رد: نوبيرا ام كرستاله ام فيرنا ام رايكم ايه ارجو التفصيل
 

السلام عليكم
انا هقولك من واقع خبرتى وتجربتى مع النوبيرا بأمانه ربنا انا اول عربيه ركبتها كانت ريتمو وانا طالب ثم البيجو ثم الفورد ثم النيسان صنى97 ثم مرسيدس زلمكه ثم الان معايا نوبيرا 2 ومعايا لانوس 1
بص يا سيدى بالمقارنه قارن بين النوبيرا والانسر بس طلع الفيرنا من المعادله خااااااااااااااالص حتى ولو موديل السنه معلش محدش يزعل من كلامى
النوبيرا:-
اولا العيوب :- المقصات او بالادق جلب المقصات ودى طلعت عينى فالاول لكن اتحلت دلوقتى بميت طريقه واولها تركيب جلب فيرنا وانا مركبها بقالى فتره وولا الهوا زى الفل العيب
ثانيا :- الفتيس الاوتو بتاعها اسوأ وافشل فتيس شفته فى عربيه على الاطلاق يعنى لو العربيه الى انتا شايفها اوتو اصرف نظر علطول
ثالثا :- بصراحه انا عندى مش حاسسها قوى بأمانه ربنا( استهلاك البنزين مع التكييف داخل المدينه ) بيبقا عالى
المميزات :-
اولا عربيه عائليه ومريحه بأمتياز وشنطه واسعه جدا بصراحه
ثانيا:امان هلى الطريق من ناحيه الثبات والتوازن على السرعات العاليه يعنى لحد 180 190 ثابته وان كنت بأرفض وبنصح ان سرعتك متزيدش عن ميه لاسباب كتير الكل عارفها (طريق-كاوتش-تخلف من مستخدمى الطرق الخ) سوقسوق
ثالثا قطع غيار متوفره ما شاء الله ودى تسوى كتير وكتير اوى يا جماعه وانا اتعرضت للموضوع ده وعرفت قيمه العربيه فالموضوع ده واسعارها فعلا معقوله وان كانت زادت الفتره الى فاتت بسبب الدولار يعنى مثلا الماكينه كلها شورت بلوك كنا بنجيبها ب1500 جنيه ودلوقتى الماكنه الزيرو النضيفه متزيدش عن 3000 جنيه وكتير كمان
تكييف ثلاجه -نعومه فالاداء-عزل ممتاز
ده الى انا عارفه عنها بالامانه العربيه كويسه بس بشرط الاهتمام بالصيانه ويكون ايدك فيها هتستمتع بيها
اما اللانسر فبصراحه مجربتهاش لكن عربيه ليها سمعتها المحترمه فى مصر وناجحه جدا واسمع طبعا من الى جربها اما انا فمقدرش افيدك فيها بصراحه
تحياتى

رد: نوبيرا ام كرستاله ام فيرنا ام رايكم ايه ارجو التفصيل
 

اشكرك
تقرير فعلا وافى جدااااااا
فعلا عربية مميزة اوى
ولايقة جدا على الموظفين اسرية وقطع غيارها رخيصة
عبها الهد بتاع المكنة سىء جدا
نادر لما تلاقى موتور صوتة عدل
بس اللى بيهون ان الشورت بلوك كولة على بعضة بـ 1700 جنية
طقم الرشاشات بمسطرة الرشاشات بـ 120 جنية
حاجات كلها فى اللذيذ وتناسب شريحة كبيرة من المجتمع

رد: نوبيرا ام كرستاله ام فيرنا ام رايكم ايه ارجو التفصيل
 

السلام عليكم ورحمه الله وبركاته والله فعلا مقدرش اقول غير جزاكم الله كل خيروجعله في ميزان حسناتكم باذن الله تعالي نويت علي عربيه نوبيرا 2006 بسعر 47 الف جنيه فهل السعر جيد وسوف اقوم بفحصها غدا باذن الله فاي التفاصيل الهامه التي اهتم بها عند الفحص مع العلم باني سوف ارفعها في بنزينه

رد: نوبيرا ام كرستاله ام فيرنا ام رايكم ايه ارجو التفصيل
 

لو حالتها محترمة و مش ماشية كتير يبقي السعر معقول جدا.

رد: نوبيرا ام كرستاله ام فيرنا ام رايكم ايه ارجو التفصيل
 

السعر يخوف شوية
فعلا اقل من السوق بكتير

رد: نوبيرا ام كرستاله ام فيرنا ام رايكم ايه ارجو التفصيل
 

مع احترامي الفيرنا الافضل والأكفأ والاكثر اعتمادية

النوبيرا عربية تعبانة بكل المقاييس وموش بتاعة بهدلة

رد: نوبيرا ام كرستاله ام فيرنا ام رايكم ايه ارجو التفصيل
 

باشا سيبك انت
المهم الحلة بتاعت العربية
و قطع الغيار فى النوبيرة رخيصة اه بس مش معمرة
فى الانسر غالية شوية و مش قوى بس معمرة
بمعنى تانى انا صوتى للحالة وليس الموديلاتSLAM