مصر موتورز مجتمع السيارات - لو تم تمرير قانون مرور بتحدبد عمر الملاكي بـ 30 سنة تفتكر ليه

انا اخترت الاختيار الثانى " السبوبه " :d .. لمستر غبور و باقى المجموعه .

تحديد عمر التاكسى ب 20 عام انا شايف انه قرار خاطئ ... والمفروض يكون 10 سنين بس و حقولكم رايى ليه :-

اولا التاكسى المفروض بيقطع عدد كيلو ميترات فى اليوم الواحد من 250 الى 300 كيلو يوميا فى المتوسط وممكن يزيد او يقل
لو قولنا بيمشى 250 كيلو بس فى اليوم * 6 ايام فى الاسبوع " على اساس يوم اجازه للسائق " = 1500 كيلو فى الاسبوع * اربع اسابيع = 6000 كيلو فى الشهر * 12 شهر = 72000 كيلو فى السنه * عشر سنوات = 720000 كيلو .

متوسط العمر الافتراضى للمحرك 250الف كيلو .. ممكن تزيد طبعا او تقل على حسب الاستهلاك .... بس اكيد تاكسى وبيمشى كل يوم 250 كيلو وفى ايام الحر و التحميل .. الخ ... فحنقول ان عمر الموتور 250 الف كيلو يعنى التاكسى علاشان يقطع مسافه ال 720000 كيلو حيعمل عمرتين .. وده اقصى عدد ممكن يتعمل للموتور وبعد كده مش حينفع يتعمله عمره .
يبقى التاكسى مستحيييييييل انه يمشى اكتر من 10 سنوات فى جميع الاحوال" الطبيعيه " , طبعا فى مصر ال 131 و ال 504 ... على هذه الحسبه يكونو مشيو 2 مليون كيلو , بس ده علاشان احنا بلد العجائب .

انا شايف المفروض يتحدد عمر التاكسى ب 10 سنين وده ك أقصى حد . بس مع عمل الاتى :-

1- رفع جميع الضرائب والجمارك عن سيارات التاكسى " يعنى لو تاكسى كورولا او الانترا مثلا يقف سعره على السائق ب 50 ألى 60 الف جنيه .

2- عمل قروض ميسره على شراء التاكسى الحديث و بمعدل فائده لا يزيد عن 7,5 % للتشجيع على تغير التاكسى للحدث .

3- عمل تعريفه موحده " وملزمه " لجميع السائقين و فى حاله مخالفه التسعيره يسحب التاكسى لمده اسبوع .

4 - عمل رابطه او هيئه لسائقين التاكسى " لصرف معاشات لهم بعد التقاعد " عند سن 65 سنه ك حد اقصى " , التأمين على حياتهم , التأمين على السياره , تأمين صحى , نشاطات اجتماعيه " كالحج والعمره ... الخ ".

5 - الاستفاده من مخلفات الحرب " التكسيات الخرده " لأعاده تدويرها و صهرها " ونوعا ما حنساهم فى حل ازمه الحديد " .

* رأيى اننا لما نحل مشكله ماينفعش نحلها ظاهرياً ... بمعنى اننا نوقف التراخيص و نسحب السيارات و فليذهبو السائقين للجحيم !!!! الكلام ده غلط

لو سواق التاكسى حس بقيمته فى المجتمع و لقى ان فى مسانده قويه ليه , ودخله الشهرى بيكفى احتياجاته . حتتنهى مظاهر الجشع والاستغلال الى احنا بنشوفها يوماً من السواقين . طبعا مع احساسه بوجود نظام و قانون حاسم يطبق عليه فى حاله المخالفه للقواعد .

معلش بحلم ... " مع ان الموضوع سهل و مش معقد " بس احنا طريقه تفكيرنا كمصرين " سواء الافراد او الحكومه الى هى اساسا من الافراد " كارهين للنظام و للتحضر و للرقى .

على رأى العضو الكريم توت عنخ اموت " عاشت جمهوريه المهلبيه " .