Akram Eagle Eye .
أفكار مصرية من شاب مصرى
شاب عادى
1- أولا عدم تصدير المواد الخام مع تشجيع الشركات التى تستورد المواد الخام على بناء مصانع لها داخل مصر و هذا الامر
الذى يؤدى الى تشغيل العديد من عمال مصر و يحفظ مواردها الخام.
عشان شركة تصنع عندك لازم تأمن ليها 3 امور
أ - تكاليف انتاج منخفضة و ده مش بيحصل
ب-حماية ملكية فكرية سليمة و ده مش بيحصل ( اقراء القانون اللى بينفخونا بيه بتاع الملكية الفكرية و انت تعرف ليه الشركات بتهرب انها تنتج اى حاجه جديدة فى مصر عشان الترخيص الاجبارى و التعسف )
ج-قنوات تجارية مرنة و ده مش بيحصل ( عشان تصدر اللى انتجته و عشان تستورد بقية اللى محتاجاه بتتنفخ )
8- بناء مركز للمتفوقين و العباقر من جميع الاعمار مع مراعات عدم علم الدوال الاخر بمثل هذا المركز حيث ان بعض الدوال لا تريد لمصر خيرا ..و أستغال العباقر فى تطوير مصر فى مجال السلاح .الطب .الهندسة . التكنولوجيا. الزراعة.
باشا خد عندك بقى و عد
أ-عندنا مركز قومى للبحوث فيه 14 شعبة بحثية عندهم اجهزة بهبرومية مليون جنيه و الاجهزة دية مش بتشتغل غير لحساب العاملين فى المركز و اى تجربة علمية بتروح بتحويل من وزارة البحث العلمى وحدة تنمية الابتكار و الاختراع غير كده مفيش و الوحدة مش بتعمل ده غير لما تكون نطت شريك بالعافية فى حق انتفاع الاختراع يعنى تمص دمك يا برنس
ب- مدينة مبارك البحثية - مخترقة من زمان و برضو نفس البيروقراطية
ج- مركز القومى للبحوث الزراعية و المركز القومى لبحوث الصحراء و المركز القومى لبحوث البناء و المركز القومى لبحوث التعدين كلها مراكز منغلقة
د- هيئة الطاقة الذرية الدخول ليها بس قصة سودة هى و مركز بحوث الاشعاع و هتروح لطلاسم معقدة جدا مع اروقة المخابرات عشان يصرحولك تدخل الحمد لله كنت من ضمن وفد مختار من المخترعين اتسمح ليهم بزيارة مفاعل انشاص من الداخل و مشاهدة الية العمل مع مصادرة كل موبايلاتنا و كاميرات التصوير و المعادن و الساعات و الاقلام و كانو عاوزين يقلعونا النضارات و خرجنا هدومنا متبهدلة اشعاع
ه-مركز بحوث الاهرام هو منتشر فى كل حته لكن امكانياته محدودة للأبحاث المتقدمة
و- المعامل النوعية اكاديمية البحث العلمى مخترقة بموجب اتفاقية صندوق الاتحاد الاوروبى
" نصيحة احنا محتاجين لتفعيل دور المخابرات العلمية و تطهير المؤسسات دية كلها من البيروقراطية ساعتها تشوف بحث علمى على حق "
11- جعل الجنية المصرى بخامة يصعب تزورها حيث ان التزوير فى العملة يؤدى الى خسارة الدولة .
الحكومة هي اللى بتطبع فلوس على المكشوف عصام شرف عمل كده وقت الثورة
13- العمل على الاستغلال الكامل لمياة النيل و ذلك عن طريق عمل سدود على فرعى النيل و عمل فروع لنهر النيل تمر بالاراضى الصحراوية و هذا الامر يؤدى الى توسع الرقعة الزراعية و عدم تكتل السكان فى منطة الدالتا .
ده شئ خيالى فى باحثة متخصصة فى الانهار اقترحت تعميق المجرى الملاحى و اعادة احياء تشعبات النيل السبعة على الدلتا و بالتالى تزيد حصة مصر من مياه النيل
14- جعل المصنع الحربى ان ينتج سيارة مصرية قسط السيارة لا يتعادى ميزانية المواصلات الشهرية للمواطن المصرى
مثل السيارة الذى أختراعها المهندس رضا غازى السيارة التى قسطها 200 جنية شهريا و عمرة المحرك 170 جنية
باشا انا مش عاوز اخوض فى حق رضا غازى
بس لو تعرفه امسه فى ودنه كده اسم المخترع شريف منير و شوف هيحصله ايه , كمان رضا غازى يملك ترخيص انتاج السيارة فى الصين فقط ولا يملك اى ورقة فى مصر تمكنه من انتاجها معلش فين براءة الاختراع بتاعتها ؟؟؟ و فين تصريح الجيش و الانتاج الحربى و الداخلية ؟؟؟
16- جعل أشارات المرور بالكميرات للرقابة و تصوير المخالفات
فكرة جامدة جدا و ممكن اقولك على طريقة تخليها تشتغل بكاميرات رخيصة جدا و بشكل عملى
17- يتم دفع المخالفات عن طريق بطاقات البنك و ان لم يتم الدفع خلال مدة محددة يتم أضافة فوئد على المخالفة
و ان لم يتم الدفع خلال المدة الاقصى يعتبر صاحب المخالفة مجرم فى نظر القانون و يستحق الحبس.
ده مطبق فعلا اعرف المخالفة و ادفعها على النت من بوابة الحكومة المصرية
فى مخالفات بالالوفات انت بتقول ايه هيجيب منين ؟؟؟
18- جعل رخصة القيادة بنظام النقط أى كل مخالفة بنقطة و ان تم نفاذ النقط يتم سحب الرخصة و لا يقود مرة أخرى.
