رد: امبر حرارة لانوس
 

هي ممكن تكون القربه فضيت لكن لسه في ميه في الريداتير والمكنه وده خلي حرارة العربيه عليت بس مش للمرحله الي تخلي المؤشر يتحرك لأن المؤشر عندك تصميمه كده مش بيوجع دماغك بحرارة العربيه طالما انت لسه في الحد المسموح بيه وده مختلف عن عندي مثلا ان مؤشر الحرارة عندي صريح اوي كل درجه تزيد او تنقص بتبان عندي علي المؤشر طبعا ده برده ليه مميزات وعيوب
طب انت تعرف ان ال بيجو 206 مثلا مافيهاش مؤشر حرارة اساسا في لمبه بس بتنور لو العربيه سخنت
بص ياباشا طول مانت في المستوي الأمن الي هو قبل الشرطه الحمرا إن شاء الله مش هايحصل حاجة

رد: امبر حرارة لانوس
 

العربيه سخنه اوى دى حاجه والقربه مفيهاش مياه ديه حاجه تانيه
الاهم من ده كله تعمل التالى
1- تشوف زيت الموتور مطحن ولا لا ؟ لو لا يبقى الحمد لله جت سليمه والجوان سليم
2- تغير القربه المشروخه بسليمه وفوراً

باين من كلامك ان العربيه كانت سخنه بالفعل والدليل عدم وجود مياه بالقربه
بالنسبه لامبير الحراره ماهو يايشتغل ياميشتغلش صح ولا ايه
اهم حاجه تطمنا عملت ايه

رد: امبر حرارة لانوس
 

انا متشكر جدا لردك عليه وشكرا لتعبك وانا فعلا غيرت القربة وجبتها اصلى وركبتهاROSE4U

رد: امبر حرارة لانوس
 

كلنا واحد نساعد بعضنا ونتعلم من تجاربنا
:286:

رد: امبر حرارة لانوس
 

رد: امبر حرارة لانوس
 

عارفين اجمل حاجة فى المنتدى انك ساعات تكون مخنوق من العربية وتعود وتكتب وتلقى ناس تحس بيك وتساعدك وده احساسى فى المنتدى واعضاءه الى زى العسل:GROWIN~12:

رد: امبير حرارة لانوس
 

انا معايا لانوس 2010 كنت جايباها زيرو كان امبير الحرارة يرفع اقل من النص بشوية و كانت بس حاليا بحس ان الموتور حرارته زادت لدرجة انى ما اقدرش احط ايدى على كبود العربية بعد ما امشى بيها مشوار طويل لكن الغريب ان امبير الحرارة زى ما هوا ما بيزيدش مع انى متأكد ان العربية بقت بتسخن اكتر من الاول