بقلو مش عايز قلى واحد غيرك كان كبر دماغو وغرمنى اربع الاف جنيه الحمد لله انت بتدفع فلوس وعيبك ما راحش ليه ارجو انك تكون اتعلمت :fun_36_1_7[1]::fun_36_1_7[1]::fun_36_1_7[1]:وما تعملش كدة تانى :GROWIN~12:

رد: احذروا من هذا الميكانيكى

أنا كمان أتنرفزت من هذا الكلام المستفز ، و لكن الأزمة أزمة ضمير ، و يا ليت كل شخص يعلم علم اليقين أنه لو أخذ شيئ من آخر بدون حق أو أخذه باستغفال الغير فهو حرام و ربنا لن يبارك له فيه ، و لو علم أن هذا الحرام سوف يعود عليه أضعاف ، فلو ضميره صاحي و أخذ باله أن هذا جزاء فعله مع الناس سيرجع عما يفعل و لكن للأسف هناك الكثير ليس له ضمير أصلا و يعتبر هذه الأفعال شطارة و أن الزبون أهبل و نحلبه لن معاه فلوس و مش فاهم حاجة ، و لكن فعلا العيب جزأ منه راجع لصاحب السيارة أنه لابد أن يسأل ميكانيكية آخرين عن هذا العيب و عن الطلبات و المصنعية قبل أن يكمل معاه و إذا وجد أن أغلبهم متفقين على كلام واحد و يكون هذا الكلام منطقي ينفذه ، و أخير حسبي الله و نعم الوكيل فيمن يظلم غيره ، و للإفادة أخبرنا عن مكان ورشتك يا اسطى بل يا باشمهندس حمدي المخترع لعل من يريد أن يتعامل معك و لكن نوصيك بأعضاء المنتدى خيرا و أن تكون عند حسن ظننا بك ، و شكرا

رد: احذروا من هذا الميكانيكى

اقتباس:

المشاركة الأصلية كتبت بواسطة aamke (المشاركة 881718)

شكرا لحضرتك اعتبرو الورشة الرخمة المتواضعة ورشة المنتدى الى عاوز يجى الورشة لن يخرج منها غير راضى او حاسس انو مفيش امانة والامانة طبعى والى عاوز يصلح ويدفع اهلاا والى عاوز يصلح من غير ما يدفع اهلاا يبقالى يعنى هههههه وانا هعمل اشتراك شهرى بس بدرسو هاخد رائيكو فيه قبل تنفيزو وتلفون الورشة فالتوقيع الى عاوز يجى يتصل وانا اوصفلو المكان اهلاا بكل اعضاء مصر متورز :fun_36_3_16[1]::fun_36_3_16[1]::fun_36_3_16[1]:

رد: احذروا من هذا الميكانيكى

أخي العزيز
انت تعبت قوي
وبما انك في فيصل انا عندي ميكانيكي فعلا محترم ومش بيحب يفتح في شغل مش مستاهل .. .. هذا ما اجده منه دائما وبيشتغل في انواع كثير ومحترم جدا لو حبيت ابعتلي على الخاص علشان ما عملش دعاية في الموقع .. بصراحة لازم نحترم هذا الموقع ونحافظ على نزاهته
ناصر

رد: احذروا من هذا الميكانيكى

والله يا حاج حمدي بتحرجنا بمعدنك الأصيل
لك مني كل الحب والتقدير والامتنان
ناصر:fun_36_1_39[1]: