|
رد: هو العيب في البطارية ولا الدينامو
اقتباس:
الموجب يا فندم مرسوم علية الرمز + والسالب مرسوم علية الرمز - مرسومين علىى البطارية طيب البطارية مطموسة ومفيش عليها رسومات يبقى حضرتك بالعين المجردة نشوف السلك رايح فين مربوط بالمتور او بجسم السيارة يبقى دا السالب غير كدة يبقى موجب طيب حضرتك مسالتيش لية نفصل كابل ( اعتقد الاجابة على السوال هتفيديك نفصل الموجب والا السالب) بختصار كل الى رد على حضرتك شاكك فى حاجة فى العربية بتسحب كهرباء يعنى اية بطارية السيارة عاملة زى بطارية العاب الاطفال لو الولد طفى الزرار غلط يبقى هتبقى العبة ممنورة ولكن مش شغالة ويجى تانى يوم العبة متدرضاش تشتغل وانا فى مثالى لا اقصد الاستهان باحد والله اعلم بالنية ولكن المقصود فى الحالة دى ان نعرف هل فى حاجة فى العربية لقطة كهرباء سلك مفكوك - بيلمس صاج العربية يعمل دايرة سلك قديم لكاسيت متقصش صح بختصار حضرتك تفصلى الكابل الى يريحك ( مع تفضيل فصل كبل الارضى ) وتشوفى تانى يوم دارت العربية يبقى فى تهريب فى السيارة متدرتش - يبقى هنا الكلام يختلف وهى ان شاء الله هتدور لان على حد علمى لو متدرتش ممكن نقل الشك فى البطارية والله اعلى واعلم واسف للاطالة والله المستعان ربنا يبارك فيك يارب كلام حضرتك فهمني كتير وفعلا البطارية مكتوب عليها سالب وموجب بس انا نسيت خالص هاشحنها بكره باذن الله واجرب بقي بالليل وربنا يكرم بقي شكرا لرد حضرتك |
رد: هو العيب في البطارية ولا الدينامو
ياريت ياجماعة حد يفيدنا بجد جوزي فصل البطارية زيي مانتوا قولتوا وشغلها تاني يوم اشتغلت فعلا وكشف علي البطارية وكشف علي الدينمو وطلعوا كويسين والراجل وصل لمبة بعد مافصل العربية ولاقاها نورت نور قوي وقال في تسريب في الكهربا في حاجة بتاخد الكهربا وفحصها حته حته ومش عارف ايه السبب وفك الفيوزات وفك الدينمو وفصفص العربية والاخر بردوا مش عارف السبب الله اعلم بقي بس كشف علي الدينمو وقال كويس لما احتار بيقول نغيير الدينمو واهو اتغيير لما نشوف هل هتفضل نفس المشكلة ولا لاء حقا نصيحة مني مافيش حد يشتري عربية مستعمله والله الحمد لله تعالي |
رد: هو العيب في البطارية ولا الدينامو
اقتباس:
احب ابتدى بنصيحة حضرتك وقول الفايدة فى العربية المستعملة ان عشان هى مستعملة بتعلم حضرتك حاجات كتير لو دفعتى فلوس كتير مش هتتعلميها بالشكل دا الاجابة على حضرتك من اجابات حضرتك جوزي فصل البطارية زيي مانتوا قولتوا وشغلها تاني يوم اشتغلت فعلا يعنى كدة البطارية ساليمة والشحن بتاع الدينمو 10/10 حضرتك بتقولى والراجل وصل لمبة بعد مافصل العربية ولاقاها نورت نور قوي وقال في تسريب في الكهربا في حاجة بتاخد الكهربا معنى الكلام دا ان كشف علي الدينمو وقال كويس يبقى الدينمو ان شاء الله مفيش فى مشاكل والمشكلة كلها من التسريب والتسريب دا عامل زى النزيف الداخلى فى البنى ادام بنعمل اكو ومقطعى فى السيارات وخاصة فى مصر كهربائى شاطر وفاضى وهيظبط الكلام سلك سلك - فيوز فيوز - زنج زنج وان شاء الله هيكون فى نتيجة كويسة والى ان يفتش الكهربائى العربية كل يوم حضرتكم تفصلوا الكابل والله المستعان |
رد: هو العيب في البطارية ولا الدينامو
السلام عليكم جرب تضع كاوتشه عازله بين البطاريه وصاج الكبوت ممكن يكون هو السبب والله اعلى واعلم والله المستعان |
رد: هو العيب في البطارية ولا الدينامو
اقتباس:
|
| الساعة الآن 01:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017